பத்ம விருது பெறும் கே.ஜே.ஜேசுதாஸ்:

**ayyasamy ram** · **ayyasamy ram** Fri Jan 27, 2017 7:39 pm

-
1940-ஆண்டு கேரளத்தில் பிறந்த கே.ஜே. ஜேசுதாஸ்
50 ஆண்டுகளை திரையிசை உலகில் நிறைவு செய்துள்ளார்.

ஜேசுதாஸ் திரைப்படப் பாடகராக 1960-ஆம் ஆண்டில்
கால்பாடுகள் என்ற மலையாளத் திரைப்படத்தில்
அறிமுகமானார்.

அதைத் தொடர்ந்து வீணை எஸ்.பாலச்சந்தரின் பொம்மை
படத்தின் மூலம் தமிழ் சினிமாவில் அறிமுகமானார்.
“நீயும் பொம்மை, நானும் பொம்மை” என்ற இவரின்
தமிழ் அறிமுகப் பாடல் தமிழ் ரசிகர்களிடையே பெரும்
வரவேற்பை பெற்றது.

1970-களில் ஹிந்தித் திரைப்படங்களில் பாடத் தொடங்கினார்.

தமிழ், மலையாளம், ஹிந்தி, கன்னடம், தெலுங்கு, வங்காளம்,
குஜராத்தி, ஒரியா, மராத்தி, பஞ்சாபி, சமஸ்கிருதம் உள்ளிட்ட
பல்வேறு இந்திய மொழிகளில் பாடியுள்ள ஜேசுதாஸ், இதுவரை
40,000-க்கும் அதிகமான பாடல்களை பாடியுள்ளார்.

7 முறை தேசிய விருது:

இதுவரை எந்த ஒரு பின்னணிப் பாடகரும் சாதிக்காத வகையில்
ஏழு முறை சிறந்த பாடகருக்கான தேசிய விருதைப் பெற்றுள்ளார்.
மாநில அளவில் கேரளம், தமிழ்நாடு, கர்நாடகம், ஆந்திரப்பிரதேசம்
மற்றும் மேற்கு வங்க அரசுகளிடம் மொத்தம் 45 முறை சிறந்த
பாடகருக்கான விருதை பெற்று சாதனை புரிந்துள்ளார்.

திரை இசையைத் தவிர, கர்நாடக இசை மற்றும் ஆன்மிக
பாடல்களிலும் தனிக் கவனம் கொண்டவர் ஜேசுதாஸ். சமயப்
பாடல்கள், பிற மெல்லிசைப் பாடல்கள் அடங்கிய இசைத்
தொகுப்புகளையும் வழங்கியுள்ளார். மலையாளத் திரைப்
படங்களில் இசையமைப்பாளராகவும் பணியாற்றியுள்ளார்.

இவரை “கான கந்தர்வன்” என்று இசை ரசிகர்கள்
அழைக்கின்றனர்.
-
ஜேசுதாசுக்கு பிரபா என்ற மனைவியும் வினோத், விஜய், விஷால்
என்ற மகன்களும் உள்ளனர். இரண்டாவது மகன் விஜய் ஜேசுதாஸ்
தமது தந்தையைப் பின்பற்றி திரைப்படப் பாடகராக பரிமளித்து
வருகிறார். படங்களிலும் அவர் நடித்து வருகிறார்.
-
-------------------------------------
நன்றி- தினமணி

பத்ம விருது பெறும் கே.ஜே.ஜேசுதாஸ்:

பத்ம விருது பெறும் கே.ஜே.ஜேசுதாஸ்:

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக