ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

**ராஜா** · **ராஜா** Tue Mar 15, 2016 5:33 pm

First topic message reminder :

நெல்லை மாவட்டம் செங்கோட்டை அருகே உள்ள காலாங்கரையை சேர்ந்த ஆசிரியை கோதைலெட்சுமி (வயது23). தென்காசி அருகே உள்ள தனியார் பள்ளி ஒன்றில் வேலை பார்த்தபோது அங்கு 10–ம் வகுப்பு படித்து வந்த கடையநல்லூர் கிருஷ்ணா புரத்தை சேர்ந்த மாணவன் சிவசுப்பிரமணியன் என்பவருடன் கடந்த ஆண்டு மார்ச் 31–ந்தேதி மாயமானார்.

இந்த சம்பவம் குறித்து கடையநல்லூர் போலீசார் வழக்குப்பதிவு செய்து இருவரையும் தேடி வந்தனர். இதற்கிடையில் மகனை கண்டுபிடித்து தருமாறு சிவ சுப்பிரமணியனின் தாயார் மாரியம்மாள் மதுரை ஐகோர்ட்டு கிளையில் ஆட்கொணர்வு மனு தாக்கல் செய்திருந்தார். அதன் அடிப்படையிலும் போலீசார் விசாரணை நடத்தி வந்தனர். இந்த சூழலில் மாயமான கோதைலட்சுமியும், சிவசுப்பிரமணியனும் புதுச்சேரி சென்று திருமணம் செய்து கொண்டு திருப்பூரில் வசித்து வருவதாக போலீசாருக்கு ரகசிய தகவல் கிடைத்தது.

இந்த தகவல் அறிந்த புளியங்குடி காவல் துணை கண்காணிப்பாளர் ஜெயக்குமார் தலைமையிலான போலீசார் கடந்த 10–ந்தேதி அங்கு சென்று கோதைலட்சுமி, சிவசுப்பிரமணியனை புளியங்குடிக்கு கொண்டு வந்தனர். பின்னர் அவர்கள் இருவருக்கும் தென்காசி அரசு ஆஸ்பத்திரியில் மருத்துவ பரிசோதனை செய்யப்பட்டது.

அதன் பின்னர் தென்காசி நீதிமன்ற நீதிபதி ஜெகதீஸ்வரி முன்னிலையில் அவர்களை போலீசார் ஆஜர்படுத்தினர். ஆசிரியை கோதை லெட்சுமியை 15 நாள் சிறை காவலில் வைக்கவும், மாணவன் சிவ சுப்பிரமணியனை கூர்நோக்கு இல்லத்தில் வைக்கவும் நீதிபதி உத்தரவிட்டார். இதையடுத்து கோதைலெட்சுமி நெல்லை கொக்கிர குளத்தில் உள்ள மகளிர் சிறையில் அடைக்கப்பட்டார். சிவசுப்பிரமணியன் நெல்லை கூர்நோக்கு இல்லத்தில் வைக்கப்பட்டான்.

இந்த நிலையில் கோதை லெட்சுமி 4 மாத கர்ப்பமாக உள்ளதால் அவருக்கு உரிய மருத்துவ சிகிச்சைகள் அளிக்க கொக்கிரகுளம் மகளிர் சிறையில் வசதிகள் இல்லாததால் திருச்சியில் உள்ள மகளிர் தனிச்சிறைக்கு மாற்றப்பட்டார்.

மாணவன் சிவசுப்பிரமணியனை கண்டுபிடித்து தரும்படி அவனது தாய் கொடுத்த ஆட்கொணர்வு மனுவின் அடிப்படையில் இன்று (செவ்வாய்க்கிழமை) மதுரை ஐகோர்ட்டு கிளையில் சிவசுப்பிரமணியன் ஆஜர்படுத்தப்பட்டான். அவனை புளியங்குடி காவல் துணை கண்காணிப்பாளர் ஜெயக்குமார் தலைமையிலான போலீசார் அழைத்து வந்தனர். மாணவன் சிவசுப்பிரமணியன் தாடி வைத்திருந்த நிலையில், பிரவுன் கலர் ஜீன்ஸ், சிவப்பு கலர் டீ–சர்ட் அணிந்து வந்திருந்தான். கண்களில் கண்ணாடியும் அணிந்திருந்தான்.

