ஈகரை பிறந்த நாள் -- அன்பளிப்புகள்

**T.N.Balasubramanian** · **T.N.Balasubramanian** Sat Sep 19, 2015 5:26 pm

First topic message reminder :

ஈகரை பிறந்த நாள் -- அன்பளிப்புகள்

செப்டம்பர் மாதம் 19 தேதி .
காலை மணி 5.
எனது அலைபேசியில் எப்போதும் போல் " கெளசல்யா சுப்ரஜா ராமா " என்று எனை எழுப்பும் அலை ஒலி .
நானும் எப்போதும் போல் ,அதை அணைத்துவிட்டு , தலையணையை அணைத்துக்கொண்டு ,மேலும் ஒரு செல்லத் தூக்கம் போட்டேன் ,
5-15 இருக்கும் .
மறுபடியும் " கெளசல்யா சுப்ரஜா ராமா ".ஆச்சர்யமாக அலைபேசியை எடுத்தால் , என்னை போல் அதுவும் சமத்தாக தூங்கிக் கொண்டு இருக்கிறது .
அப்பிடி என்றால் , அது காலிங் பெல்லின் மணியோசை ....
நைட் டிரெஸ்ஸை சீர் செய்து கொண்டு , கதவை திறந்தேன் .
வெண்ணிற ஆடையில் , ........நான் பார்த்தது ... என் கண்ணை என்னால் நம்பவே முடியவில்லை .
இருங்க இருங்க , உடனே நீங்க உங்க கற்பனை குதிரையை தட்டி விடவேண்டாம் .நீங்க நினைக்கிற மாதிரி , வெண்ணிற ஆடை நிர்மலாவும் இல்லை ,ஜெயலலிதாவும் இல்லை . (நான் அந்த காலத்து மனுஷனுங்க )
வெண்ணிற ஆடையில் ,தலையை வெண்ணிற தொப்பியும் அலங்கரிக்க ,காரோட்டி ஒருவர் ..

அட , நம்ம எப்போ எந்த கம்பனிக்கு CEO ஆனோம் ? சா ஃ பியரோடு கார் .,

ஆசை கற்பனைக்கு அணைப் போட்டார் ,எதிரில் நின்றவர் .

அவர் :மூணாவது மாடி , ரமணியன் அய்யாவா ?
நான் : ஆமாங்க , நீங்க யாரு ?
அவர் : அய்யா காருலே இருக்காரு . உங்க கிட்ட இதை கொடுக்கச் சொன்னாரு .சற்றே கனமான அட்டைப் பெட்டி .
நான் : அவரு யாரு ?
அவர் :நீங்களே , கீழே வந்தா ,அவரோட பேசலாம் .
நான் : பெட்டிலே என்ன இருக்கு ?

{ குண்டு கிண்டு எதாவது இருக்குமோ ? எனக்கு சந்தேகம் . நடுவுலே நடுவுலே மனைவி வேறே பயமூர்த்திக்கொண்டே இருப்பாங்க ," நீங்க, என்கிட்டே பேசற மாதிரி , வெளிப்படையாக எதாவது ஈகரைலே எழுதிடுவீங்க ,யாராவது கோவித்துக்கொண்டு , ஒரு நாள் இல்லாவிட்டால் ஒரு நாள் குண்டு வச்ச பார்சல் அனுப்பப் போறாங்க " . . அப்பிடியும் இருக்கோமோ ? }

ஈகரைலே எல்லோரும் தங்கம் . நீ நினைக்கிற தீவிரவாதிகள் யாரும் கிடையாது , என்று சமாளிப்பேன் .
(ஈகரை தங்கங்களே , நோட் திஸ் பாயிண்ட் )

அவர் : அய்யா நான் டிரைவருங்க .

