மின்னலடிக்கும் கண்கள்

**சிவா** · **சிவா** Wed Oct 15, 2008 12:58 am

பெண்களுக்கு அழகு சேர்ப்பதில் கண்களுக்கு முக்கிய பங்குண்டு. மகிழ்ச்சி, சோர்வு, துக்கம் என்று அனைத்தையுமே பிரதிபலிக்கும் கண்ணாடியாக கண்கள் உள்ளன. கண்கள் சோர்வுடன் காணப் பட்டால், என்ன தான் மேக்கப் செய்து கொண்டாலும், முகத்தில் பொலிவு இருக்காது. கண்கள் சோர்வடைந்து காணப்படுவதற்கு முக்கிய காரணம் விட்டமின் குறைபாடுகளும், மன அழுத்த பிரச்னையுமே. இதனால் உணவில் அதிகளவில் காய்கறிகள் மற்றும் பழங் களை சேர்த்து கொள்ள வேண்டும். மேலும், நாள் ஒன்றுக்கு குறைந்தபட்சம் மூன்று லிட்டர் தண்ணீராவது குடிக்க வேண்டும். முடிந்தவரை டென்ஷன் இல்லாமல், மனதை மகிழ்ச்சியாக வைத்து கொள்ள பழகிக் கொள்ளுங்கள்.

கருவளையங்கள் மறைய வேண்டுமா?

பல பெண்களுக்கு கண்களில் ஏற்படும் பிரச்னைகளில் முக்கியமானது கருவளையம். இவை முகத்தின் அழகையே கெடுத்து விடுகின்றன. கருவளையங்கள் மறைய செய்ய வேண்டியவை:

* உருளைக்கிழங்கை மேல்தோலோடு சீவி, சாறு எடுத்து கண்களுக்கு அடியில் தடவி வந்தால், கருவளையங்கள் மறையும்.

* கருவளையங்களை நீக்குவதில் வெள்ளரிக்காய் முக்கிய பங்கு வகிக்கிறது. வெள்ளரிக் காயால் தயாரிக்கப்பட்ட கிரீம்களை வாங்கி, கருவளையம் உள்ள பகுதிகளில் தடவி, அரைமணி நேரம் கழித்து, துடைத்து விட வேண்டும். இந்த கிரீம்களை தடவி கொண்டு, இரவில் தூங்கக் கூடாது. மேலும், வெள்ளரிக்காயை நறுக்கி கண்களின் மேல், சிறிது நேரம் வைத்திருக்க வேண்டும். இதன்மூலம் கண்கள் குளிர்ச்சியடைவதுடன், கருவளையமும் குறையும்.

* சுத்தமான பன்னீரில் பஞ்சை தோய்த்து, சிறிது நேரம் கண்களில் வைத்து ஓய்வு எடுக்கலாம்.

*விளக்கெண்ணெய் மற்றும் அகில் எண்ணெய் ஆகியவற்றை சம அளவு கலந்து, கண்களில் படாமல், இமைப்பகுதி மற்றும் கண்களின் கீழ்பகுதிகளில் தடவி வரலாம். இதனால், கண்கள் வறட்சி அடையாமல் இருப்பதோடு, கருவளையமும் மறையும்.

**சிவா** · **சிவா** Wed Oct 15, 2008 12:59 am

புருவங்களில் முடி வளர வேண்டுமா?

சிலருக்கு புருவங்களில் முடி குறைவாக இருக்கும். இதனால் என்ன தான் அழகான முகவமைப்பு கொண்ட பெண் களுக்கும், சிறிது வருத்தம் இருக்கும்.புருவங்களில் முடி வளர "விளக் கெண்ணெய்' சிறந்த மருந்தாக உள் ளது. இரவில் படுக்கும் முன், புருவங்களில் விளக்கெண்ணையை தடவி கொள்ள வேண்டும். இவ்வாறு செய்து வந்தால், நாளடைவில் புருவங்களில் முடி வளர தொடங்கும்.

வயதான தோற்றம் தரும் சுருக்கங்கள், கோடுகள் மறைய வேண்டுமா?

பெரும்பாலான பெண்களுக்கு கண் களின் ஓரங்களில் சுருக்கங்களும், கோடுகளும் இருக்கும். இதனால் அவர் கள் வயதானவர்கள் போல் இருப்பர். சுருக்கமும், கோடும் ஏற்படுவதற்கு முக்கிய காரணம் தூக்கமின்மை, டயட் என்ற பெயரில் சரிவர சாப்பிடாமை போன்றவையே. மேலும், தரமில்லாத அழகு சாதனப் பொருட்களை பயன்படுத்துவதாலும் ஏற்படுகின்றன. இவை ஏற்படாமலிருக்க, சரியான உணவு முறைகளை பின்பற்ற வேண் டும். புருவங்களின் மேலுள்ள அழுத் தப் புள்ளிகளை கண்டறிந்து, வட்ட வடிவில் மசாஜ் செய்ய வேண்டும். இதனால் அந்த இடங்களில் ரத்த ஓட்டம் அதிகரிப்பதுடன், கண்களின் சோர்வும் நீங்குகிறது. மேலும், கண்களின் ஓரங்களில் உள்ள சுருக்கங்களும், கோடுகளும் மறைகின்றன.

**சிவா** · **சிவா** Wed Oct 15, 2008 12:59 am

கண்களுக்கான மேக்கப் முறைகள்:

கண்களுக்கு பயன்படுத்தும் அழகு சாதனப் பொருட்கள் மிகவும் தரமானவையாக இருக்க வேண்டும். அவற்றை கண்களில் பயன்படுத்தும் போது மிகவும் கவனமாக செய்ய வேண்டும்.

*உங்கள் கண்கள் எடுப்பாக தெரிய வேண்டுமெனில், டிரஸ்சிற்கு ஏற்ற நிறத்தில் ஐ ஷேடோவை பயன்படுத்துங்கள். இரண்டு மூன்று கலர்களை கலந்தும் பயன்படுத்தலாம்.

*பெரிய கண்கள் உடையவர்கள் டார்க் கலரில் ஐ ஷேடோ போட்டால், கண்கள் சிறியதாக தெரியும்.

*ஐ லைனர் பயன்படுத்தும் போது, பெரிய கண்கள் உடையவர்கள் அடர்த் தியாகவும், சிறிய கண்கள் உடையவர் கள் மெல்லியதாகவும் போட வேண்டும்.

*சிறிய கண்கள் உள்ளவர்கள் மஸ்காரா போட்டால், கண்கள் பெரிதாகவும், அழகாகவும் இருக்கும்.

கண்ணுக்கு அடியில் "பிளீச்' செய்ய வேண்டாம்!

முகத்திற்கு ப்ளீச் செய்யும் போது, கண்டிப்பாக கண்களுக்கு அடியில் ப்ளீச் செய்யக் கூடாது. அப்படி செய்தால், அப்பகுதியில் சுருக்கம் ஏற்பட அதிக வாய்ப்புண்டு. கண்களுக்கு பயன்படுத்தும் மேக்கப் சாதனங்கள் அனைத்தும் தரமானவையாக இருக்குமாறு பார்த்துக் கொள்ளுங்கள்.