திருச்சியில் மாதம் ரூ.80 கோடிக்கு மது விற்பனை

திருச்சி மாவட்டத்தில் 229 டாஸ்மாக் மதுக்கடைகள் உள்ளன. 180 பார்கள் செயல் படுகின்றன. இதில் 78 பார்கள் மாநகரில் மட்டும் செயல்படு கின்றன.

கடந்த ஆண்டுகளில் திருச்சி மாவட்டத்தில் மாதம் ரூ.60 கோடிக்கு மது விற்பனை நடந்தது. தற்போது மாதம் மது விற்பனை ரூ.80 கோடியாக உயர்ந்துள்ளது.

கடந்த 2013–ம் ஆண்டு ஜூன் மாதம் 78 கோடியே 14 லட்சத்து 49 ஆயிரத்து 86 ரூபாய்க்கு மது விற்றது. இந்த ஆண்டு ஜூன் மாதம் மட்டும் ரூ.80 கோடியே 20 லட்சத்து 13 ஆயிரத்து 250 ரூபாய்க்கு மது விற்றுள்ளது.

கடந்த 2013–ம் ஆண்டு ஜூலை மாதம் ரூ.76 கோடியே 84 லட்சத்து 34 ஆயிரத்து 252 ரூபாய்க்கு மது விற்றது. இந்த ஆண்டு (2014) ஜூலை மாதம் 29–ந்தேதி வரை ரூ.80 கோடியே 14 லட்சத்து 40 ஆயி ரத்து 860 ரூபாய் மது விற் பனை நடந்துள்ளது.

கடந்த 2013–ம் ஆண்டை விட 2014–ல் பீர் விற்பனை அதிகரித்துள்ளது. இந்த ஆண்டு ஜூலை மாதம் 168122 பெட்டிகள் அயல் நாட்டு மது வகைகளான விஸ்கி, ரம், பிராந்தி, ஜின் விற்பனை நடந்துள்ளது. இது கடந்த ஆண் டை விட 778 பெட்டிகள் அதி கம் ஆகும்.

கடந்த ஆண்டை போன்று இந்த ஆண்டு 967 பெட்டிகள் பீர் கூடுதலாக விற்பனையாகி உள்ளது. மொத்தம் 94 ஆயிரத்து 71 பெட்டி பீர் விற்பனை நடந்துள்ளது.

இந்நிலையில் டாஸ்மாக் கடைகள் மற்றும் பார்களில் குளறுபடிகளை தடுக்கவும் சில இடங்களில் பார்கள் இல்லாததால் ரோட்டில் நின்று குடிமகன்கள் மது குடிப்பதை தவிர்க்கவும் நட வடிக்கை எடுக்கப்பட்டு வரு கிறது. கடந்த 2012–ம் ஆண்டு மது விற்பனையில் குளறுபடி நடைபெற்றதாக வந்த புகாரை அடுத்து திருச்சியில் 61 டாஸ்மாக் பணியாளர்கள் மீது நோட்டீஸ் அனுப்பி (சஸ்பெண்ட்) நடவடிக்கை எடுக்கப்பட்டுள்ளது.

கூடுதல் விலைக்கு மது விற்பனை, கேஸ் மாற்றி விற்பனை போன்ற முறைகே டுகள் அதிகாரிகள் ஆய்வின் போது கண்டறியப்பட்ட தாக கூறப்படுகிறது. திருச்சி மாவட்டத்தில் 1140 பணி யாளர்களில் 61 பேர் மீது நடவடிக்கை எடுக்கப்பட்டு வருவதாக கூறப்படும் தக வலால் பணியாளர்கள் அதிர்ச்சி அடைந்துள்ளனர்.

மது விற்பனையை அதிகரிக்கும் பொருட்டும் போலி மற்று ம் தண்ணீர் கலந்து மது விற்பனை தடுக் கும் வகையிலும் அதிகாரி கள் நடவடிக்கை மேலும் தீவிரமாகும் என கூறப்படு கிறது. இதற்கிடையே திருச்சி மாவட்டத்தில் சில இடங்களில் உள்ள டாஸ்மாக் கடைகளில் பார்கள் வசதி இல்லாமல் உள்ளது. திருச்சி மாநகரில் உள்ள 78 கடைகளில் 72 கடைகளில் பார் வசதி உள்ளது.

அதே போன்று திருச்சி புறநகர் மாவட்டத்தில் உள்ள 151 டாஸ்மாக் மது கடைகளில் 106 பார்கள் மட்டுமே உள் ளன. 45 கடைகளுக்கு பார் வசதி இல்லை. திருச்சி மாவட்டத்தில் மொத்தம் 51 கடைகளுக்கு பார் வசதி இல்லாமல் உள்ளது.

இதனால் சிலர் மதுவை வாங்கி ரோட்டு ஓரங்களிலும், மறைவிடங்களிலும் வைத்து மதுவை அருந்துகின்றனர். இதனால் சட்டம், ஒழுங்கு பிரச்சனை ஏற்படுகிறது. மது விற்பனையும் குறைகிறது.

இதை தவிர்க்கும் வகையில் தேவைப்படும் இடங்களில் பார்களை திறக்க முடிவு செய்யப்பட்டுள்ளது. திருச்சியில் தற்போது தினமும் ரூ.65 ஆயிரம் முதல் அதிக பட்சம் ரூ.3 லட்சம் வரை விற்பனையாகும் கடைகள் உள்ளன. இவற்றை அடிப்படையாக கொண்டு மற்ற பார்கள் திறக்கப்பட உள்ளன.

திருச்சி மாவட்டத்தை பொறுத்த வரை பீரிமியம் வகை சரக்குகளை விட குறைந்த விலை சரக்குகள் அதிகம் விற்பனையாகின்றன. எனவே இவற்றையும் கருத்தில் கொண்டு விற்பனையை மேம்படுத்த நடவடிக்கை எடுக்கப்பட்டு உள்ளது.

இதற்கிடையே திருச்சியில் 61 டாஸ்மாக் பணியாளர்கள் சஸ்பெண்ட் செய்யப்பட்டி ருப்பதாகவும் அவர்களுக்கான சஸ்பெண்ட் உத்தரவை நேரில் வந்து பெற்று செல்லவும், செல்போன்கள் மூலம் அதிகாரிகள் உத்தரவு பிறப்பித்து உள்ளதாகவும் கூறப்படும் தகவலால் ஊழியர்கள் மத்தியில் பரபரப்பு ஏற்பட்டுள்ளது.