ஐபோன் 6 வது மாடல் இன்று வெளியாகிறது

நியூயார்க்: பலரும் எதிர்பார்த்து கொண்டிருக்கும் ஆப்பிள் நிறுவனத்தின் ஐபோன் 6வது வெர்சன் இன்று இரவு 10.30 மணியளவில், கலிபோர்னியாவில் உள்ள குபர்டினோ நகரில் வெளியிடப்படுகிறது.

ஐபோன் என்ற ஸ்மார்ட்போன்களை ஆப்பிள் நிறுவனம் உருவாக்கி விற்பனை செய்து வருகிறது. இந்த போன்கள் ஆப்பிள்ன் ஐஓஎஸ் இன்ற இயங்குதளத்தை அடிப்படையாக வைத்து செயல்பட்டு வருகிறது. இதன் முதல் வெர்சன் கடந்த 2007ம் வருடம் ஜூன் 28ம் தேதி வெளியிடப்பட்டுள்ளது. பன்முகத்தன்மை கொண்ட இந்த செல்போன்களில் ஜி.பி.ஆர்.எஸ்., எட்ஜ், 4ஜி வசதிகள், வீடியோ, இமெயில் , வீடியோ கேம்ஸ், வாய்ஸ் மெயில் எனபல வசதிகள் உள்ளன. ஐபோன் தலைமுறைகளில், இன்று இரவு 10.30 மணியளவில் 6வது வெர்சன் வெளியிடப்படுகிறது.

ஐபோன் 6ல் உள்ள வசதிகள் என எதிர்பார்க்கப்படுபவை:

ஐபோன்5 ல் உள்ள டச் ஐடி சென்சார், இதில் மேம்படுத்தப்பட்டுள்ளது. இதன் மூலம் பணப்பரிமாற்றத்திற்கான அங்கீகாரத்தை உறுதிப்படுத்தவும், ஆப்பிள் ஸ்டோரில் உள்ள மென்பொருட்களை தர டவுன்லோடு செய்யும் போது, உறுதிப்படுத்தவும் வகையில் மேம்படுத்தப்படும் என எதிர்பார்க்கலாம்.

ஐபோன் 6 ஸ்க்ரீன், 4.7 மற்றும் 5.5 இன்ச் அளவுகளில் இருக்கும் வகையில் வடிவமைக்கப்படலாம் என எதிர்பார்க்கப்படுகிறது. இதன்மூலம், ஆன்டிராய்டு போன்களுக்கு கடுமையான போட்டியை ஏற்படுத்தலாம் என எதிர்பார்க்கலாம்.

ஐபோன் 5ல் கேமராக்கள் 8 மெகா பிக்சல் சென்சார் என்ற அளவில் வடிவமைக்கப்பட்டிருந்தது. ஆனால் ஐபோன் 6ல் 13 முதல் 16 மெகா பிக்சல் சென்சார் வரை இருக்கலாம் என பலர் கருதுகின்றனர். மேலும் எல்இடி பிளாஸ் லைட்டிற்கான டோன்கள் மேம்படுத்தப்படும் எனவும், செல்பி எடுக்க வசதியாக முன்புற கேமராவும் இன்னும் மேம்படுத்தப்படும் எனவும் பலர் எதிர்பார்க்கின்றனர்.

கடைசியாக ஐபோன் 4ல் வடிவமைப்பில் ஆப்பிள் நிறுவனம் மாற்றம் செய்திருந்தது. ஐபோன் 5ல் மாற்றம் செய்யலாம் என பலர் எதிர்பார்த்தனர். ஆனால் மாற்றம் ஏதுமில்லை. ஆனால் தற்போது வெளியாகியுள்ள ஐபோன் 6 மாடலை பார்க்கும் போது, அதன் வடிவமைப்பில் மாற்றம் செய்யப்பட்டிருக்கலாம் என பலர் கருதுகின்றனர். மேலும் ஐபோன்6ல் வயர்லெஸ் தொழில்நுட்பம் மேம்படுத்தப்பட்டிருக்கும் என எதிர்பார்க்கின்றனர்.

மேலும், ஐபோன்6ல், பேட்டரி நீண்டநாட்கள் உழைக்கும் வகையில் செயல்படும் எனவும், ஏ8 பிராசசருடன், மேம்படுத்தப்பட்ட, மற்றொரு துணை பிராசசர் இருக்கும் எனவும், 1 முதல் 2 ஜிபி ராம் மற்றும் 16-128 ஜிபி வரை ஸ்டோரேஜ் வசதி செய்யப்படலாம் எனவும் எதிர்பார்க்கப்படுகிறது. மேலும், வாய்ஸ் கமாண்ட் வசதி மேம்படுத்தப்படலாம் எனவும் எதிர்பார்க்கப்படுகிறது,