நபிமொழி

hajasharif · hajasharif Tue Mar 30, 2010 3:42 pm

அஸ்ஸலாமு அலைக்கும் (வரஹ்)

அபூஹுரைரா (ரலி) அறிவிக்கின்றார்கள்:
'ஏழுபேர். இவர்களுக்கு அல்லாஹ், தன் நிழலைத் தவிர வேறு நிழல் இல்லாத அந்த (மறுமை நாளில்) தன் அர்ஷின் நிழலில் நிழல் தருவான்.

(1)நீதமான அரசன்

(2) அல்லாஹ்வை வணங்குவதில் ஈடுபடும் வாலிபர்.

(3) பள்ளிவாசல்களில் தன் உள்ளத்தைப் பறி கொடுத்த மனிதர்.

(4) அல்லாஹ்வுக்காக பிரியம் கொண்டு, அவனுக்காகவே ஒன்று சேர்ந்து, அவனுக்காகவே பிரிந்தும் நிற்கின்ற இருவர்.

(5) அழகும், குடும்பப் பெருமையும் நிறைந்தப் பெண் விபச்சாரத்திற்கு அழைத்தும், 'நான் அல்லாஹ்வைப் பயப்படுகிறேன்'' என்று கூறும் மனிதர்.

(6) தன் வலது கை செய்வதை, இடது கைக்குத் தெரியாமல் (அதை மறைத்துக் கொண்டு) தர்மம் செய்கின்ற ஒருவர்.

(7) தனிமையான நிலையில் அல்லாஹ்வை நினைவு கூர்ந்து, இதனால் கண்கள் கண்ணீரைச் சிந்தும் ஒருவர் என்று நபி(ஸல்) கூறினார்கள். (புகாரி,முஸ்லிம்) (ரியாளுஸ்ஸாலிஹீன்: 659)

அப்துல்லா இப்னு அம்ரு இப்னுஸ் ஆஸ் (ரலி) அறிவிக்கின்றார்கள்:
''தங்களின் அதிகாரம், தங்கள் குடும்பம், தங்கள் பொறுப்புகளில் நீதமாக நடந்து கொண்டவர்கள், அல்லாஹ்விடம் ஒளியிலான மேடைகளில் இருப்பார்கள் என்று நபி(ஸல்) கூறினார்கள். (முஸ்லிம்) (ரியாளுஸ்ஸாலிஹீன்: 660)

சபீர் · சபீர் Tue Mar 30, 2010 5:25 pm

அருமையான பதிவு நன்றி

நபிமொழி

நபிமொழி

Re: நபிமொழி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக