பேரின்பத்தின் எல்லையில்....... ஆதிரா

**Aathira** · **Aathira** Fri Jan 15, 2016 9:07 pm

First topic message reminder :

பேரின்பத்தின் எல்லையில்....... ஆதிரா - Page 3 12573154_1039336969441837_7322442017408506712_n

சங்கத்தமிழ் பதித்த சிங்கத்தமிழன் முத்தமிழறிஞர் கலைஞர் அவர்களைச் சந்தித்து என் கவிதை, கட்டுரைத் தொகுப்பு நூல்களைக் கொடுத்து வாழ்த்து பெற்ற இனிய தருணம்....

என்னை அறிமுகம் செய்து கொள்ளும்போது டாக்டர். பானுமதி என்று கூறினேன். அவருக்காக எழுதிய 12 அடிகளால் ஆன அறுசீர் விருத்தத்தைப் பொறுமையாக முழுவதும் படித்தது வியப்பு....

படித்து முடித்தவுடன் பெயர் என்ன சொன்னீர்கள் என்று கேட்டபோதுதான் நினைவு வந்தது கவிதையின் கீழ் ஆதிரா முல்லை என்று கையொப்ப மிட்டிருந்தது. அது என் புனை பெயர் என்று கூறிய போது பெயர் புதுமையாக அழகாக உள்ளது என்று பாராட்டியது வியப்பு.

நன்றாக உள்ளது தொடர்ந்து எழுதுங்கள் என்று தமிழ்த்தமிழ் தலைமகன் வாயால் வாழ்த்து பெற்றது சங்கப் புலவனும் தொல்காப்பியனும் வள்ளுவனும் வாழ்த்தியது போல.....

பேரின்பத்தின் எல்லையில்.......

(என் ஈகரை உறவுகளில் சிலருக்கு இது பிடிக்காது. ஆனால் ஒரு இலக்கியவாதியாக... கலைஞரைத் தவிர்த்து... தமிழை என்னால் பார்க்க இயலவில்லை. இது என் வாழ்நாள் கனவு...) அன்பு மலர்

**கார்த்திக் செயராம்** · 29/10/2015

வாழ்த்துக்கள் அக்கா..

கலைஞரை ஒரு அரசியல் வாதியாக எனக்கு பிடிக்காது.(ஆனால்).
கலைஞரை அரசியல் சாணக்கியனாக எனக்கு பிடிக்கும்.
கலைஞரை தமிழ் ஆசானாக எனக்கு பிடிக்கும்.
கலைஞரை ஒரு இலக்கிய வாதியாக எனக்கு பிடிக்கும்.
கலைஞரை ஒரு எழுத்தாளராக எனக்கு பிடிக்கும்.
கலைஞரை ஒரு கதாசிரியராக எனக்கு பிடிக்கும்.

அதனால் கலைஞரை ஒரு கலைஞனாக எனக்கு பிடிக்கும்..

வாழ்த்துக்கள் அக்கா ..

யினியவன் · யினியவன் Sat Jan 16, 2016 4:27 pm

அரசியல் காரணங்களுக்காக பிடிக்காமல் இருந்தாலும்,
இது வரை திமுகவிற்கு தான் வாக்களித்திருக்கிறேன் புன்னகை

சசி · சசி Sat Jan 16, 2016 5:53 pm

வாழ்த்துக்கள் அக்கா, உங்களது பணி மேலும் மேலும் தொடர வேண்டும்.
நீங்கள் கலைஞர் பற்றி கூறுகையில் பெயர் என்ன? என்று மீண்டும் கேட்டார் அல்லவா?
அது தான் அவரின் சிறப்பு. சிறு விஷயமாக இருந்தாலும் தெளிவு படுத்திக் கொள்வார்.
அந்த அளவுக்கு ஈடுபாடு உண்டு.

