ஆட்டுக்கறி (மட்டன்) வெண்டைக்காய் குழம்பு

**சிவா** · **சிவா** Sun May 31, 2009 6:44 pm

தேவையான பொருட்கள்

ஆட்டுக்கறி - 1/4 கிலோ
வெண்டைக்காய் - 150 கிராம்
பெரிய வெங்காயம் - 2
தக்காளி - 3
பச்சை மிளகாய் - 2
மிளகாய்த்தூள் - 1 தேக்கரண்டி
மல்லித்தூள் - 1/2 தேக்கரண்டி
மஞ்சள்தூள் - 1/4 தேக்கரண்டி
எண்ணெய் - 2 மேஜைக் கரண்டி
தேங்காய் - 2 பத்தை (துண்டு)
முந்திரி - 5
பட்டை - ஒரு சிறிய துண்டு
இஞ்சி பூண்டு விழுது - 1 மேஜைக் கரண்டி
புதினா - 6 இதழ்
கொத்தமல்லித்தழை - சிறிதளவு
உப்பு - தேவையான அளவு

செய்முறை

1. ஆட்டுக்கறியை சுத்தமாக கழுவி தண்ணீரை வடிக்கவும்.

2. வெங்காயம், தக்காளியை பொடியாக நறுக்கவும்.

3. தேஙகாய், முந்திரியை நன்கு மையாக அரைக்கவும்.

4. குக்கரை அடுப்பில் வைத்து எண்ணை ஊற்றி, பட்டை போட்டு தாளித்து வெங்காயம் போட்டு வதக்கவும்.

5. வெங்காயம் வதங்கியதும் இஞ்சி பூண்டு விழுது சேர்த்து நிறம் மாறும் வரை வதக்கவும்.

6. பிறகு கொத்தமல்லித்தழை, புதினா போட்டு இரண்டு நிமிடம் குறைந்த தீயில் (சிம்மில்) வேக விடவும்.

7. அடுத்து தக்காளி, பச்சை மிளகாய் போட்டு வதக்கவும்.

8. இப்போது மிளகாய்த் தூள், மல்லித்தூள், மஞ்சள் தூள் போட்டு வதக்கி, மட்டனை சேர்த்து நன்கு கிளறி ஐந்து நிமிடம் குறைந்த தீயில் (சிம்மில்) வேக வைக்கவும்.

9. எல்லா மசாலாவும் நன்கு கலந்தவுடன் 1 1/2 டம்ளர் தண்ணீர் சேர்த்து குக்கரை மூடி முன்று நான்கு விசில் வரும் வரை நன்கு வேக விடவும்.

10. ஆட்டுக்கறி வெந்ததும் அதில் அரைத்து வைத்துள்ள தேங்காய் முந்திரியை ஊற்றி தேவைப்பட்டால் சிறிது தண்ணீர் சேர்த்து நன்கு கொதிக்க விடவும்.

11. வெண்டைக்காயை கொண்டையையும் வாலையும் கிள்ளிவிட்டு இரண்டாக அரிந்து சேர்த்து இரண்டு நிமிடம் மட்டும் வேக விட்டாலே போதுமானதாகும்.

12. அடுப்பிலிருந்து இறக்கி வைத்து கொத்தமல்லித்தழை (அ) புதினாவை கொண்டு அலங்கரிக்கவும். சுவையான கம கம மட்டன் வெண்டைக்காய் குழம்பு தயார்.

குறிப்பு

1. ஆட்டுக்கறியுடன் எல்லா வகையான காயையும் போட்டு செய்யலாம். முக்கியமாக முருங்கைக்காயை உபயோகிக்கலாம்.

2. வெண்டைக்காய் நறுக்கும் போது கழுவி விட்டு நறுக்க வேண்டும் இல்லையென்றால் காய் குழ குழப்பாக ஆகிவிடும்.

3. உணவுக் கட்டுப்பாட்டில் (டயட்டில்) இருப்பவர்கள் குழந்தைகளுக்கு ஆட்டுக்கறியைக் கொடுத்து விட்டு, குழம்பும் வெண்டைக்காயும் தொட்டு சப்பாத்திக்கு சாப்பிடலாம்.

Guest · Guest Thu Jul 02, 2009 12:56 pm

ஆஹா மிகவும் அ௫மையான தகவல் மகிழ்ச்சி

சபீர் · சபீர் Sun Aug 01, 2010 7:47 pm

இதன்படி ஒருமுறை முயற்சித்துப்பார்கிறேன் ஆட்டுக்கறி (மட்டன்) வெண்டைக்காய் குழம்பு 678642

மஞ்சுபாஷிணி · மஞ்சுபாஷிணி Sun Aug 01, 2010 9:15 pm

சிவா குவைத்துக்கு ஒரு பார்சல்பா..... புன்னகை

மஞ்சுபாஷிணி · மஞ்சுபாஷிணி Sun Aug 01, 2010 9:19 pm

சபீர் wrote:இதன்படி ஒருமுறை முயற்சித்துப்பார்கிறேன்

சஃபீர் இப்ப பிராக்டீஸ் பண்ணிட்டு அப்புறம் ஊருக்கு லீவுக்கு போகும்போது நீங்க சமைக்க தானேப்பா? ஆட்டுக்கறி (மட்டன்) வெண்டைக்காய் குழம்பு Icon_smile

நிலாசகி · நிலாசகி Sun Aug 01, 2010 10:02 pm

ஆட்டுக்கறி (மட்டன்) வெண்டைக்காய் குழம்பு 677196

\

இந்த கொழம்பு சைவமா அசைவமா... ஆட்டுக்கறி (மட்டன்) வெண்டைக்காய் குழம்பு Icon_eek

கஷ்டமே படவேண்டாம்..ஆட்டுக்கு வெண்டக்காய தின்ன குடுத்துட்டு ...ஆட கைமா பண்ணிடலாம் ஆட்டுக்கறி (மட்டன்) வெண்டைக்காய் குழம்பு 733974

மஞ்சுபாஷிணி · மஞ்சுபாஷிணி Sun Aug 01, 2010 10:14 pm

நிலாசகி wrote: \

இந்த கொழம்பு சைவமா அசைவமா...
கஷ்டமே படவேண்டாம்..ஆட்டுக்கு வெண்டக்காய தின்ன குடுத்துட்டு ...ஆட கைமா பண்ணிடலாம்

ப்ரியசகி..... இதில் ஆட்டை போடாமல் வெண்டக்காய் போட்டால் சைவம்பா...

வெண்டக்காயை நீங்க தின்னுட்டு ஆட்டை போட்டு தள்ளிட்டு கொழம்பு வெச்சால் அசைவம்பா... இது எப்புடி.. ஆட்டுக்கறி (மட்டன்) வெண்டைக்காய் குழம்பு 755837