மார்பகத்தால் போலீஸ்காரரை தாக்கியதாக பெண்ணுக்கு சிறை:

First topic message reminder :


-
ஹாங்காங், ஆக. 2-
-
சீனாவில் இருந்து ஹாங்காங் நாட்டுக்குள் கள்ளத்தனமாக சரக்குகளை கொண்டுவந்து விற்பனை செய்பவர்களுக்கு எதிராக கடந்த மார்ச் மாதம் உள்ளூர் மக்கள் மிகப்பெரிய போராட்டத்தில் ஈடுபட்டனர். இந்த போராட்டக்காரர்களை கட்டுப்படுத்த முயன்ற போலீஸ் இன்ஸ்பெக்டர் சான் காப்போ என்பவரை ங் லாய் யிங்(30) என்ற பெண் தனது மார்பகத்தால் போலீசாரை தாக்கியதாக கூறி கைது செய்யப்பட்டார்.
--
அவர் மீது தொடரப்பட்ட வழக்கில் மூன்றரை மாதம் சிறை தண்டனை விதித்து நீதிபதி தீர்ப்பளித்தார். இந்த தீர்ப்பு அங்குள்ள பெண்களையும், பெண்ணுரிமை ஆர்வலர்களையும் கொதிப்படைய செய்துள்ளது.
-
ஆனால், தண்டனை விதிக்கப்பட்ட பெண்ணோ, அந்த போலீஸ் இன்ஸ்பெக்டர் தனது மார்பகத்தின் மீது கை வைக்க முயன்றதாக குற்றம் சாட்டியிருந்தார்.
-
இந்நிலையில், அந்தப் பெண்ணுக்கு விதிக்கப்பட்ட சிறை தண்டனைக்கு எதிர்ப்பு தெரிவித்து இங்குள்ள வான் சாய் மாவட்ட போலீஸ் தலைமையகத்தின் முன்னர் இன்று மேலாடைக்கு மேலே ‘பிரா’க்களை அணிந்தபடி ஆண்கள் உள்ளிட்ட நூற்றுக்கணக்கான மக்கள் போராட்டத்தில் ஈடுபட்டனர்.
-
பொய் வழக்கு போடும் போலீசை எதிர்த்தும், அரசை எதிர்த்தும் முழக்கங்களை எழுப்பினர். மார்பகங்கள் ஆயுதங்கள் அல்ல. எங்களது மார்பக உரிமையை திருப்பிக் கொடு. வெட்கக்கேடு, வெட்கக்கேடு - போலீசாரின் நடவடிக்கை வெட்கக்கேடு என அவர்கள் கோஷமிட்டனர்.
-
இதில் கலந்து கொண்ட ஓய்வு பெற்ற ஆசிரியரான ஜேம்ஸ் ஹான்(66), ’இன்று மார்பகத்தால் தாக்கியதாக வழக்கு போட்டு சிறையில் அடைப்பார்கள். நாளை ஆணுறுப்பாலும், பின்பக்கத்தாலும் தாக்கியதாக வழக்கு போடுவார்கள். இந்த கொடுமைக்கு எல்லாம் ஒரு முடிவு கிடைக்க வேண்டும் என்பதற்காகவே இந்த போராட்டத்தில் கலந்து கொண்டுள்ளேன்’ என்று குறிப்பிட்டார்.
-
மாலை மலர்