**விமந்தனி** · **விமந்தனி** Sat Jan 16, 2016 9:23 pm

உங்களது வாழ்நாள் கனவு நிஜமாகியிருக்கிறது அக்கா. வாழ்த்துக்கள்! அன்பு மலர்

**Aathira** · **Aathira** Sun Jan 17, 2016 4:14 pm

P.S.T.Rajan wrote:அத்றகுத்தான் அவர் கலைஞர் @ அரசியலில் பெருங்கலைஞர் ஆதீரா ஆனந்தம் அடை செய்தார் நன்றி...

மேற்கோள் செய்த பதிவு: 1188003

மிக்க நன்றி ராஜன்.

**Aathira** · **Aathira** Sun Jan 17, 2016 4:16 pm

T.N.Balasubramanian wrote:வாழ்த்துகள் .

பொங்கலில், இன்பம் பொங்க,
கலைஞரின் வாழ்த்துப் பெற்றது ,
பெருமை மிக்கது , ஆதிரா !

ரமணியன்

மேற்கோள் செய்த பதிவு: 1188050
நன்றி இரமணியன் சார்.....

**Aathira** · **Aathira** Sun Jan 17, 2016 4:20 pm

[quote="T.N.Balasubramanian"]

aathira wrote:(என் ஈகரை உறவுகளில் சிலருக்கு இது பிடிக்காது. ஆனால் ஒரு இலக்கியவாதியாக... கலைஞரைத் தவிர்த்து... தமிழை என்னால் பார்க்க இயலவில்லை. இது என் வாழ்நாள் கனவு...) அன்பு மலர் நடனம் நடனம் நடனம்

இது என்ன குழந்தைதனமாக இருக்கிறது , ஆதிரா .
உங்கள் வாழ்க்கையில் ஈகரை ஒரு அங்கம் .
ஈகரைக்கும் அப்பால் , உங்கள் சொந்த வாழ்க்கையில் பல அங்கங்கள் உண்டு .
கல்லூரி பணி, சமூக ஈடுபாடுகள் ,தமிழ் சேவை முதலியன சில .
இதில் எல்லாவற்றிலும் , எல்லோரையும் மகிழ்விக்க நினைப்பதால் ,
உங்களால் நீங்கள் நினத்தவைகளை உங்கள் விருப்பபடி நிறைவேற்றமுடியாது .
ஈகரையின் உறவுகள் --பலர் பலவிதமான கோட்பாடுகளில் மிதந்து வருபவர்கள் .
அவர்களுக்காக உங்கள் தனித் தன்மையை தியாகம் செய்யவேண்டாம் .

கலைஞரின் (குடும்ப சார்ந்த ) அரசியல் எனக்குப் பிடிக்காது .
அவருடைய தமிழ் , எப்போதும் உச்சத்தில் .
அதில் விளையாடும் அவரது தமிழ் சித்து விளையாட்டுகள் .எனக்குப் பிடிக்கும் .

இந்திரா காந்தியை பிடிக்காது . ஆனால் அவருடைய எமெர்ஜென்சி காலங்களில் ,
11 / 12 மணிக்கு வரும் அரசு உத்தியோகஸ்தர்கள் கூட , சரியாக 9-55 வந்தனர் .
அரசியல் ரீதியாக பல பழிவாங்கல்கள் இருந்தாலும் , பொது வாழ்க்கையில் ,
ஒரு ஒழுங்கு இருந்தது . அது எனக்கு பிடித்து இருந்தது .
அந்த ஒழுங்கை ரசித்தவன் /அனுபவித்தவன் நான் .

நீங்கள் நீங்களாக இருங்கள் . உங்களுக்கு ஒரு பூரணத்துவம் கிடைக்கும் .
நீங்கள் உங்களை ரசிப்பீர்கள் .

ரமணியன்

மேற்கோள் செய்த பதிவு: 1188051
நீளமான கருத்துரை... நன்றி இரமணியன் சார்..

**Aathira** · **Aathira** Sun Jan 17, 2016 4:26 pm

ராஜா wrote:வாழ்த்துக்கள் அக்கா , அந்த ஈகரை உறவுகளில் நானும் ஒருவன்

பள்ளியில் படிக்கும் போதே இவரின் கூட்டங்கள் என்றால் சென்று இவரின் பேச்சை கேட்பேன் , இவர் பேச்சை ஆரம்பிக்க எப்படியும் நள்ளிரவு 12 / 1 மணி ஆகிவிடும் இருந்தாலும் சைக்கிளில் ஸ்டாண்ட் போட்டு அதில் உட்கார்ந்து கண்விழித்து கேட்ட அனுபவங்கள் பல.

அதன் பிறகு தமிழகத்திலும் உலக அரசியலிலும் இவர் விளையாடிய நாடகத்தின் விளைவு சுத்தமாக பிடிக்காமல் போய் விட்டது, அதற்காக உங்களை வாழ்த்தாமல் இருப்போமா

அநேகமாக ஈகரை உறவுகளில் தம்பிக்கு தான் முதலில் அனுப்பியிருப்பீர்கள் என்று நினைக்கிறேன். உங்களுக்கு மகிழ்ச்சி தரும் இந்த சந்திப்பு எங்களுக்கும் மகிழ்ச்சியையே தரும்

மேற்கோள் செய்த பதிவு: 1188058

முதலில் உங்களுக்கு மட்டும்தான் அனுப்பினேன் ராஜா. பயந்துகிட்டே.... ( பைத்தியம்

) இரண்டு நாட்களுக்கு முன்புதான் இன்னொருத்தருக்கு (தம்பியாம்..... ஊருக்குப் போறதக் கூடச் சொல்லாமக் கம்பி நீட்டின) அனுப்பினேன். உங்ககிட்ட இருந்து காட்டமா ஒன்னும் வரலயா... அந்த இன்னொரு தம்பியைச் சுலபமா ஏமாத்திரலாம்னு ஒரு தைரியம்.......... அய்யோ, நான் இல்லை

அக்கா மனசு கஷ்டப்படக் கூடாதுன்னு எப்புடி நடிக்கிறீங்கடா... சாமி..

**ராஜா** · **ராஜா** Sun Jan 17, 2016 6:53 pm

Aathira wrote:முதலில் உங்களுக்கு மட்டும்தான் அனுப்பினேன் ராஜா. பயந்துகிட்டே.... ( ) இரண்டு நாட்களுக்கு முன்புதான் இன்னொருத்தருக்கு (தம்பியாம்..... ஊருக்குப் போறதக் கூடச் சொல்லாமக் கம்பி நீட்டின) அனுப்பினேன். உங்ககிட்ட இருந்து காட்டமா ஒன்னும் வரலயா... அந்த இன்னொரு தம்பியைச் சுலபமா ஏமாத்திரலாம்னு ஒரு தைரியம்..........

அக்கா மனசு கஷ்டப்படக் கூடாதுன்னு எப்புடி நடிக்கிறீங்கடா... சாமி..

உங்கள கஷ்டப்பட விடமாட்டோம் அக்கா புன்னகை

**ஜாஹீதாபானு** · **ஜாஹீதாபானு** Mon Jan 18, 2016 5:03 pm

வாழ்த்துகள் அக்கா புன்னகை

Sponsored content · Sponsored content

பேரின்பத்தின் எல்லையில்....... ஆதிரா

பேரின்பத்தின் எல்லையில்....... ஆதிரா

Re: பேரின்பத்தின் எல்லையில்....... ஆதிரா

Re: பேரின்பத்தின் எல்லையில்....... ஆதிரா

Re: பேரின்பத்தின் எல்லையில்....... ஆதிரா

Re: பேரின்பத்தின் எல்லையில்....... ஆதிரா

Re: பேரின்பத்தின் எல்லையில்....... ஆதிரா

Re: பேரின்பத்தின் எல்லையில்....... ஆதிரா

Re: பேரின்பத்தின் எல்லையில்....... ஆதிரா

Re: பேரின்பத்தின் எல்லையில்....... ஆதிரா

Re: பேரின்பத்தின் எல்லையில்....... ஆதிரா

Re: பேரின்பத்தின் எல்லையில்....... ஆதிரா

Re: பேரின்பத்தின் எல்லையில்....... ஆதிரா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக