அம்மன் அருள்

-

ஞானமென்பது ஒரு மனிதனுக்கு எப்படி, எந்த நிமிடத்தில்
வருமென்று தெரியாது.

அந்த ஞானத்தை உலகிலுள்ள அனைவருக்கும் குறைவின்றி வழங்கக்கூடியவள் அம்பாள். அம்பாள் என்பதற்கு
அஞ்ஞானத்தை நீக்கக்கூடியவள் என்பது பொருள்.

ஞானத்தை நாம் தேடவேண்டியதில்லை. அஞ்ஞானத்தை
நீக்க நீக்க உள்ளிருக்கும் ஞானம் வெளிப்படும். நிலத்திலிருந்து
மண்ணைத் தோண்ட தண்ணீர் கிடைப்பதுபோல, மாயை எனும் அழுக்குகளை நீக்குபவருக்கு ஞான ஊற்று சுரக்கும்.

எந்த ஒரு ஆலயத்துக்குச் செல்லும்போதும் முதலில் தாயார்
சந்நிதிக்குச் சென்று வழிபடவேண்டும். பின்பே சுவாமி சந்நிதிக்குச் செல்லவேண்டும்.

ஏன்? நம் வேண்டுதல்களை சுவாமியிடம் எடுத்துச்சொல்லி
உடனுக்குடன் நிறைவேற்றித் தருபவள் அம்பாள்.
நம் வீட்டிலேயே அப்படித்தானே. எதுவொன்று தேவையானாலும்
நாம் தாயின் காதில்போடுவோம்.

அவள் பக்குவமாக நேரம் பார்த்து தந்தையிடம் சொல்லி
அதற்கு சம்மதம் பெற்றுத் தருவாள். அதுமட்டுமல்ல;
நாம் கேட்டதற்கும் அதிகமாகவே பெற்றுத் தருவாள்.

ஞானசம்பந்தர் விஷயத்தையே எடுத்துக்கொள்வோம்.
அவர் பாலுக்கு அழுதபோது பார்வதியும் பரமேஸ்வரனும்
வந்தார்கள்.

ஈஸ்வரன் தேவியிடம், ""தேவி, அமுதப் பாலை பொன்
கிண்ணத்தில் எடுத்து ஊட்டு'' எனச் சொன்னார்.
உமாதேவி என்ன செய்தாள்?
பாலில் சிவஞானத்தையும் குழைத்து ஊட்டினாளாம்.

"உவமையிலாக் கலைஞானம்
உணர்வறியா மெய்ஞ்ஞானம்
தவமுதல்வர் சம்பந்தர்
தானுணர்ந்தார் அந்நிலையில்....'

ஏன் உமாதேவி சிவஞானத்தையும் குழைத்துக்கொடுத்தாள்?
ஞானசம்பந்தன் உடனேயே பாடவேண்டுமென்று அ
ன்னைக்கு ஆசை. இறைவன் நினைப்பதைவிடவும் அதிகம்
கொடுப்பவள் அன்னை. அம்மனின் அருள் அத்தகையது.
-
அந்த அம்மனின் தாள்பணிந்து அவளருளுக்குப் பாத்திரமாவோம்!