வேண்டுகோள்..

சிவனாசான் · சிவனாசான் Sat May 11, 2019 7:37 pm

ஈகரை தமிழ் அன்பர்களுக்கு ஓர் பணிவான வேண்டுகோள். எனக்கு தெரிந்த ஓர் ஐம்பத்து மூன்று வயது நிறம்பிய மாதுவுக்கு மார்பகத்தில் ஓராண்டுக்குமுன் புளியங்கொட்டை அளவிற்கு கட்டியாக தென்பட்டதாம் தற்போது வளர்ந்து மாங்கொட்டை அளவிற்கு பெரிதாகி சிறு வலி உள்ளதாம் பல டாக்கரிடம் ஆலோசித்தும் சரியாக சரியான தீர்வுகிடைக்கவில்லையாம். எனவே தங்களுக்கு தெரிந்தவர்களுக்குயாருக்கேனும்இதுபோன்றகட்டிஇருந்துகுணமாக்கப்பட்டிருந்தாலும் , அறுவை சிகிச்சை இன்றியோ அல்லது அறுவை சிகிச்சை மூலமோ இருந்தால் . விவரம் குறித்து பதிந்தால் அன்னாருக்கு உதவலாம் என்பதே என் வேண்டுகொள்.

**ayyasamy ram** · **ayyasamy ram** Sat May 11, 2019 8:08 pm

''பெண்களைப் பொறுத்தவரை, அவர்களுக்கு கேன்சர் அல்லாத
கட்டிகள்தான் 80 சதவிகிதம் வருகின்றன. அதனால் கட்டிகள்
எல்லாம் கேன்சர் என்று பயப்படத் தேவையில்லை.

ஆனால், பரிசோதனை செய்து தெளிவடைவது முக்கியம்.
ஒருவேளை மார்பகப் புற்று ஆரம்ப கட்டத்திலேயே கண்டு
பிடிக்கப்பட்டால், அதிக செலவின்றி நிச்சயம் குணப்படுத்தி
விடலாம்
--
மார்பில் கட்டி இருந்தால், "அல்ட்ரா சவுண்டு ஸ்கேன்' செய்து,
எந்த வகையான கட்டி என டாக்டர்கள் கண்டறிவர்.

எந்த இடத்தில் கட்டியுள்ளது என்பதை, இந்த "ஸ்கேனர்' கண்டு
பிடிக்கும். மெல்லிய ஊசியின் மூலம் கட்டியிலுள்ள செல்கள்
மற்றும் திரவங்கள் எடுக்கப்பட்டு, "பயாப்சி' பரிசோதனை
செய்யப்படும்.

கேன்சர் நோய் இருந்தால், தெரிந்து விடும். சாதாரண கட்டியாக
இருந்தாலும், இப்பரிசோதனை மூலம் அறிந்து கொள்ளலாம்.

சிலருக்கு இது, வெறும் நீர் கட்டியாகவும் இருக்கலாம். அப்படி
இருந்தால், மெல்லிய ஊசி மூலம், அந்த திரவத்தை வெளியில்
எடுத்ததும், கட்டி காணாமல் போய்விடும்.
கட்டி, திண்ணமாக இருந்தால், "மேமோகிராம்' செய்ய வேண்டும்.
--
நோய்த்தாக்கம் உள்ள பெண்மணிக்கு
பரிசோதனை மேற்கொண்ட டாக்டர்கள்
அல்ட்ரா சவுண்ட் சிகிச்சை மேற்கொண்டார்களா?
-
நோயாளி மெமோகிராம் செய்து கொண்டாரா?
என்பது தெரிய வேண்டும்.
-
மாவட்டத்தில் உள்ள தலைமை
அரசு மருத்துவ மனை அல்லது மெடிகல் காலேஜ்
மருத்துவ மனைகளுக்கு சென்றால், நல்ல தீர்வு
கிடைக்கும்.