எடக்கு முடக்கு சிந்தனைகள்

அழகுக் குறிப்புகள்... எடக்கு முடக்கு சிந்தனைகள்...

முன்குறிப்பு: இந்த எடக்கு முடக்கு சிந்தனைகள் சிந்திப்பதற்கு அல்ல..
(மூக்கை சிந்தக் கூட உதவாத விஷயங்கள் இவைகள்.. இதை யாரும் சீரியசாக
எடுக்கக் கூடாது)
இங்கு கொடுக்கப்படும் குறிப்புகளை யாரும் முயற்சி செய்து பார்க்கவேண்டாம்.
பின்வரும் விளைவுகளுக்கு நான் பொறுப்பல்ல..
உங்களின் ஆதரவு இல்லாவிட்டாலும் கூட தொடரும் என்பதை வருத்தத்துடன்
தெரிவித்துக் கொள்கிறேன்.. (ஏனெனில், பாதிக்கப்படப்போவது நீங்கள் என்பதால்)

அழகுக் குறிப்பு : முகம் பளபளப்பாக...

தேவையானவை:

வெள்ளரிக்காய் : 2
கேரட் : 1
எலுமிச்சை : 2
முட்டை மஞ்சள் கரு : 1

வெள்ளரிக்காயை வட்ட வட்டமாக வெட்டிக் கொள்ளவும். (3 செ.மீ
விட்டத்திலிருந்தால் பார்ப்பதற்கு அழகாக இருக்கும்)
கேரட்டை பொடிப் பொடியான சதுரமாக வெட்டிக் கொள்ளவும்.(1.5 செ.மீ X 1.5
செ.மீ)
இந்த இரண்டையும் மிக்ஸியில் (தமிழ் அகராதி பார்த்து பின் தெளிவாக
சொல்கிறேன்) போட்டு
அரைத்து கூலாக்கவும்.
இந்தக் கூலில் அரைவட்டமாக வெட்டப்பட்ட அந்த ஒரு எலுமிச்சையை புளிந்து
விடவும்.
இப்போது தேக்கரண்டியை எடுத்து கலக்கவும்.
நன்றாக கலக்கிய பின் மஞ்சள் கருவை சேர்க்கவும். இப்போது மீண்டும் நன்றாக
கலக்கவும்.
இப்போது எல்லாம் கலக்கி ஒரு குட்டையாக்கிய பின்
சிறிது நேரம் குளிர்சாதனப்பெட்டியில் வைத்து குளிராக்கவும்.
சரியாக 10 நிமிடம் 30 நொடிகளுக்குப் பிறகு கலந்த பொருட்களை எடுத்து
முகத்தில் தேய்க்கவும். சரியாக 12 நிமிடங்கள் 27 நொடிகளுக்குப் பின்
தண்ணீர் ஊற்றி கழுவவும்.
இப்படி தொடர்ந்து 30 நாட்களுக்கு செய்து வந்தால்...
என்ன என்ன மாற்றங்கள் ஆகிறது என்பதை குறித்துக் கொண்டு
ஏதேனும் நல்ல மாற்றங்கள் தெரிந்தால் மட்டும் பின்வரும்
முகவரியில் தெரிவிக்கவும்.

அழகன்..
பில்டப்பு தெரு,
பியூட்டி காலணி,

அழகுராஜபுரம் .