நீதிபதிகள் செல்வம், சொக்கலிங்கம் முன்பு மாணவன் சிவசுப்பிரமணியன் ஆஜர்படுத்தப்பட்டான். மாரியம்மாள் தரப்பில் வக்கீல் சுபாஷ்பாபு ஆஜரானார். நீதிபதிகள், எங்கு சென்றிருந்தீர்கள் என கேட்டனர். அதற்கு திருப்பூர் சென்றதாக சிவசுப்பிரமணியன் கூறினான். உங்களது வயது என்ன? என்ற கேள்விக்கு 16 வயது 4 மாதம் என்றான்.

இதனை தொடர்ந்து நீங்கள் மைனர் என்பதால் எங்கு செல்ல விரும்புகிறீர்கள் என நீதிபதிகள் கேட்டனர். அதற்கு தாயுடன் செல்ல விரும்புவதாக சிவசுப்பிரமணியன் தெரிவித்தான். இதனை தொடர்ந்து அதற்கான உத்தரவை நீதிபதிகள் பிறப்பித்தனர். அதன் பின்னர் தாய் மாரியம்மாளிடம் சிவசுப்பிரமணியன் ஒப்படைக்கப்பட்டான். அவனை கண்ணீர் மல்க தாய் மாரியம்மாள் அழைத்து சென்றார்.

இந்த வழக்கில் மாணவன் சிவசுப்பிரமணியன் தாயுடன் செல்வதாக கூறியது திடீர் திருப்பமாக அமைந்தது.

ஆசிரியை கோதைலெட்சுமியையும் ஐகோர்ட்டில் ஆஜர்படுத்த அவரது தந்தை ஆட்கொணர்வு மனு தாக்கல் செய்திருந்தார். அதன் அடிப்படையில் அவரும் இன்று ஆஜர்படுத்தப்படுவார் என எதிர்பார்க்கப்பட்டது. இதன் காரணமாக ஐகோர்ட்டு வளாகத்தில் கூட்டம் அதிகமாக காணப்பட்டது. ஆனால் கோதைலெட்சுமி இன்று ஆஜர்படுத்தப்படவில்லை. இருப்பினும் ஆட்கொணர்வு மனு இருப்பதால் அவர் விரைவில் ஆஜர்படுத்தப்படுவார்.
-maalaimalar

பாலாஜி · பாலாஜி Wed Mar 16, 2016 1:06 pm

T.N.Balasubramanian wrote:ஏற்கனவே ஒரு பதிவில் ,
செய்த ,செய்கின்ற காரியம் , வயது வந்தவர் செய்கின்ற காரியம் என்றால் ,
சிறியவனாக இருந்தாலும் பெரியவனாகவே கருதப்பட வேண்டும் என்று எந்தன் அபிப்பிராயத்தை
கூறி இருந்தேன் . அதில் மாற்றமில்லை .

கோதை லக்ஷ்மி --ஆசிரியை
அவருக்கு அறிவு எங்கே போயிற்று

ரமணியன்

மிகவும் சரி ... ஆசிரியைக்கு எங்கு போயிற்று அறிவு ... அதான் ஊர்ல ஒரு பழமொழி சொல்லுவாங்க .... வயசுக்கு தகுந்த சகவசாம் வேண்டும் என்று

**M.Jagadeesan** · **M.Jagadeesan** Wed Mar 16, 2016 1:14 pm

T.N.Balasubramanian wrote:ஏற்கனவே ஒரு பதிவில் ,
செய்த ,செய்கின்ற காரியம் , வயது வந்தவர் செய்கின்ற காரியம் என்றால் ,
சிறியவனாக இருந்தாலும் பெரியவனாகவே கருதப்பட வேண்டும் என்று எந்தன் அபிப்பிராயத்தை
கூறி இருந்தேன் . அதில் மாற்றமில்லை .

