அறிவியல் அறிவோம் - அளிப்புரிமை- Copyleft - என்றால் என்ன?

காப்புரிமை -Copyright - அளிப்புரிமை -Copyleft-  என்றால் என்ன?

காப்புரிமை -Copyright - All Rights reserved – என்றால் அனைவருக்கும் தெரிந்த ஒன்று,ஆனாலும் பல சந்தர்பங்களில் நாம் அதை மீறி விடுவதும் உண்டு. இந்த காப்புரிமை முன்னர் சினிமா, புத்தகங்கள்,உருவாக்கப்பட்ட பொருள்கள்,இசை என பல இடங்களில் பயன்பட்ட போதும்,இன்றைய நிலையில் கணினி எல்லாவற்றிலும் ஆக்கிரமித்துக் கொண்ட நிலையில்,மற்றைய இடங்களைவிட கணினியில் இசை,மென்பொருள்,சினிமாப் படங்கள் என விரிவு பெற்றிருக்கிறது.

காப்புரிமை என்பது உருவாக்கியவர்களுக்கு பாதுகாப்பு தரும் சட்டமாகும். அவர் அனுமதி இன்றி அதை மாற்ற,பயன்படுத்த,வேறொருவருக்கு கொடுக்க, விற்பனை செய்ய முடியாமல் தடுக்கிறது. இதன்படி அவர் தன்னுரிமை கொண்டிருப்பதால் அந்த உரிமை மூலம் பணம் சம்பாதிக்க முடியும்.சினிமா நூல்கள் போன்றவை காப்புரிமை பெற்ற உரிமையாளர் அனுமதி இல்லாது பயன்படுத்துவது சட்டப்படி குற்றமாகும்.
மென்பொருள் ஒன்றை மாற்றி அமைப்பது,விற்பது,அனுமதி இன்றி பயன்படுத்துவது குற்றமாகும்.

இந்த காப்புரிமைக்கு முற்றிலும் எதிர்கருத்துக் கொண்டது அளிப்புரிமை-copyleft-All wrongs reserved- ஆகும்.மேலே சொல்லப்பட்டது போன்ற ஒரு பொருளோ வேறெதுவோ உரிமையாளர் அனுமதி இல்லாது பயன்படுத்த, வேறொருவருக்கு கொடுக்க முடியும்.தேவையேற்பட்டால் அந்த நூலோ,மென்பொருளோ உள்ள இணையப் பக்கத்தை வேறொரு இணையப் பக்கத்தில் லிங்க் கொடுத்து பாவிக்க முடியும்.

இந்த முறை சூன் 1976 இல் லீ சென் வாங்க் என்பவர்  தனது Palo Alto Tiny BASIC என்ற கணினி மொழியை அளிப்புரிமையுடன் கொடுக்க copyleft- @COPYLEFT ALL WRONGS RESERVED -என கொண்டு வந்தபோதும், 1980 இல் ரிச்சாட் ஸ்டால்மன் என்பவரே அதை செயல்படுத்தி, 1984 இல் copyleft உரிமையைப் பெற்றார்.இதன்படி பிரதி செய்ய,மாற்ற,வினியோகிக்க அனுமதி வழங்குகிறது. இந்த அளிப்புரிமை அடிப்படையில்  GNU General Public License பெற்று  செப்டெம்பர் 27 1983 இல் ஆரம்பமானது.

குனூ -GNU- என்பது கட்டற்ற மென்பொருட்களால் அமைந்த ஓர் இயங்குதளமாகும். இது யுனிக்ஸ் போல் அமைந்திருந்தாலும் யுனிக்ஸ் அல்ல என்ற பொருளில், Gnu is Not Unix ,எனப் பெயரிடப்பட்டுள்ளது.