உபிக்கள் எல்லா நாட்டிலும் உண்டு

கிழக்கு ஆசியாவில் , ஏசியன் பசிபிக் என சொல்லபடும் அந்த பிரதேசத்தில் எது நடந்தாலும் "எங்க தாத்தா அந்த காலத்திலே, எங்க அப்பா அந்த காலத்திலே" என தமிழக நிதியமைச்சர் போல ஆக்ரோஷமாக இறங்கிவிட கூடியவர் வடகொரிய தற்போதைய அதிபர்

அப்படிபட்டவர் இப்பொழுது ஜப்பான் கடலில் அமெரிக்க இந்திய இன்னும் பல நட்புநாடுகள் கூட்டுபயிற்சி செய்யும் பொழுது சும்மா இருப்பாரா?

உடனே ஒரு ஏவுகனையினை எடுத்து, மிக கவனமாக வெடிபொருள் நிரப்பாமல் அதைவிட வலுகவனமாக அது ஜப்பானை தாக்காமல் கடலில் மட்டும் விழுமாறு சரியாக ஏவிவிட்டார்

ஏவிவிட்டு "ஏண்டா டேய்.. என்ன பத்தி தெரியுமில்ல" என எம்.ஆர் ராதா பாணியில் விளாசிகொண்டுமிருக்கின்றார்

ஏதோ கடலில் விழுவதை அவதானித்த ஜப்பானிய அமெரிக்க படைகளும் "ஓ அவரா.. நோ வொண்டர்" என சொல்லிவிட்டு தங்கள் பயிற்சியினை தொடர்கின்றார்கள்

உக்ரைன் போரில் வடகொரிய ஆயுதம் சிலவற்றை வாங்க புட்டீன் விரும்பியது உண்டு என்கின்றன செய்திகள் ஆனால் அதனை பரிசோதித்த ரஷ்ய ராணுவத்தார் அப்படியே வைத்துவிட்டு கம்யூனிச சல்யூட் அடித்துவிட்டு கிளம்பியதாகவும் செய்தி உண்டு

இதனால் வடகொரிய ஆயுதம் பற்றி அமெரிக்காவுக்கு ஒரு அசட்டு சிரிப்பு அடிக்கடி வந்தது, அந்த கோபத்தில் தன் ஆயுத தகுதியினை காக்க அன்னார் இந்த ஏவுகனையினை வீசியிருக்கலாம்

இதனிடையே தன் மகள் "கிம் ஜூ ஏ" எனும் பெயர் தன் நாட்டில் யாருக்கும் இருக்க கூடாது என உத்தரவிட்டுவிட்டார் அதிபர், அது தன் குடும்பம் தன் குலத்துக்கு மரியாதையானதாக இல்லையாம்

இதை அறிந்த வடகொரிய உபிக்களும் கம்யூனிஸ்டுகளும் "அய்யா உங்கள் வீட்டின் நாய் பூனை பெயர் சொல்லமுடியுமா? டிரைவர் வேலைக்காரன் பெயர் சொல்லமுடியுமா? அப்படிபட்ட பெயரை யார் வைத்திருந்தாலும் விடமாட்டோம்" என வளைந்து தொங்கி கொண்டிருக்கின்றன‌

உபிக்கள் எல்லா நாட்டிலும் உண்டு

எனினும் இந்திய தமிழகம் கொஞ்சம் அதிர்ஷ்டம் செய்த மாகாணம், அங்கு இப்படி தங்கள் குடும்ப பெயரை யாரும் வைக்க கூடாது என தமிழக வடகொரிய குடும்பதிடமிருந்து மிரட்டல் ஏதுமில்லை என்றாலும் மக்களே அந்த குல வாரிசுகளின் பெயரை இப்பொழுதெலலம் வைக்கவும் விரும்புவதில்லை அவ்வகையில் இது மரியாதையா இல்லை இந்த பெயர் தங்கள் வீட்டிலா எனும் முகம்சுளிப்பா என்பதும் தெரியவில்லை

பிரம்ம ரிஷியார் @ முகநூல்