நான் : கீழே நீங்க போங்க , ரெண்டு நிமிஷத்துலே வரேன்னு . அவர் கிட்டே இருந்தே வாங்கிக்கிறேன் , என்று சொல்லி அனுப்பி விட்டு , வேஷ்டிக்கு மாறி , மேலே ஒரு அரை ஜிப்பாவை போட்டுக் கொண்டு , கீழே கிளம்பினேன் .
------------------------
ரினோ -டஸ்டர் --சாக்கலேட் நிறக் கார் .
உள்ளே ஆஜானுபாகுவாக , 45 வயது மதிக்கத்தக்க மனிதர் . பார்த்தவுடனேயே , ஒரு மரியாதையை உண்டாக்குகிற தோற்றம்.
வணக்கம் கூறி , மேலே வரிங்களா , உங்களை இதுக்கு முன்னால் பார்த்தது இல்லையே என்றேன் .
அவரும் ஆமாம் ,என்னை பார்த்து இருக்கமுடியாது . ஆனால் நான் ஈகரையை விரும்பி படிப்பவன் .
உறுப்பினர்தான் , நான் வருவது தெரியாது .போவது தெரியாது .
நான் : இணைந்திருந்தாலும் இணையா நிலையா ! அப்போ..... அவரா..... நீங்க ?
அவர் :உறுப்பினர் இல்லையென்று அறிந்தால் ,அறிமுகப்பகுதிக்கு சென்று ,உங்களை அறிமுகப்படுத்திக்கொள்ள சொல்லி விடுவீர்களே ,என்றார் .
(எப்போதும் போல் ஒரு அசட்டு சிரிப்பு சிரித்தேன் ).
அவர் : ஆமாம் , இந்த ஆர்வத்தை கண்டு ரசித்து உள்ளேன் .
மேலும் , இன்று ஈகரை 7 ஆண்டு முடித்து 8ம் ஆண்டில் நுழைகிறது .
அதை கொண்டாடுவதற்காக என்னால் ஆன சிறு சிறு பரிசு கொடுக்கலாம் என்று எண்ணி ........

நான் : எதுக்கு இதெல்லாம் , உங்க ஆதரவு இருந்தாலே போதுமே .....(என்று கூறிக்கொண்டே ,கையை நீட்டினேன் )
அவர் : BSNL ஆக்சனில் சில நம்பர்களை எந்தன் கம்பனி பேரில் வாங்கி இருக்கேன் . அதில் சில அழைப்பொலிகளை தரவிறக்கம் செய்துள்ளேன் .
நான் : ரொம்பவே சிரமப்பட்டு இருக்கீங்க , நான் என்ன செய்யனும் சொல்லுங்க .
அவர் : என் சார்பாக ,இந்த லிஸ்டிலே இருக்கிறவங்களுக்கு இந்த பெட்டியிலே உள்ள மொபைல் போன்களை கொடுக்கணும் .
நான் : அய்யா, சொல்லி இருந்தா ஒரு சின்னதா ஒரு மீட்டிங் போட்டு , எல்லாரையும் அழைத்து உங்கள் கையாலேயே கொடுத்திடலாமே .....
அவர் : எனக்கு பப்ளிசிட்டி வேண்டாங்க , மேலும் நான் இப்போ வெளிநாட்டுக்கு கிளம்பிண்டு இருக்கேன் .நீங்க எனக்காக , அந்த போன்களை அவர்களிடம் சேர்ப்பிக்கவும் . .எந்தெந்த அழைப்பொலிகள் யார்யாருக்கு என்ற குழப்பம் .
அதான் உங்க கிட்ட அந்த வேலையை தள்ளி விட்டுட்டேன் என்றார் .
சில அலைபேசிகளில் ரெண்டு அழைப்பொலிகள் மாறி மாறி வரும் . அழைப்பொலிக்கு தக்கப்படி , அவரவருக்கு உடனே அனுப்புங்க : அடுத்ததாக இன்னும் ஒரு பெட்டி நாளை வரும் . எனக்கு நேரமாகி விட்டது என்று கூறி கிளம்பிவிட்டார் .

என்னையா.. இப்பிடி பண்றீங்களே,,,,,,, அய்யா , என்று லக்ஷ்மி ராமகிருஷ்ணன் மாதிரி அலறினேன் .

அவர் போனவர் போனான்டிதான் . நான்தான் பேக்கு மாதிரி கையிலே பெட்டியோட .

xxxxxx
வீடு வந்து ,டேபிள் மேலே , அலைபேசிகளை வைத்து , ஒரு நோட்புக் எடுத்து, லிஸ்டில் கொடுத்த அலைபேசி நம்பர்களை , ஒன்றன் பின் ஒன்றாக அழைக்க ஆரம்பித்தேன் . ஒரு மணி நேரத்திற்கு பின் ஒரு தெளிவான பட்டியல் தயார் ஆனது .

நீங்களும் பாருங்கள் உறவுகளே , ஓகே ,சொன்னால் அவரவர்களுக்கு .....அந்த அலைபேசிகளை அனுப்பிவிடலாம் .

சீரமைக்கப்பட்ட பட்டியல்

பெயர்
காலர் ட்யூன் 1
காலர் ட்யூன் 2.

