தென் சென்னையில் தமிழச்சியுடன் மோதும் தமிழிசை!

**ayyasamy ram** · **ayyasamy ram** Fri 22 Mar 2024 - 14:58

--
சென்னை:
லோக்சபா தேர்தலில் 3-வது முறையாக களம் காண்கிறார் முன்னாள்
ஆளுநர் டாக்டர் தமிழிசை சவுந்தரராஜன்.

தாம் போட்டியிட்ட 4 தேர்தல்களிலும் இதுவரை 'வெற்றிகரமான'
தோல்வியைத் தழுவிய டாக்டர் தமிழிசை சவுந்தரராஜன் இம்முறை
தென் சென்னை லோக்சபா தொகுதியில் திமுக வேட்பாளர் தமிழச்சி
தங்கபாண்டியனுடன் மோதுகிறார்.

தமிழ்நாடு பாஜக தலைவராக பதவி வகித்த காலத்தில்
தமிழிசை சவுந்தரராஜன் ஒவ்வொரு செய்தியாளர் சந்திப்பும்
சுவாரசியமானதாக இருக்கும். தமது உரத்த குரலில் 'தாமரை மலர்ந்தே
தீரும்' என முழக்கமிடுவதும் பாஜகவின் தோல்விகளை
'வெற்றிகரமான தோல்வி' என ஏற்றுக் கொண்டதும் மறக்க முடியாத
பேச்சுகள்.

முதுபெரும் காங்கிரஸ் தலைவரான குமரி அனந்தன் மகள்
டாக்டர் தமிழிசை சவுந்தரராஜன். 2006-ம் ஆண்டு முதன் முதலாக
ராதாபுரம் சட்டசபை தொகுதியில் போட்டியிட்டார் தமிழிசை.

அத்தேர்தலில் மொத்தமே 5,343 வாக்குகளைத்தான் தமிழிசை பெற்றார்.
5-வது இடம் பெற்ற தமிழிசை பெற்ற மொத்த வாக்கு சதவீதம் 4.70%.
2011 சட்டசபை தேர்தலில் சென்னை வேளச்சேரி தொகுதியில் களம்
கண்டார் டாக்டர் தமிழிசை. அத்தொகுதியிலும் வெறும்
7,040 வாக்குகளைத்தான் பெற்றார் தமிழிசை. வேளச்சேரியில் 4.63%
வாக்குகள்தான் தமிழிசைக்குக் கிடைத்தன.

லோக்சபா தேர்தலைப் பொறுத்தவரையில் 2009-ல்தான் முதன் முதலில்
களம் கண்டார். வடசென்னை லோக்சபா தொகுதியில் பாஜக
வேட்பாளராகப் போட்டியிட்ட தமிழிசை 23,350 வாக்குகளைத்தான்
பெற்றார். மொத்தம் தமிழிசை பெற்ற வாக்கு சதவீதம் 3.54%.

கடந்த 2019-ம் ஆண்டு லோக்சபா தேர்தலில் மீண்டும் களத்துக்கு வந்த
தமிழிசை தூத்துக்குடியில் திமுகவின் கனிமொழியை எதிர்த்து
போட்டியிட்டார். தூத்துக்குடி தொகுதியில் கவுரவமாக 2,15,934 வாக்குகள்
அதாவது 21.8% வாக்குகளை தமிழிசை சவுந்தராஜன் பெற்றார்.

தமது தேர்தல் வரலாற்றில் முதல் முறையாக டபுள் டிஜிட் வாக்குகளை
தூத்துக்குடியில்தான் பெற்றார் தமிழிசை.

இதனைத் தொடர்ந்து தெலுங்கானா மாநில ஆளுநராக நியமிக்கப்பட்டார்
தமிழிசை. பின்னர் புதுச்சேரி மாநில துணை நிலை ஆளுநராக கூடுதல்
பொறுப்பு வழங்கப்பட்டது. தற்போது ஆளுநர் பதவியை ராஜினாமா
செய்துவிட்டு மீண்டும் தேர்தல் அரசியலுக்கு திரும்பிவிட்டார் தமிழிசை.

தென் சென்னை லோக்சபா தொகுதியில் திமுகவின் சிட்டிங் எம்பியான
தமிழச்சி தங்கபாண்டியனுக்கு எதிராக களம் காண்கிறார்
டாக்டர் தமிழிசை சவுந்தரராஜன்.

-மதிவாணன் மாறன் - ஒன் இந்தியா & Dailyhunt

**Dr.S.Soundarapandian** · **Dr.S.Soundarapandian** Sat 23 Mar 2024 - 13:29

ஆமாம் , ஒவ்வொரு முறையும் பணம் செலவாகுமே .......... .........

தென் சென்னையில் தமிழச்சியுடன் மோதும் தமிழிசை!

தென் சென்னையில் தமிழச்சியுடன் மோதும் தமிழிசை!

Re: தென் சென்னையில் தமிழச்சியுடன் மோதும் தமிழிசை!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக