வளமுடனா ? வளத்துடனா ?

**M.Jagadeesan** · **M.Jagadeesan** Thu Oct 08, 2015 10:38 am

வாழ்க வையகம் ! வாழ்க வளமுடன் !

வாழ்க வையகம் ! வாழ்க வளத்துடன் !

இவற்றில் எது சரி ?

மனம் + இல் = மனமில் என்று வராது. “ மனதில் “ என்றே வரும்.
மனம் + அத்து + இல் = மனதில் என்று அத்து சாரியை சேர்ந்து வரும் .

“ மனதில் உறுதி வேண்டும்
வாக்கினிலே இனிமை வேண்டும் “

என்று பாடினார் பாரதியார் .

குளத்தில் கல் எறிந்தான் என்று வருமே தவிர குளமில் கல் எறிந்தான் என்று வராது .

வேருடன் மரத்தைப் பிடுங்கினான் என்பது சரி.
வேருடன் மரமைப் பிடுங்கினான் என்பது தவறு .

பணத்துடன் கடைக்குச் சென்றான் என்பது சரி.
பணமுடன் கடைக்குச் சென்றான் என்பது தவறு .

பழத்துடன் பால் சாப்பிட்டான் என்பது சரி .
பழமுடன் பால் சாப்பிட்டான் என்பது தவறு.

எனவே வாழ்க வையகம் ! வாழ்க வளத்துடன் ! என்று எழுதுவதே சரி .