கோதை லக்ஷ்மி --ஆசிரியை
அவருக்கு அறிவு எங்கே போயிற்று

ரமணியன்

மேற்கோள் செய்த பதிவு: 1197754

ஆசிரியை என்றாலும் அடிப்படையில் மனுஷிதானே ! உணர்வுகளைக் கட்டுப்படுத்த இயலவில்லை . தவறு செய்துவிட்டார்.

இனி செய்யவேண்டியது என்ன ? இருவரையும் சேர்த்து வைப்பதுதான் . பிரித்து வைப்பதால் நடக்கப் போவது என்ன ? இருவருடைய வாழ்க்கையும் பாழ் !

**T.N.Balasubramanian** · **T.N.Balasubramanian** Wed Mar 16, 2016 7:41 pm

M Jagadeesan wrote:இனி செய்யவேண்டியது என்ன ? இருவரையும் சேர்த்து வைப்பதுதான் . பிரித்து வைப்பதால் நடக்கப் போவது என்ன ? இருவருடைய வாழ்க்கையும் பாழ் !

இது ஒரு தவறான முன்னுதாரணமாக அமைந்து விடாதா ?
60 வயது முதியவர் ,தனது பக்கத்து வீட்டு3 வயது குழந்தையை சாக்லேட் வாங்கி கொடுத்து
பாலியல் கொட்டுமைக்கு உட்படுத்தினார் போன்ற செய்திகள் நாம் படித்து உள்ளோமே .
முதியவர் உணர்ச்சிகளை கட்டுப்படுத்தவில்லை , மனுஷன் தானே என்று ,மன்னித்து
மேற்கொண்டு குழந்தையை தாரை வார்க்க வேண்டியதுதானா ? கூடாது

ரமணியன்

**M.Jagadeesan** · **M.Jagadeesan** Wed Mar 16, 2016 9:12 pm

T.N.Balasubramanian wrote:
M Jagadeesan wrote:இனி செய்யவேண்டியது என்ன ? இருவரையும் சேர்த்து வைப்பதுதான் . பிரித்து வைப்பதால் நடக்கப் போவது என்ன ? இருவருடைய வாழ்க்கையும் பாழ் !

இது ஒரு தவறான முன்னுதாரணமாக அமைந்து விடாதா ?
60 வயது முதியவர் ,தனது பக்கத்து வீட்டு3 வயது குழந்தையை சாக்லேட் வாங்கி கொடுத்து
பாலியல் கொட்டுமைக்கு உட்படுத்தினார் போன்ற செய்திகள் நாம் படித்து உள்ளோமே .
முதியவர் உணர்ச்சிகளை கட்டுப்படுத்தவில்லை , மனுஷன் தானே என்று ,மன்னித்து
மேற்கொண்டு குழந்தையை தாரை வார்க்க வேண்டியதுதானா ?

ரமணியன்

மேற்கோள் செய்த பதிவு: 1197920

ஐயா !

தாங்கள் குறிப்பிடுவது பொருந்தாக் காமம் . இதனை இலக்கண நூலார் , " பெருந்திணை " என்று குறிப்பிடுவர் . பொருந்தாக் காமம் மன்னிக்க முடியாத குற்றம் . தண்டனைக்குரியது .

ஆனால் இங்கு குறிப்பிடப்பட்டுள்ள நிகழ்வு அப்படிப்பட்டதல்ல ! இருவருமே தவறு செய்துள்ளனர் . அதில் சந்தேகம் இல்லை ! ஆனால் கர்ப்பிணிப் பெண்ணின் எதிர்காலம் ? பிறக்கும் குழந்தையின் எதிர்காலம் ? சிவசுப்பிரமணியனின் எதிர்காலம் ?

இந்த மூன்று கேள்விகளுக்கும் பதில் என்ன ?

**T.N.Balasubramanian** · **T.N.Balasubramanian** Wed Mar 16, 2016 10:17 pm

M.Jagadeesan wrote:
T.N.Balasubramanian wrote:
M Jagadeesan wrote:இனி செய்யவேண்டியது என்ன ? இருவரையும் சேர்த்து வைப்பதுதான் . பிரித்து வைப்பதால் நடக்கப் போவது என்ன ? இருவருடைய வாழ்க்கையும் பாழ் !

இது ஒரு தவறான முன்னுதாரணமாக அமைந்து விடாதா ?
60 வயது முதியவர் ,தனது பக்கத்து வீட்டு3 வயது குழந்தையை சாக்லேட் வாங்கி கொடுத்து
பாலியல் கொட்டுமைக்கு உட்படுத்தினார் போன்ற செய்திகள் நாம் படித்து உள்ளோமே .
முதியவர் உணர்ச்சிகளை கட்டுப்படுத்தவில்லை , மனுஷன் தானே என்று ,மன்னித்து
மேற்கொண்டு குழந்தையை தாரை வார்க்க வேண்டியதுதானா ?

ரமணியன்
மேற்கோள் செய்த பதிவு: 1197920

ஐயா !

தாங்கள் குறிப்பிடுவது பொருந்தாக் காமம் . இதனை இலக்கண நூலார் , " பெருந்திணை " என்று குறிப்பிடுவர் . பொருந்தாக் காமம் மன்னிக்க முடியாத குற்றம் . தண்டனைக்குரியது .

ஆனால் இங்கு குறிப்பிடப்பட்டுள்ள நிகழ்வு அப்படிப்பட்டதல்ல ! இருவருமே தவறு செய்துள்ளனர் . அதில் சந்தேகம் இல்லை ! ஆனால் கர்ப்பிணிப் பெண்ணின் எதிர்காலம் ? பிறக்கும் குழந்தையின் எதிர்காலம் ? சிவசுப்பிரமணியனின் எதிர்காலம் ?

இந்த மூன்று கேள்விகளுக்கும் பதில் என்ன ?

மேற்கோள் செய்த பதிவு: 1197947

பெருந்திணை பற்றி எல்லாம் நானறியேன் .
மாதா பிதா குரு தெய்வம் நானறிவேன்
பெண் குரு தாயுக்கு சமானம்
தன்னிடம் படிக்கும் மாணவர்கள் , தன் குழந்தைக்கு சமானம் .
அந்த காலத்திய குருகுல வாசத்தில் இந்த உறவுதான் கற்பிக்கப்பட்டது .

மாணவனே , தன் குரு மீது கவர்ச்சியால் ,தவறு செய்ய நினைத்தாலும் ,
அந்த குரு , அவன் தவறை எடுத்துக் கூறி திருத்தவேண்டாமா ?
படிக்கலாமா என்று மாணவன் கேட்க ,
படுக்கலாமா என்று அந்த அம்மா காதில் விழுமோ?

ரமணியன்

**M.Jagadeesan** · **M.Jagadeesan** Thu Mar 17, 2016 8:33 am

ஒரு தவறு நடந்துவிட்டது. இந்தத் தவறுக்கு யார் காரணம் ?யாரைக் குற்றவாளி ஆக்குவது ?

பாதை மாறிப்போன கோதைநாயகி செய்த குற்றமா? அல்லது வயது 23 ஆனபின்பும் திருமணம் செய்யாமல் வைத்திருந்த பெற்றோர் செய்த குற்றமா ?

கல்வி கற்கும் வயதில் கலவியிலே ஈடுபட்டது சிவசுப்பிரமணியன் செய்த குற்றமா ? அல்லது அவனைக் கலவி செய்யத் தூண்டிய சீரியல்கள் மற்றும் வலைத் தளங்களின் குற்றமா ?

நீதிபோதனை வகுப்புகளை நடத்தாதது பள்ளிகளின் குற்றமா ? அல்லது பால் கல்வியை பாடத்திட்டங்களில் புகுத்தாதது அரசின் குற்றமா ?

யார் செய்த குற்றம் இந்தத் தவறுக்கு வித்திட்டது ?

