மத்திய பிரதேசத்தில் ஏழைகளுக்கு இரவில் 5 ரூபாய்க்கு சாப்பாடு

arularjuna · arularjuna Wed Sep 08, 2010 10:54 am

மத்திய பிரதேசத்தில் சிவராஜ் சிங் சவுகான் தலைமையில் பா.ஜ.க. ஆட்சி நடந்து வருகிறது. அங்கு வருகிற 25-ந்தேதி ஜனசங்கத்தின் பொதுச் செயலாளராக இருந்த தீனதயாள் உபாத்யாவின் பிறந்ததினம் கொண்டாடப்பட உள்ளது.

மத்திய பிரதேச பா.ஜ.க. சார்பில் நடக்கும் இந்த விழாவில், புதிய திட்டம் ஒன்றை அமல்படுத்த திட்டமிட்டுள்ளனர். இந்த திட்டத்தின்படி இரவு நேர காப்பகங்களில் தங்கும் ஏழைகளுக்கு இரவு உணவை 5 ரூபாய்க்கு வழங்க முடிவு செய்துள்ளனர்.

மத்திய பிரதேசத்தில் முக்கிய நகரங்களில் அரசின் சார்பில் இரவு நேர தங்கும் விடுதிகள் நடத்தப்பட்டு வருகின்றன. முதல் கட்டமாக போபால், இந்தூர், ஜபல்பூர், குவாலியர் ஆகிய 4 நகரங்களில் உள்ள இரவு காப்பகங்களில் குறைந்த விலை உணவு அளிக்கப்பட உள்ளது.

இந்த 4 நகரங்களிலும் சுமார் 1,200 பேர் தங்கிச் செல்வது வழக்கம். புதிய திட்டப்படி தினமும் இரவு 1,200 ஏழைகள் வயிறார உணவு சாப்பிடலாம் என்று மத்திய பிரதேச நகர நிர்வாகம் மற்றும் மேம்பாட்டுத்துறை அமைச்சர் பாபுலால் கவுர் தெரிவித்தார்.

சலுகை விலை இரவு உணவு திட்டப்படி வழங்கும் சாப்பாட்டில் 6 சப்பாத்தி, பொரியல், ஊறுகாய் ஆகியவை இடம் பெற்றிருக்கும். இந்த புதிய திட்டத்தை விரைவில் மேலும் 10 சிறிய நகரங்களுக்கு விரிவுப்படுத்த திட்டமிட்டுள்ளனர்.