சந்திரயான்-3

First topic message reminder :

சந்திரயான்-3 ஆரம்ப கட்ட சோதனை வெற்றி: இஸ்ரோ

இந்தியாவின் நிலவு பயணத்தை ஆய்வு செய்ய சந்திரயான்-3 விண்கலமானது பெங்களூருவிலுள்ள யு.ஆர். ராவ் செயற்கைக்கோள் மையத்தில் வெற்றிகரமாக நடைபெற்றது. இந்த சோதனையானது கடந்த ஜனவரி 31 முதல் பிப்ரவரி 2 ஆம் தேதி வரை நடைபெற்றதாக இந்திய விண்வெளி ஆராய்ச்சி நிறுவனம் தெரிவித்தது.

மின்காந்த குறுக்கீடு மற்றும் மின்காந்த இணக்கத்தன்மை சோதனையானது, விண்வெளி சூழலில் செயற்கைக்கோள் துணை அமைப்புகளின் செயல்பாடு மற்றும் எதிர்பார்க்கப்படும் மின்காந்த நிலைகளுடன் அவற்றின் இணக்கத்தன்மையை உறுதிப்படுத்தும் பணிகளுக்காக இது நடத்தப்பட்டது.

இந்த சோதனையானது செயற்கைக்கோள்களை செயல்படுத்துவதில் ஒரு முக்கிய மைல்கல் என இஸ்ரோ கூறியுள்ளது. அதே வேளையில் சந்திரயான்-3 இன்டர்பிளானட்டரி மிஷன் உந்துவிசை, லேண்டர் மற்றும் ரோவர் என மூன்று முக்கிய தொகுதிகளை கொண்டுள்ளது.

இந்த பணி சிக்கலானதும், மேலும் தொகுதிகளுக்கு இடையே உள்ள ரேடியோ-அதிர்வெண் (ஆர் எஃப்) தொடர்பு இணைப்புகளை நிறுவுவதற்கான பணியை மேற்கொள்ளும் என்று இஸ்ரோ தெரிவித்துள்ளது.

சந்திரயான் 2 இல் ஏற்பட்ட பிரச்னைகள் இதில் இருக்காது என்றும், சந்திராயன் 3 மிகவும் வலிமையானதாக உருவாக்கி இருப்பதாகவும், விண்கலத்தில் ஒரு கருவி பழுதடைந்தால் மற்றொரு கருவி அந்த பணியை முன்னெடுத்து செல்லும் வகையில் உருவாக்கப்பட்டுள்ளது.

இந்நிலையில் அமைப்புகளின் செயல்திறன் திருப்திகரமாக இருப்பதாக இந்திய விண்வெளி நிறுவனம் தெரிவித்துள்ளது.

சந்திரயான் 3 லேண்டர் எடுத்த வீடியோ

இந்திய விண்வெளி ஆராய்ச்சி நிறுவனம் (இஸ்ரோ) வியாழக்கிழமை சந்திரயான் -3 மிஷனின் பிரக்யான் ரோவர் சந்திர மேற்பரப்பில் “அசால்ட்டாக சுழன்று உலாவி” வரும் வீடியோவைப் பகிர்ந்துள்ளது. லேண்டரின் கேமராவால் பதிவு செய்யப்பட்ட வீடியோ, பாதுகாப்பான பாதையைத் தேடி ரோவர் சுழல்வதைக் காட்டுகிறது.

ஆகஸ்ட் 23 அன்று சந்திரயான்-3 மிஷன் நிலவின் மேற்பரப்பில் மென்மையாக தரையிறங்கியது முதல், லேண்டர் மற்றும் ரோவர் பல அறிவியல் சோதனைகளை மேற்கொண்டு கடினமாக உழைத்து வருகின்றன. செவ்வாயன்று இஸ்ரோ சந்திர மேற்பரப்பின் வெப்பநிலை சுயவிவரத்தின் தரவை வெளியிட்டது, மேலும் சந்திரயான் -3 நிலவில் பல தனிமங்கள் இருப்பதைக் கண்டறிந்துள்ளது என்றும் கூறியது. மிகவும் குறிப்பிடத்தக்க வகையில், சல்பர் இருப்பதை உறுதிப்படுத்தும் சமிக்ஞைகளை இஸ்ரோ கண்டறிந்தது. இதன் மூலம் சந்திரனில் சல்பர் இருப்பதற்கான முதல் நேரடி ஆதாரத்தை இஸ்ரோ முன்வைத்தது.