**T.N.Balasubramanian** · **T.N.Balasubramanian** Thu Mar 17, 2016 7:38 pm

M.Jagadeesan wrote:ஒரு தவறு நடந்துவிட்டது. இந்தத் தவறுக்கு யார் காரணம் ?யாரைக் குற்றவாளி ஆக்குவது ?

பாதை மாறிப்போன கோதைநாயகி செய்த குற்றமா? அல்லது வயது 23 ஆனபின்பும் திருமணம் செய்யாமல் வைத்திருந்த பெற்றோர் செய்த குற்றமா ?

கல்வி கற்கும் வயதில் கலவியிலே ஈடுபட்டது சிவசுப்பிரமணியன் செய்த குற்றமா ? அல்லது அவனைக் கலவி செய்யத் தூண்டிய சீரியல்கள் மற்றும் வலைத் தளங்களின் குற்றமா ?

நீதிபோதனை வகுப்புகளை நடத்தாதது பள்ளிகளின் குற்றமா ? அல்லது பால் கல்வியை பாடத்திட்டங்களில் புகுத்தாதது அரசின் குற்றமா ?

யார் செய்த குற்றம் இந்தத் தவறுக்கு வித்திட்டது ?

மேற்கோள் செய்த பதிவு: 1197999

ஏணி தோணி அண்ணாவி என்று சொல்வார்கள்
(அண்ணாவி ---ஆசிரியர் )
ஏணி ==தரையில் இருந்து கொண்டு , மற்றவர்கள் உயர உதவும்
தோணி ===நீரிலேயே இருந்து கொண்டு மற்றவர்களை கரையேற்றும்
அண்ணாவி ==வகுப்பில் படிக்கும் மாணவ மாணவிகள் அடுத்த வகுப்பு போக , இவர் மட்டும் அதே வகுப்பில் இருப்பார் .
எனக்கு , நான் கற்றறிந்த ஆசிரியர்கள்பால் தனி மதிப்பு உண்டு .
அந்த தொழிலின் மீது தனி மரியாதை உண்டு . தொழில் என்பதை விட சேவை என்பதே மிகவும் பொருந்தும் .
அந்த பெண் ஆசிரியரிடம் இதை எதிர்ப்பார்க்கவில்லை .
தகாத உறவு பிரிவில் சேர்க்கவேண்டிய அசிங்கம்தான் அது. அல்லது அந்த சிவசுப்ரமணியன் பணக்கார புள்ளியோ என்னவோ ? பணம் பண்ணும் உத்தியாகவும் இது இருக்கலாம் .இதுவும் பெருந்திணையில் சேர்க்கவேண்டிய சங்கதிதான்

ரமணியன்

**Aathira** · **Aathira** Thu Mar 17, 2016 10:14 pm

நன்னிலைக்கண் தன்னை நிறுப்பானும் தன்னை
நிலைகலக்கிக் கீழிடு வானும் நிலையினும்
மேன்மேல் உயர்ந்து நிற்ப்பானும் தன்னை
தலையாகச் செய்வானும் தான்

இதைத்தாவிர என்ன சொல்வது?

யினியவன் · யினியவன் Thu Mar 17, 2016 11:39 pm

ஆதிரா என்ன சொல்றாங்க?

நல்லகண்ணு இருக்கறவன் நிப்பான்
நொள்ளகண்ணு இருக்கறவன் விழுவான்னா புன்னகை

**T.N.Balasubramanian** · **T.N.Balasubramanian** Thu Mar 17, 2016 11:56 pm

எங்கேடா இந்த ஆளை காணோமே எல்லாரும் கேட்க ,
ஏடாகூடமா ஒரு சமாசாரம் போட்டால் , வந்துடுவார் என்றேன் !
நலமா யினியவன், நீண்ட நாட்களாய் காணோமே ?

ரமணியன்

Sponsored content · Sponsored content

ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

Re: ஆசிரியையுடன் ஓடிய மாணவன் மதுரை ஐகோர்ட்டில் ஆஜர்: தாயுடன் செல்வதாக கூறியதால் வழக்கில் திடீர் திருப்பம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக