கந்து வட்டி

ஈகரை தமிழ் களஞ்சியம் :: கவிதைக் களஞ்சியம் :: சொந்தக் கவிதைகள் :: மரபுக் கவிதைகள்

Page 1 of 1 •

கந்து வட்டி

#1249433

M.Jagadeesan
சிறப்புப் பதிவாளர்: பதிவுகள் : 5382
இணைந்தது : 18/04/2015

Post M.Jagadeesan Wed Oct 25, 2017 8:57 am

கந்து வட்டிக் கொடுமையினால்
...கருகிப் போனதே மூன்றுஉயிர் !
பந்த பாசங்கள் எல்லாமே
...பட்ட கடனில் பறந்ததுவோ ?
தந்தை தனது துணைவியுடன்
...தவமாய்ப் பெற்ற குழந்தைகளை
வெந்து தீயினில் மாய்ந்திடவே
...விட்டது நெஞ்சைப் பிளக்குதய்யா !

வரவுக்கு மிஞ்சிய செலவினத்தால்
...வட்டிக்கு பணத்தை வாங்குகிறார் !
அரவும் வட்டியும் ஒன்றாகும்
...அழஅழ வைத்தே அதுகொல்லும் !
இரக்கம் இல்லா மனிதரிடம்
...இரந்து பணத்தைப் பெறுதலினும்
நரக வாழ்க்கை மேலாகும்
...நன்றே இதனை சிந்திப்பீர் !

வரவில் அடக்கு செலவினத்தை
...வசந்தம் வாழ்வில் உருவாகும் !
இரவல் என்றும் வாங்காதே !
...இரந்து என்றும் வாழாதே !
இரவில் ஊறிய சாதத்தை
...இனிதே உண்டு வாழுகின்ற
உரமும் துணிவும் வந்துவிட்டால்
...உன்னத வாழ்வு வாழ்ந்திடலாம் !

இருந்தமிழே ! உன்னால் இருந்தேன் ; இமையோர்
விருந்தமிழ்தம் என்றாலும் வேண்டேன் !

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

Page 1 of 1