சிவா --
1. நான் உங்கள் வீட்டுப் பிள்ளை ,இது நாடறிந்த உண்மை .//
2. சிந்தனை தெளிவாக்கி சிறந்த நல்வழி காட்டும் , மந்த்ராலய குருவின் புகழ் பாடி //

ராஜா ---
1. ராஜா கைய்ய வச்சா , அது ராங்கா போனதில்லை /
2.தீர்த்தக் கரையினிலே கண்ணம்மா, தெளிவு பிறந்ததே கண்ணம்மா

யினியவன் ---
1.திறந்த கூண்டிலிருந்து ,விடுதலை பெற்ற பறவை , பறந்தோடுதே //
2. இராமன் எத்தனை இராமனடி ....................................

பாலாஜி ---
1.வரவு எட்டணா செலவு பத்தணா ---அதிகம் ரெண்டணா கடைசியில் துந்தணா துந்தணா !
2. எங்கே தேடுவேன் பணத்தை எங்கே தேடுவேன்
ஆதிரா ---
1.தமிழுக்கு அமுதென்று பேர் அந்த தமிழ் இன்பத்தமிழ் எங்கள் உயிருக்கு நேர்
2.செந்தமிழ் நாடென்னும் போதினிலே .........

கிருஷ்ணம்மா --
1.கல்யாண சமையல் சாதம் ,காய்கறிகளும் பிரமாதம் ,
கௌரவப் பிரசாதம் இதுவே எனக்குப் போதும் /
2.கலங்காதிரு மனமே ,உன் கனவெலாம் நினைவாகும் ஒரு தினமே

விமந்தனி ---
1."சுட்டும் விழி சுடர்தான்" கண்ணம்மா சூரிய சந்திரரோ
2. ஊருக்கு நல்லது சொல்வேன் ,எனக்குண்மை தெரிந்தது சொல்வேன்

ஜாகிதா பானு :
1. எல்லோரும் கொண்டாடுவோம் அல்லாவின் பெயரை சொல்லி
நல்லோரின் வாழ்வை எண்ணி

2.பாட்டி , தாத்தா சொன்ன கதை
அம்மா அப்பா கேட்ட கதை
பாட்டி சுட்ட வடையின் கதை /

முனைவர் சௌந்தர பாண்டியன் :
1.தொட தொட மலர்ந்தது என்ன ?---
2,பொன்னு விளையற பூமியடா இது

அய்யாசாமி ராம் :
1..காயமே இது பொய்யடா -
வெறும் காற்றடைத்த பையடா .

2. சிரிப்பு வருது சிரிப்பு வருது
சிரிக்க சிரிக்க சிரிப்பு வருது

மாணிக்கம் அய்யா ;

1.கல்லெல்லாம் மாணிக்க கல்லாகுமா ?
கலை யெல்லாம் கண்கள் சொல்லும் கலை யாகுமா ?
2.மன்மத லீலையை வென்றார் உண்டோ /

இப்போதைக்கு இவ்வளவே
இனியும் அலைபேசிகள் வந்தால்
வருகிறேன் .
ரமணியன்
---------------------------------------------------------------------------------------------------------------------------------------------------------------------------------
கௌசல்யா சுப்ரஜா ராமா -----மறுமுறையும் அலைபேசி அழைக்க ,
கொரியர் வந்து இருக்கு போலிருக்கு , அடுத்த பேட்ச் போன்லாம் வந்துருக்கு போலிருக்கு ,
கையெழுத்து போட்டு வாங்கி வை என மனைவிடம் சொல்ல ,

மனைவியும் , ஈகரை உலகில் இருந்து ,நினைவுலகம் வாங்க .
காப்பி போட்டு சீக்கிரம் கொண்டு வாங்க , நேரமாச்சுல்ல
என்ற பேச்சு அலை அலை யாக காதில் வந்து மோத ,
அய்யாவும் ,மகாராணியாருக்கு சேவை செய்ய , கனவுலகில் இருந்து நினைவுலகம் வந்தார் .

ரமணியன்

பிகு : எவருக்கேனும் , ஏதாவது வரி /வரிகள் மனம் புண்பட வைக்கிறது என்று மனதில் பட்டால் , அந்த வரிகளை மறு பேச்சின்றி நீக்கி விடுகிறேன் . வேண்டுமெனில் தனிமடலிலும் கூறலாம் நன்றி . [/color]
ர...ன் [/color]

**T.N.Balasubramanian** · **T.N.Balasubramanian** Fri Oct 09, 2015 5:48 pm

அம்பிகாபதி சினிமாவில் பானுமதி -சிவாஜி பாடும் பாடல் ,
வாடா மலரே தமிழ்த்தேனே --- என்ற பாடலை கேட்டு இருப்பீர்கள் !
ரசித்து உள்ளீரா ? விமந்தனி ?

