பெங்களூருவில் ஒரே நாளில் 35 தமிழக லாரிகள் கூண்டோடு தீக்கிரை

First topic message reminder :

பெங்களூருவில் ஒரே நாளில் 35 தமிழக லாரிகள் கூண்டோடு தீக்கிரை- தடுக்க முடியாமல் திணறிய போலீஸ்!!

பெங்களூரு: பெங்களூருவில் இன்று ஒரே நாளில் 35 தமிழக லாரிகள் தீக்கிரையாக்கப்பட்டுள்ளன. கன்னட அமைப்பினர் என்ற பெயரிலான கும்பல் தமிழக பதிவு எண் கொண்ட லாரிகளை தேடித் தேடி தீ வைத்து எரித்ததால் தமிழக லாரி ஓட்டுநர்கள் பெரும் பதற்றத்தில் உள்ளனர்.
காவிரியில் தமிழகத்துக்கான நீரை திறந்துவிட கர்நாடகா மறுத்தது. இதனால் உச்சநீதிமன்றத்தில் தமிழக அரசு வழக்குப் போட்டது.
இதனை விசாரித்த உச்சநீதிமன்றம், தமிழகத்துக்கான காவிரி நீரை திறந்துவிட உத்தரவிட்டது. இதிலும் திருத்தம் கோரிய கர்நாடகா அரசின் கோரிக்கை நிராகரிக்கப்பட்டது.

இளைஞர் தாக்குதலுக்கு பதிலடி
இதனிடையே கர்நாடகாவில் தமிழக இளைஞர் ஒருவர் தாக்கப்பட்ட சம்பவம் பெரும் கொந்தளிப்பை ஏற்படுத்தியது. இதன் எதிரொலியாக தமிழகத்தில் கர்நாடகா பதிவெண் வாகனங்கள் மீது தாக்குதல் நடத்தப்பட்டு வருகின்றன.

கர்நாடகாவில் தாக்குதல்
இந்த நிலையில் கர்நாடகாவில் தமிழக பதிவெண் வாகனங்கள் மீது தாக்குதல் நடத்தப்பட்டு வருகிறது. நஞ்சன்கூடு பகுதியில் தமிழக பதிவெண் கொண்ட கார் மீது கல்வீசித் தாக்குதல் நடத்தப்பட்டது. இத்தாக்குதலைக் கண்டித்து கக்கநல்லாவில் சாலை மறியல் போராட்டத்தை அவர்கள் நடத்தினர்.

கடைகள் நாசம்
பெங்களூரு செயிண்ட்ஜார்ஜ் பகுதி மற்றும் ராம்நகரில் தமிழக பதிவெண் கொண்ட பேருந்துகள் தாக்கப்பட்டன. அதேபோல் மாண்டியாவில் தமிழருக்கு சொந்தமான கடைகள் அடித்து நொறுக்கப்பட்டன.

லாரிகளுக்கு தீ வைப்பு
பெங்களூரு புறநகர் பகுதியில் மைசூர் சாலையில் தமிழக பதிவெண் கொண்ட 2 லாரிகளுக்கு தீ வைக்கப்பட்டுள்ளன. 2 லாரிகளும் முற்றிலும் எரிந்து நாசமானது. இதேபோல் மேலும் 3 லாரிகளும் தீ வைத்து எரிக்கப்பட்டன. அதேபோல் மைசூர் சாமுண்டி மலையில் தமிழக பதிவெண் கொண்ட கார் ஒன்றுக்கும் கன்னட அமைப்பினர் தீ வைத்தனர். இதில் அந்த கார் எரிந்து நாசமானது.

தொடருகிறது .....

மேலாண்மை வாரியத்தை மதிக்காது நடந்தால் Article 356 பயன்படுத்துவோம் என்று மத்திய அரசு எச்சரிக்கை விடவேண்டும் .

M.Jagadeesan wrote:மேலாண்மை வாரியத்தை மதிக்காது நடந்தால் Article 356 பயன்படுத்துவோம் என்று மத்திய அரசு எச்சரிக்கை விடவேண்டும் .

மேற்கோள் செய்த பதிவு: 1221873

ஆர்டிகிள் 356 ஆ ? இப்பவே மத்திய அரசில் கர்நாடக மந்திரி ஒரு மாதிரி பேசிவருகிறார் .வெங்கய்ய நாயுடு ஒரு மாதிரி பேசுகிறார் . பொன்னோ விஷயம் புரியாமல் பேசுகிறார் . மோடியோ பேசித் தீருங்கள் என்கிறார் . பாரபட்ஷமாக நடக்க சாத்திய கூறுகள் அதிகம் .
சுப்ரீம் கோர்ட் சொன்னால் நடக்கவேண்டியது நடக்கும் . இப்போது வாயை மூடிக்கொண்டு திறந்து விடுகிறார்கள் அல்லவா !

மேலாண்மை வாரியம் கூறுதலை கேட்க வில்லை என்றால் , பார்லிமென்ட் (Article 356 ) தலையிட வேண்டும் என்கிறீர் :அதாவது மேலாண்மை வாரியத்திற்கு ,பவர் இல்லை என்றுதானே அர்த்தம் ,Jagadeesan

ரமணியன்

" அதனை அவன்கண் விடல் " என்பது ஐயனின் வாக்கு. யாரால் எதைச் செய்யமுடியுமோ அதை அவரிடம் விட்டுவிட வேண்டும் .

சட்டத்தை மீறுபவர்கள் இருக்கத்தான் செய்வார்கள் . அதற்காக சட்டமே இயற்றாமல் இருக்கமுடியுமா ? மேலாண்மை வாரியம் அமைத்தால் , அதை மீறமுடியாது என்பதற்காகத்தான் , அதை அமைக்காமல் இருக்கிறார்கள் . ஆகவே மோடியின் ராஜதந்திரமே இருவரும் முட்டிமோதிக்கொண்டு சாகட்டும். நிலைமை முற்றினால் 356 அமல்படுத்தி , சித்தராமையாவை நீக்கிவிட்டு எடியூரப்பாவைக் கொண்டுவருவோம் என்பதுதான் .

M.Jagadeesan wrote:மேலாண்மை வாரியத்தை மதிக்காது நடந்தால் Article 356 பயன்படுத்துவோம் என்று மத்திய அரசு எச்சரிக்கை விடவேண்டும் .

என்ன நகைச்சுவை பண்ணிக்கிட்டு இருக்கீங்களா ?!

கர்நாடக அரசு உச்ச நீதிமன்ற தீர்ப்பை அமுல்படுத்திவிட்டது , இப்பவும் தண்ணீர் வந்துகொண்டு தான் இருக்கிறது.

Article 356 பயன்படுத்தி அரசாங்கத்தை தான் கலைத்து கவர்னர் ஆட்சியை கொண்டு வர முடியும். ஆனால் இங்கு மக்களை தூண்டி விட்டு தானே பின்னாடி நிற்கின்றனர்.

356 ஐ பயன்படுத்தி ஒவ்வொரு கர்நாடககாரனையும் உள்ளே பிடித்து போட முடியுமா என்ன

பிறப்பித்த அரசாணையையே (gesetted ) மதிக்கமாட்டேன், என்கிறார்கள் .
மேலாண்மை வாரியம் அதை செம்மையாக செய்யும் என்கிறீர் . Jagadeesan
உங்கள் ஆசை கெடுப்பானேன் !
மேலாண்மை வாரியம் அமையட்டும் . என்ன பேர் வேண்டுமானாலும் வைத்துக் கொள்ளட்டும் .
article 356 ம் வரட்டும் .
காவிரியில் தண்ணீர் வரட்டும் .
டெல்டா மாவட்டத்திற்கு தண்ணீர் கொடுங்கப்பா !

ரமணியன்

சட்டத்தை மதித்து நடக்க வைக்க விதியை கடைபிடிக்க வைக்க தற்காலம் அடக்கு முறையே
சிறந்த தாக தெரிகிறது. அதாவது இராணுவ ஆட்சியால் மட்டுமே முடியும் என எண்ணத்தோன்றுகிறது நடப்புகளைப்பார்த்தால்............................

கடுமையான தண்டனை அளிக்க சரியான சட்ட விதி ஆளுமை நிர்வாகம் இன்மையால்தான் பொது சொத்து சுய சொத்துக்கு இழப்பு ஏற்படுத்துகின்றனர் எனலாம். போராட்டம் வன்முறைக்கு மறியலுக்கும் முற்று புள்ளி வைக்கும்படியான சட்ட விதிமுறை கொண்டுவரனுங்க...அப்போதுதான் சுதந்தரநாடாக தென்படும்.