ஐ.நா.நல்லெண்ண தூதராக தேர்வானார் மதுரை சலூன் கடைக்காரரின் மகள்

**ayyasamy ram** · **ayyasamy ram** Fri Jun 05, 2020 11:03 am

-
மதுரை:

மதுரை மாவட்டத்தில் கொரோனா பரவலைத் தடுக்க
பிறப்பிக்கப்பட்டுள்ள ஊரடங்கு உத்தரவால்
பாதிக்கப்பட்டுள்ள மக்களுக்கு ஊரடங்கு
தொடங்கிய நாளில் இருந்து பலர் உதவி செய்து
வருகின்றனர்.

மதுரையில் மேலமடையில் வசித்து வருபவர் மோகன்.
47 வயதான மோகன், சலூன் நடத்தி வருகிறார். ஊரடங்கால்
பாதிக்கப்பட்டுள்ள மக்களுக்கு 5 கிலோ அரசி, காய்கறிகள்,
பலசரக்கு சாமான்கள் மற்றும் சமையல் எண்ணெய்
போன்றவற்றை வழங்கி வருகிறார்.

இதற்காக தனது மகள் நேத்ராவின் படிப்புக்காக சேமித்து
வைத்த 5 லட்சம் ரூபாயை செலவிட்டுள்ளார்.

மோகனின் மகள் நேத்ரா, தற்போது ஒன்பதாவது வகுப்பு
படித்து வருகிறார். ஐ.ஏ.எஸ் ஆக வேண்டும் என்ற கனவுடன்
படித்து வருவதாக அவர் தெரிவித்திருந்தார்.

இக்கட்டான நிலையில் மக்களுக்கு மோகன் உதவிய சம்பவம்
பிரதமர் மோடிக்கு தெரிவிக்கப்பட்டது. இந்நிலையில்
மன் கீ பாத் நிகழ்ச்சியின்போது மகள் படிப்புக்காக
வைத்திருந்த ஐந்து லட்சம் ரூபாய் பணத்தில் மக்களுக்கு
உதவிய மோகனுக்கு பாராட்டு தெரிவித்தார்.

இந்நிலையில் ஐ.நா.நல்லெண்ண தூதராக மதுரை சலூன்
கடைக்காரரின் மகளான மாணவி நேத்ரா தேர்வாகியுள்ளார்.
மேலும் நியூயார்க் மற்றும் ஜெனிவாவில் நடக்கும் கூட்டத்தில்
பேசவும் நேத்ராவுக்கு ஐ.நா.அழைப்பு விடுத்துள்ளது.

தனது எதிர்கால கல்விக்காக சேமித்து வைத்திருந்த
5 லட்ச ரூபாயை ஏழைகளுக்காக நேத்ரா வழங்கியதை
பாராட்டி கவுரவிக்கும் வகையில் இந்த சிறப்பு அவருக்கு
அளிக்கப்பட்டுள்ளது குறிப்பிடத்தக்கது.
---
மாலைமலர்

**T.N.Balasubramanian** · **T.N.Balasubramanian** Fri Jun 05, 2020 8:48 pm

வாழ்த்துகள் நேத்ரா அவர்களே.

பாரதத்திற்கு பெருமை சேருங்கள்.

ரமணியன்

Guest · Guest Sat Jun 06, 2020 4:42 pm

வாழ்த்துகள்...............அதேசமயம்...................................

அது ஐ.நா என்பது தவறு. ஐ.நா. மற்றும் உலக நாடுகளுடன் இணைந்து செயற்படும் அரசு சாரா அமைப்பாகும்.UNADAP உடைய இணையதளத்தில் மதுரை மாணவி நேத்ரா UNADAP சார்பாக ஜெனிவா மற்றும் நியூயார்க்கில் நடைபெற உள்ள UN CSO மாநாட்டில் வறுமை தொடர்பாக பேச வாய்ப்பு அளித்து உள்ளதாகவும், அவருக்கு ஊக்கத் தொகையாக 1 லட்சம் அளித்துள்ளது தொடர்பாகவும் குறிப்பிடப்பட்டுள்ளது.UN என முன்னால் வந்தவுடன் தமிழ் ஊடகங்கள் குழப்பமடைந்து விட்டனவா?

ஐ.நா.நல்லெண்ண தூதராக தேர்வானார் மதுரை சலூன் கடைக்காரரின் மகள் 8C1eEAoSNyLo74mkOn1s+f{10}

ஐ.நா.நல்லெண்ண தூதராக தேர்வானார் மதுரை சலூன் கடைக்காரரின் மகள் 8C1eEAoSNyLo74mkOn1s+f{10}

இந்த ஊடகங்கள் இருக்கே எல்லாவற்றுக்கும் அவசரம்!

**T.N.Balasubramanian** · **T.N.Balasubramanian** Sat Jun 06, 2020 5:40 pm

UN என்றதும் ஐ நா என்று நினைத்திருக்கக்கூடும்.
இருப்பினும் நியூயார்க்கிலும் ஜெனீவாவில் பேசுவதற்கு வாய்ப்பு கிடைத்ததற்கு
பெருமை படவேண்டும்.
அவரது பிரயாண செலவு /அது சம்பந்தபட்ட இதர செலவுகளை அரசு ஏற்கவேண்டும்.
நம் நாட்டின் தூதுவராக செல்லும் இவர் சிறந்த முறையில் நடத்தப்படவேண்டும்.
என்ன பேசவேண்டும் எப்பிடி பேசவேண்டும் என்பதற்கு பயிற்சி பெறவேண்டும்.

ரமணியன்

Sponsored content · Sponsored content

ஐ.நா.நல்லெண்ண தூதராக தேர்வானார் மதுரை சலூன் கடைக்காரரின் மகள்

ஐ.நா.நல்லெண்ண தூதராக தேர்வானார் மதுரை சலூன் கடைக்காரரின் மகள்

Re: ஐ.நா.நல்லெண்ண தூதராக தேர்வானார் மதுரை சலூன் கடைக்காரரின் மகள்

Re: ஐ.நா.நல்லெண்ண தூதராக தேர்வானார் மதுரை சலூன் கடைக்காரரின் மகள்

Re: ஐ.நா.நல்லெண்ண தூதராக தேர்வானார் மதுரை சலூன் கடைக்காரரின் மகள்

Re: ஐ.நா.நல்லெண்ண தூதராக தேர்வானார் மதுரை சலூன் கடைக்காரரின் மகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக