சொத்துகள் முடக்கம்: சசிகலா வீட்டில் நோட்டீஸ் ஒட்டியது வருமான வரித்துறை

சென்னை: சசிகலாவின் பினாமி பெயர்களில் இருந்த, 300 கோடி ரூபாய்க்கும் அதிகமான, 65 சொத்துக்களை, பினாமி தடுப்புச் சட்டத்தின் கீழ், வருமான வரித் துறை முடக்கி உள்ளது. இதனையடுத்து போயஸ்கார்டனில் சசிகலா புதிதாக கட்டி வரும் வீட்டில் நோட்டீஸ் ஒட்டப்பட்டது.

சசிகலா குடும்பத்தினர் மற்றும் உறவினர்களின் வீடுகள், அலுவலகங்கள் உட்பட, 187 இடங்களில், 2017ல் வருமான வரித் துறையினர் சோதனை நடத்தினர். ஐந்து நாட்கள் நீடித்த சோதனையில், சசிகலா குடும்பத்தினர், 60க்கும் மேற்பட்ட போலி நிறுவனங்களை துவக்கி, 1,500 கோடி ரூபாய் வரை, வரி ஏய்ப்பு செய்தது கண்டுபிடிக்கப்பட்டது. மேலும், சில ஆயிரம் கோடி ரூபாய்க்கு, சொத்துக்களில் முதலீடு செய்தது தொடர்பான ஆவணங்களும், சோதனையில் சிக்கின. கிடைத்த ஆவணங்கள் படி, போலி நிறுவனங்கள், சொத்துக்கள் விபரங்களை, வருமான வரி அதிகாரிகள் முழுமையாக கண்டுபிடித்தனர். அதைத் தொடர்ந்து, 1,500 கோடி ரூபாய் மதிப்பிலான சொத்துக்களை, 2019 நவம்பரில், வருமான வரித் துறை முடக்கியது.

இந்த நிலையில் மேலும், 300 கோடி ரூபாய்க்கும் அதிகமான சொத்துக்களை, வருமான வரித் துறையினர் கையகப்படுத்தி உள்ளனர். வருமான வரித் துறை அதிகாரிகள் கூறியதாவது: சமீபத்தில், ஐதராபாதில் உள்ள, 'அரிசந்தனா எஸ்டேட்' நிறுவனத்தின் பெயரில் இருந்த, 65 சொத்துக்கள், பினாமி தடுப்பு சட்டத்தின் கீழ் கையகப்படுத்தப்பட்டுள்ளன. இதில், சென்னை, போயஸ் தோட்டத்தில், வேதா நிலையத்திற்கு எதிரே உள்ள, 24 ஆயிரம் சதுர அடி நிலம், ஆலந்துார், தாம்பரம், ஸ்ரீபெரும்புதுார் உட்பட, பல்வேறு பகுதிகளில் உள்ள, 200 ஏக்கர் நிலங்களும் அடங்கும். இதன் மதிப்பு, 300 கோடி ரூபாய்க்கும் அதிகமாக இருக்கும். இந்த சொத்துக்கள் பரிமாற்றம், 2003 - 2005ல் நடந்துள்ளது. சொத்துக்களை கையகப்படுத்தியது தொடர்பாக, பெங்களூரு சிறையில் உள்ள சசிகலாவிற்கு நோட்டீஸ் அனுப்பப்பட்டுள்ளது.இவ்வாறு, அதிகாரிகள் கூறினர்.

இவர் தனக்கு ஆங்கிலமே தெரியாது என கோர்ட்டில் வாதாடினவர்.

ஆங்கிலத்தில் இருந்ததை எல்லாம் தமிழாக்கம் செய்து கொடுத்தது நீதி வளாகம்.

இப்போது நோட்டீஸோ ஆங்கிலத்தில் உள்ளது. எனக்கு ஆங்கிலம்  தெரியாது 

தமிழ் ப்ளீஸ் என்பாரோ?

SK wrote:சொத்து குவிப்பு சாத்தியம்



சொன்னா நம்புங்க
அ.தி.மு.க மிகவும் நேர்மையான கட்சி

மேற்கோள் செய்த பதிவு: 1330142

உண்மைதாங்க !
மறுமொழியில் 
சத்தியம் என்று தட்டச்சு செய்தால் சாத்தியம் என்றும் விருப்ப தேர்வு.(option)வருகிறது.

ரமணியன்

SK wrote:

T.N.Balasubramanian wrote:

SK wrote:சொத்து குவிப்பு சாத்தியம்



சொன்னா நம்புங்க
அ.தி.மு.க மிகவும் நேர்மையான கட்சி

மேற்கோள் செய்த பதிவு: 1330142

உண்மைதாங்க !
மறுமொழியில் 
சத்தியம் என்று தட்டச்சு செய்தால் சாத்தியம் என்றும் விருப்ப தேர்வு.(option)வருகிறது.

ரமணியன்

மேற்கோள் செய்த பதிவு: 1330144

ஓ இது தான் இரட்டுற மொழிதலா

மேற்கோள் செய்த பதிவு: 1330185

இல்லீங்க மாலை 6-35 மணி சுமாருக்கு இருட்டற நேரத்தில் போட்ட மொழி.

ரமணியன்