திருமால் சந்நிதி உள்ள சிவத்தலங்கள்

**ayyasamy ram** · **ayyasamy ram** Thu Sep 10, 2015 9:17 pm

-
சில சிவத்தலங்களில் திருமால் சந்நிதிகள் அமைந்திருக்கின்றன.
அது அமைந்துள்ள சிவத்தலங்களும் அங்குள்ள இறைவனின்
திருநாமங்களும்…
-
1. திருவோத்தூர் – ஆதிகேசவப் பெருமாள்
2. கச்சி ஏகம்பம் – நிலாத்துண்டப் பெருமாள்

3. கொடிமாடச் செங்குன்றூர் – ஆதிகேசவப் பெருமாள்

4. சிதம்பரம் – கோவிந்தராஜப் பெருமாள்

5. சிக்கல் – கோலவாமனப் பெருமாள்

6. திருநணா – ஆதிகேசவப் பெருமாள்

7. திருநாவலூர் – வரதராஜப் பெருமாள்

8. திருநெல்வேலி – நெல்லை கோவிந்தர்

9. திருப்பழனம் – கோவிந்தர்

10. பாண்டிக் கொடுமுடி – அரங்கநாதர்

11. திருப்பத்தூர் – அரங்கநாதர்

12. திருவக்கரை – அரங்கநாதர்

—

-கணேஷ் அரவிந்த்.

Namasivayam Mu · Namasivayam Mu Thu Sep 10, 2015 9:30 pm

நன்று

காஞ்சி ஏகாம்பரநாதர் கோவில்
சிதம்பரம் நடராஜர் கோவில்
திருவக்கரை சந்திர மௌலீஸ்வரர் கோவில்

ஆகிய தலங்களுக்கு சென்று இருக்கிறேன். வாழ்க வளமுடன்

siva.c.r · siva.c.r Fri Sep 11, 2015 5:48 am

திருமால் சன்னதி உள்ள சிவன் கோவில்கள் நிரம்ப இருக்கலாம்.

ஆனால் சிவன் சன்னதி உள்ள திருமால் கோவில்கள் இல்லவே இல்லை
என்று தோன்றுகிறது.

**T.N.Balasubramanian** · **T.N.Balasubramanian** Fri Sep 11, 2015 6:38 am

நல்ல தகவல்

ரமணியன்

Namasivayam Mu · Namasivayam Mu Fri Sep 11, 2015 7:32 am

siva.c.r wrote:திருமால் சன்னதி உள்ள சிவன் கோவில்கள் நிரம்ப இருக்கலாம்.

ஆனால் சிவன் சன்னதி உள்ள திருமால் கோவில்கள் இல்லவே இல்லை
என்று தோன்றுகிறது.

மேற்கோள் செய்த பதிவு: 1161863
சென்னை தியாகராயநகரில் சிவா விஷ்ணு ஆலயம் உள்ளது. அது பெருமாள் கோவில்தான். அங்கு சிவனுக்கும் தனி பூசை உண்டு புன்னகை

**T.N.Balasubramanian** · **T.N.Balasubramanian** Fri Sep 11, 2015 11:53 am

Namasivayam Mu wrote:
siva.c.r wrote:திருமால் சன்னதி உள்ள சிவன் கோவில்கள் நிரம்ப இருக்கலாம்.

ஆனால் சிவன் சன்னதி உள்ள திருமால் கோவில்கள் இல்லவே இல்லை
என்று தோன்றுகிறது.
மேற்கோள் செய்த பதிவு: 1161863
சென்னை தியாகராயநகரில் சிவா விஷ்ணு ஆலயம் உள்ளது. அது பெருமாள் கோவில்தான். அங்கு சிவனுக்கும் தனி பூசை உண்டு

மேற்கோள் செய்த பதிவு: 1161879

ஆம் . ஆமோதித்தல்

ரமணியன்

siva.c.r · siva.c.r Sat Sep 12, 2015 5:54 am

சிவா விஷ்ணு ஆலயம் சென்னையில் தியாகராயநகரில் மட்டுமல்ல. சென்னை அண்ணாநகர் மேற்கு விரிவாக்கப் பகுதியிலும் ஒன்று உள்ளது. இது போன்று சென்னையிலும் மற்றும் தமிழகத்திலும் பல சிவா விஷ்ணு ஆலயங்கள் இருக்கலாம்.

சிவா விஷ்ணு ஆலயம் என்று குறிப்பிடும்போதே அது அரனுக்கும் அரிக்கும் சமமான முக்கியத்துவம் கொடுத்து கட்டப்பட்ட ஆலயங்கள் என்பது வெளிப்படை.

இவ்வகையான ஆலயங்களை சிவன் சன்னதி உள்ள திருமால் ஆலயம் என்றோ திருமால் சன்னதி உள்ள சிவாலயம் என்றோ குறிப்பிடுவதற்கில்லை.
("சிவா விஷ்ணு ஆலயம்" என்ற பெயரில் "சிவா" முதலில் வருவதால் இந்த ஆலயங்களை திருமால் சன்னதி உள்ள சிவாலயம் என்று யாரேனும் கூறினால் ஒப்புக் கொள்வீர்களா?)

மேலும், சிவா விஷ்ணு ஆலயங்கள் என்ற கோட்பாடே இருபதாம் நூற்றாண்டின் பிற்பகுதியில்தான் தோன்றியது. (சங்கரன்கோவில் ஊரிலுள்ள பழமையான சங்கரநாராயணார் ஆலயம் கூட சிவாலயம் என்றே அறியப்படுகிறது - சிவா விஷ்ணு ஆலயம் என்று அல்ல).
வீர சைவர்களுக்கும் வீர வைணவர்களுக்கும் தீராப் பகை நிலவி வந்த காலங்களில் எல்லாம் இந்த "சிவா விஷ்ணு ஆலயம்" என்ற நினைப்பே இருந்ததில்லை.

இந்த திரியின் தொடக்கத்தில் திருமால் சன்னதி உள்ள சிவாலயங்கள் என்று பட்டியலிட்டவை அனைத்துமே பாடல் பெற்ற பழமையான தலங்கள். இதே போல் வைணவர்களின் 108 திவ்ய தேசங்களில் எந்த ஆலயத்திலாவது சிவன் சன்னதி உள்ளதா என்பதே என் பதிவின் கருத்து.