Chandrayaan-3 Mission: The rover was rotated in search of a safe route. The rotation was captured by a Lander Imager Camera. It feels as though a child is playfully frolicking in the yards of Chandamama, while the mother watches affectionately. Isn't it? pic.twitter.com/w5FwFZzDMp — ISRO (@isro) August 31, 2023

ரோவரில் உள்ள LIBS (லேசர் தூண்டப்பட்ட பிரேக்டவுன் ஸ்பெக்ட்ரோஸ்கோப்) கருவியானது பாறைகள் மற்றும் மண்ணிலிருந்து பிளாஸ்மாவை உருவாக்கக்கூடிய உயர் ஆற்றல் பல்சரைப் பயன்படுத்துகிறது. இந்த நிலையில், தனிமங்கள் அவற்றை அடையாளம் காணப் பயன்படும் பண்பு அலைநீளங்களில் கதிர்வீச்சை வெளியிடுகின்றன, என இஸ்ரோ தெரிவித்துள்ளது.

இஸ்ரோவின் சமீபத்திய வீடியோவில் காணப்படுவது போல, ரோவருக்கு எப்போதும் சீரான பயணம் இருப்பதில்லை. திங்களன்று, பிரக்யான் அதன் பாதைக்கு நேராக ஒரு பெரிய பள்ளத்தை எதிர்கொண்டதாக இஸ்ரோ அறிவித்தது, அதாவது ரோவர் தானாகவே தனது பாதையை மாற்றிக் கொள்ள வேண்டும். ரோவர் மற்றும் லேண்டர் இரண்டும் சந்திர நாளில் செயல்படும் வகையில் வடிவமைக்கப்பட்டுள்ளன.

ஒரு சந்திர நாள் பூமியில் சுமார் 14 நாட்களுக்கு சமம். ஆகஸ்ட் 23 அன்று சந்திரனில் பகல் நேரம் தொடங்கியது, அந்த நாளில் விக்ரம் லேண்டர் தரையிறங்கியது. சந்திர நாளில், சூரிய ஒளி தொடர்ந்து கிடைக்கும். மிஷனின் கருவிகள் சூரிய சக்தியில் இயங்குவதால், அவை ஒரு சந்திர நாளுக்கு மட்டுமே செயல்பட முடியும்.

மேலும், இரவு நேரத்தில் நிலவில் மிகவும் குளிராக இருக்கும், வெப்பநிலை மைனஸ் 100 டிகிரி செல்சியஸ் வரை இருக்கும். அத்தகைய குறைந்த வெப்பநிலையில் செயல்பட வடிவமைக்கப்படாத மின்னணுவியல் சாதனங்கள் “சந்திர இரவில்” வேலை செய்ய முடியாமல் போகலாம்.

நிலவின் மேற்பரப்பில் பிளாஸ்மா: கண்டுபிடித்த விக்ரம் லேண்டர்

நிலவின் மேற்பரப்பில் குறைந்த அளவு பிளாஸ்மா இருப்பதை விக்ரம் லேண்டர் கண்டுபிடித்துள்ளதாக இஸ்ரோ அறிவித்துள்ளது. நிலவின் தென் துருவத்தில் ஆய்வு செய்துவரும் விக்ரம் லேண்டர் அடுத்தடுத்து பல்வேறு தகவல்களை வெளியிட்டு வருகிறது. அந்த வகையில், நிலவின் மேற்பரப்பில் குறைந்த அளவில், ‘அயனியம்’ எனப்படும் பிளாஸ்மா இருப்பதை, லேண்டரில் பொருத்தப்பட்டுள்ள ரேம்பா-எல்.பி. (RAMBHA-LP) என்ற கருவி கண்டுபிடித்துள்ளது. நிலவின் மேற்பரப்பில் ஒரு சதுர அடிக்கு சுமார் 5 முதல் 30 மில்லியன் எலக்ட்ரான்ஸ் இருப்பது கண்டறியப்பட்டுள்ளது.

நிலவில் சல்பர் உட்பட, ஒன்பது தனிமங்கள் இருப்பதை ஏற்கெனவே ரோவர் கண்டறிந்துள்ளது. மேலும், ஹைட்ரஜனை தேடும் பணியில் பிரக்யான் இருப்பதாக இஸ்ரோ கூறியுள்ளது. இந்நிலையில், ‘சுமார் 2 ஆயிரம் நானோ மீட்டர் தொலைவுக்கு ரோவர் செல்லும் பட்சத்தில், ஹைட்ரஜன் இருப்பது உறுதி செய்யப்படும்’ என்று இஸ்ரோ விஞ்ஞானி சிவசுப்பிரமணியன் தனியார் தொலைக்காட்சி ஒன்றுக்கு அளித்த பேட்டியில் நம்பிக்கை தெரிவித்துள்ளார்.

நிலவின் தென் துருவத்தில் கந்தகம் இருப்பதை சந்திரயான்3 பிரக்யான் ரோவர் மீண்டும் உறுதி செய்துள்ளது. ரோவரில் உள்ள ஸ்பெக்ட்ரோஸ்கோப் கருவி, மேலும் சில தனிமங்கள் நிலவில் இருப்பதையும் கண்டறிந்துள்ளதாக இஸ்ரோ அறிவித்திருந்தது. இந்நிலையில், ரோவரில் உள்ள மற்றொரு கருவியும், நிலவின் மேற்பரப்பில் கந்தகம் இருப்பதை உறுதி செய்துள்ளதாக இஸ்ரோ தெரிவித்துள்ளது. இது தொடர்பான புகைப்படம் அடங்கிய வீடியோவையும் தற்போது இஸ்ரோ வெளியிட்டுள்ளது.

நிலவின் மேற்பரப்பில் உள்ள கந்தகம் இயற்கையானதா அல்லது எரிமலை மற்றும் எரிகற்களால் உருவானதா என்ற கேள்வி எழுந்துள்ளதாகவும் இஸ்ரோ தெரிவித்திருக்கிறது. நிலவின் மேற்பரப்பிலிருந்து 5 சென்டிமீட்டர் நெருக்கத்தில் இருந்து இந்தக் கருவி இயங்கி வருவதாகவும் தெரிவிக்கப்பட்டுள்ளது. இதனிடையே, நிலவின் மேற்பரப்பில் பிரக்யான் ரோவர் சுற்றி வரும் வீடியோவை இஸ்ரோ வெளியிட்டுள்ளது. நிலவின் மேற்பரப்பில் பாதுகாப்பான வழியைத் தேடி ரோவர் வலம் வந்ததை லேண்டர் படம் பிடித்துள்ளதாக இஸ்ரோ தெரிவித்திருக்கிறது.

பணிகள் நிறைவு: ஸ்லீப் மோடுக்கு சென்ற பிரக்யான்; எப்போது மீண்டும் வரும்?

சந்திரயான் -3 லேண்டர் மற்றும் ரோவரின் ஆயுளை நீட்டிக்கும் நம்பிக்கையில், இந்திய விண்வெளி ஆராய்ச்சி நிறுவனம் (இஸ்ரோ) சந்திரனில் பகல் நேரம் முடிவடைவதால் சனிக்கிழமையன்று, பிரக்யான் ரோவரை உறக்க நிலையில் (Hibernation mode ) வைத்தது.

இஸ்ரோ கூறுகையில், ரோவர் அதன் பணிகளை முடித்துள்ளது. இது இப்போது பாதுகாப்பாக நிறுத்தப்பட்டு ஸ்லீப் மோட்டில் மாற்றப்பட்டுள்ளது. APXS மற்றும் LIBS பேலோடுகளும் நிறுத்தி வைக்கப்பட்டுள்ளன. இந்த பேலோடுகளில் இருந்து தரவுகள் லேண்டர் வழியாக பூமிக்கு அனுப்பபட்டுள்ளன என்று கூறியது.

சந்திரயான் -3 லேண்டர் மற்றும் ரோவர் ஒரு சந்திர நாள் (Lunar day) 14 பூமி நாட்கள் மட்டுமே செயல்படும் வகையில் வடிவமைக்கப்பட்டுள்ளது. ஏனென்றால், நிலவில் இரவு நேரத்தில் -120 டிகிரி செல்சியஸுக்கும் குறைவான வெப்பநிலை இருக்கும். இதனை தாங்கும் வகையில் சந்திரயான் -3 மின்னணு சாதனங்கள் வடிவமைக்கப்படவில்லை.

Chandrayaan-3 Mission: The Rover completed its assignments. It is now safely parked and set into Sleep mode. APXS and LIBS payloads are turned off. Data from these payloads is transmitted to the Earth via the Lander. Currently, the battery is fully charged. The solar panel is… — ISRO (@isro) September 2, 2023

நிலவில் இரவு நேரமும் 14 நாட்கள் வரை இருக்கும். இருப்பினும் எலக்ட்ரானிக்ஸ் குறைந்த வெப்பநிலையிலும் செயலுடன் இருக்கும். நிலவில் மீண்டும் சூரிய ஒளி கிடைத்தவுடன் தானாகவே ஆற்றல் பெற்றுக் கொள்ள முடியும். உண்மையில், இது சில ஆண்டுகளுக்கு முன்பு சீன லேண்டர் மிஷன் ஒன்றில் நடந்தது.

இஸ்ரோ தலைவர் எஸ். சோமநாத் கூறுகையில், லேண்டர் மற்றும் ரோவரின் ஆயுளை நீட்டிக்க இஸ்ரோ முயற்சி செய்யும் என்றார். தொடர்ந்து, லேண்டர் மற்றும் ரோவர் உறக்க நிலையில் வைக்கப்படும். இதனால் அவை இரவைக் கடந்து தாங்கி நிற்கும் என்று கூறினார்.

எனினும் ரோவரில் உள்ள பேட்டரி முழுமையாக சார்ஜ் செய்யப்பட்டுள்ளது. சோலார் பேனல் செப்டம்பர் 22, 2023 அன்று எதிர்பார்க்கப்படும் அடுத்த சூரிய உதயத்தில் ஒளியைப் பெறும் வகையில் அமைக்கப்பட்டுள்ளது. ரிசீவர் தொடர்ந்து ஆன்-ல் வைக்கப்பட்டுள்ளது” என்று இஸ்ரோ தெரிவித்துள்ளது.