‘நோ கட்’-எந்திரன் ‘மாஸ்’ சென்சார் பாராட்டு

கார்த்திக் · கார்த்திக் Fri Sep 17, 2010 10:26 am

செப்டம்பர் 24.... இல்லை 30... அதுவும் இல்லை அக்டோபர் 1 என்று ஆளாளுக்கு எந்திரன் ரிலீஸ் தேதியை சொல்லி வருகிறார்கள். எப்படியும் இந்த மாதம் முடிவதற்குள் படம் வெளியாகிவிடும் என்பது மட்டுமே எந்திரன் தரப்பு பதில். எந்திரன் ரிலீஸ் தேதி இன்னும் முடிவாகாததற்கு, அப்படி என்னதான் காரணம் என்று விசாரித்ததில் தெளிவானது ஒரு விஷயம்.

கிட்டத்தட்ட 200 கோடி செலவில் உருவாகியுள்ள எந்திரன் படத்தின் போஸ்ட் புரொடக்‌ஷன் என்னும் இறுதிக்கட்ட பணிகள் ஒவ்வொன்றையும், ஷங்கர் அணுவணுவாக ஆராய்ந்து எந்த ஒரு பிசுறு, பிழைகளும் ஏற்பட்டு விடாதபடி மிகவும் கவனமுடன் செய்து வந்ததுதான் காரணம்.

தசாவதாரம் படத்திற்கும் இப்படித்தான் கவனித்தார் கமலஹாசன். ஆனாலும் ‘முகுந்தா முகுந்தா’ பாடலில் கட்சியமைப்பு சரியாக இருந்தும், பாடல் வரியில் புராணக்காலத் தவறு ஏற்பட்டுவிட்டது. அது ஒரு புறமிருக்கட்டும். இப்போ எந்திரன் விஷயத்துக்கு வருவோம்.

ஷங்கர் கண்கொத்திப் பாம்பாக பார்த்து வெட்டல், ஒட்டல் மற்றும் குரல் சேர்ப்பு என்று அணைத்து பணிகளையும் முடித்து சென்சார் குழுவிற்கு எந்திரன் படத்தை போட்டுக்காட்டியுள்ளார்.

படத்தைப் பார்த்த சென்சார் குழுவினர் எந்திரன் படக் குழுவையே பாராட்டு மழையில் நனைத்து விட்டார்கள். நல்ல தரமான ‘மாஸ்’படம் எந்திரன் என்ற வாழ்த்துகளுடன்‘யு’தரச்சான்றை வழங்கியுள்ளது சென்சார் டீம்.

இதில் ஹைலைட்டான ஒரு விஷயம் எந்திரனின் எந்த ஒரு காட்சிக்கும் கத்தரி போட வேண்டிய அவசியமே ஏற்படவில்லையாம். எங்காவது ஒரு இடத்தில் குற்றங்குறை ஏற்படாதா என்று சென்சார் குழு பூதக்கண்ணாடி வைத்து தேடியதில் தோல்விதான் மிச்சமாம். (‘நோ கட்’ ஒன்லி பாராட்டு...) ஷங்கரின் சிரத்தையுடன் கூடிய உழைப்புக்கு கிடைத்த வெற்றி இது.

இவ்வாறு அனைத்து பணிகளும் முடிந்து, சிறுசு முதல் பெருசு வரை விசில் அடித்து கொண்டாட எந்திரன் இப்போது தயாராகிவிட்டது. தற்போது அனைத்து விதமான வினியோகங்களும் கூட முடியும் நிலையை எட்டி வருகிறது. எதிர்பார்த்த விற்பனை முடிந்தவுடன் எந்திரன் திரைத்திருவிழாதான்.

புவனா · புவனா Fri Sep 17, 2010 10:32 am

u சான்றிதழ் என்றல் என்ன கார்த்திக்... அனைவரும் கூறுகிறார்கள் படத்தின் சான்றிதழ்கள் பற்றி எனக்கு எதுவும் தெரியாது... தெரிந்தால் கூறவும்

கார்த்திக் · கார்த்திக் Fri Sep 17, 2010 10:47 am

bhuvi wrote:u சான்றிதழ் என்றல் என்ன கார்த்திக்... அனைவரும் கூறுகிறார்கள் படத்தின் சான்றிதழ்கள் பற்றி எனக்கு எதுவும் தெரியாது... தெரிந்தால் கூறவும்

கதையிலும் ஆபாசம் இருக்காது. ஆ‌க்சன் காட்சிகளும் பயமுறுத்துவது போல் இல்லாமல் ஃபே‌ண்டஸியாகவே இருக்கும். சர்ச்சைக்கு‌ரிய கருத்துகளையோ, ஆள்பவர்களுக்கு கிலி ஏற்படுத்தும் விசியங்கள் ஏதும் இருக்காது ..

இந்த மாதிரி கதைக்கு தான் u சான்றிதல் தருவாங்க