ரமணியன்

**விமந்தனி** · **விமந்தனி** Fri Oct 09, 2015 7:16 pm

அது என்ன பாடல்? சிந்தனை செய் மனமே கேட்டிருக்கிறேன். Youtube ல் தேடி பார்த்து, கேட்டு விட்டு சொல்கிறேன் ஐயா.
எதற்க்காக கேட்கிறீர்கள்?

**T.N.Balasubramanian** · **T.N.Balasubramanian** Fri Oct 09, 2015 7:33 pm

பாடலை கேட்டு எப்பிடி உள்ளது என்று சொல்லவும்

ரமணியன்

Hari Prasath · Hari Prasath Fri Oct 09, 2015 7:58 pm

ஐயா அவர்களுக்கு மாலை வணக்கம்
எனது சுயவிபரத்தில் உள்ள படத்தினை மாற்றுவதற்கு அனுமதி உண்டா....
தங்களுக்கு தனிமடல் அனுப்ப முயன்றேன்,முடியவில்லை
எனவே,இங்கு பதிவிடும் நிலை வந்தது..மன்னிக்கவும்

**விமந்தனி** · **விமந்தனி** Fri Oct 09, 2015 7:59 pm

கேட்டது போல தான் இருக்கிறது ஐயா. ஆனாலும், நீங்கள் கேட்டது போல ரசித்திருக்க வாய்ப்பில்லை என்றே நினைக்கிறேன்.

எனினும், கேட்டு பார்த்துவிட்டு சொல்கிறேன்.

**விமந்தனி** · **விமந்தனி** Fri Oct 09, 2015 8:08 pm

T.N.Balasubramanian wrote:

பாடலை கேட்டு எப்பிடி உள்ளது என்று சொல்லவும்

ரமணியன்

அந்த கால அழகான டூயட். காதல், வரம்பு மீறாமல் காட்சிபடுத்தப்பட்டுள்ளது. பாடல் நன்றாகவே உள்ளது. ஆனால், பொறுமை தான் இல்லை, ரசிப்பதற்கு.

**T.N.Balasubramanian** · **T.N.Balasubramanian** Fri Oct 09, 2015 8:25 pm

விமந்தனி

வேண்டாம், வேண்டாம்.... ட்யூன் ஐ மாத்திடாதீங்க.... ஏதோ சோகமா முகாரி ட்யூனா இருக்குதே, அதனால் 'என்ன..?' வென்று அக்கறையுடன் விசாரித்தேன். அவ்வளவு தான்

வாடா மலரே , பாடல் கேட்கையில் , சோகமாக உணர்ந்தீர்களா ?
அது முகாரி ராகத்தில் உள்ளது

ரமணியன்

**விமந்தனி** · **விமந்தனி** Fri Oct 09, 2015 8:50 pm

T.N.Balasubramanian wrote:
விமந்தனி
வேண்டாம், வேண்டாம்.... ட்யூன் ஐ மாத்திடாதீங்க.... ஏதோ சோகமா முகாரி ட்யூனா இருக்குதே, அதனால் 'என்ன..?' வென்று அக்கறையுடன் விசாரித்தேன். அவ்வளவு தான்

வாடா மலரே , பாடல் கேட்கையில் , சோகமாக உணர்ந்தீர்களா ?
அது முகாரி ராகத்தில் உள்ளது

ரமணியன்

ஆமாம், நீங்கள் சொல்வது உண்மை தான். அதனால் தான் என்னால் அந்த பாடலை ரசிக்க முடியவில்லை என்று நினைக்கிறேன்.

**T.N.Balasubramanian** · **T.N.Balasubramanian** Fri Oct 09, 2015 8:57 pm

அதிசயப் பிறவி நீங்கள் !
மேதை ஜி இராமநாதன் இசை அமைத்த இனிய ஜனரஞ்சகமான பாடல் .
முகாரியில் ஒரு காதல் மெலடியை உருவாக்கியவர் .

ரமணியன்

**விமந்தனி** · **விமந்தனி** Fri Oct 09, 2015 9:04 pm

அதிசய பிறவி...?

மாற்றி சொல்லிவிட்டீர்கள் என்று நினைக்கிறேன் ஐயா. மேதைகள் தான் எப்போதும் நம்மை அதிசயப்படுத்திக்கொண்டு தான் இருப்பார்கள்.

அற்பமான என்னைப்போய்.... அதிசய பிறவியென்று.... இருந்தாலும் உங்களுக்கு மிகப்பெருந்தன்மை தான் ஐயா... நன்றி, நன்றி! அய்யோ, நான் இல்லை

Sponsored content · Sponsored content

ஈகரை பிறந்த நாள் -- அன்பளிப்புகள்

ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக