மிகப்பெரிய ஹீரோ: கவுரவ டாக்டர் பட்டத்தை ஆனந்த் ஏற்க வேண்டும்; அபினவ் பிந்த்ரா கருத்து

புதுடெல்லி,


4
முறை உலக செஸ் சாம்பியன் பட்டத்தை பெற்றவர் விஸ்வநாதன் ஆனந்த். சென்னையை
சேர்ந்த 39 வயதான அவரை மத்திய மனித வள மேம்பாட்டுத்துறை அமைச்சகம்
அவமதித்து விட்டது.

ஐதராபாத்தில்
நடைபெற்று வரும் சர்வதேச கணிதமேதை மாநாட்டில் ஆனந்துக்கு ஐதராபாத்
பல்கலைக்கழகம் சார்பில் நேற்று முன்தினம் கவுரவ டாக்டர் பட்டம் வழங்க
திட்டமிட்டு இருந்தது.

ஆனால் மத்திய மனித வள மேம்பாட்டுத்துறை அமைச்சகம் ஆனந்தின் குடியுரிமை குறித்து கேள்வி எழுப்பியதால் சர்ச்சை ஏற்பட்டது.

கவுரவ
டாக்டர் பட்டத்தை ஏற்க ஆனந்த் மறுத்துவிட்டார். ஆனத்துக்கு ஸ்பெயின்
குடியுரிமை இருக்கிறது. அங்கு அவர் சில காலம் தங்கி இருந்தார்

இந்தியாவுக்காக
விளையாடி பெருமை சேர்த்த ஆனந்தின் குடியுரிமை குறித்து சர்ச்சை
கிளப்பட்டது. அவரை அவமதிக்கும் செயலாக கருதப்பட்டது. இதை தொடர்ந்து மத்திய
மனிதவள மேம்பாட்டுத்துறை அமைச்சர் கபில்சிபல் டெலிபோனில் தொடர்பு கொண்டு
ஆனந்திடம் மன்னிப்பு கேட்டுக் கொண்டார்.

அதே
தினத்தில் டாக்டர் பட்டத்தை பெறுமாறு கூறினேன். மற்றொரு நாளில் ஆனந்த்
இந்த பட்டத்தை பெற ஒப்புக்கொண்டுள்ளதாக கபில்சிபல் தெரிவித்தார்.

தனக்கு ஏற்பட்ட அவமரியாதை காரணமாக கவுரவ டாக்டர் பட்டத்தை ஆனந்த் ஏற்றுக்கொள்வாரா என்பது உறுதியாக தெரியவில்லை.

இதற்கிடையே
ஆனந்த் கவுரவ டாக்டர் பட்டத்தை ஏற்றுக்கொள்ள வேண்டும் என்று ஒலிம்பிக்
வீரர் அபினவ் பிந்த்ரா கேட்டுக் கொண்டுள்ளார். ஆனந்த் மிகப்பெரிய ஹீரோ
என்றும் கூறியுள்ளார்.
ஒலிம்பிக்
போட்டியில் தனி நபர் பிரிவில் தங்கம் வென்ற முதல் இந்தியர் பிந்த்ரா
ஆவார். 2008-ம் ஆண்டு பெய்ஜிங்கில் நடந்த ஒலிம்பிக் போட்டியில் துப்பாக்கி
சுடுதலில் அவர் தங்கப்பதக்கம் பெற்றார் என்பது குறிப்பிடத்தக்கது.