ஈகரை தமிழ் களஞ்சியம்



உறுப்பினராக இணையுங்கள்
உள்நுழைய இங்கு அழுத்தவும்
புதிய இடுகைகள்
இதிலென்ன இருக்கு பேசுவோம் - 3 !
 சிவனாசான்

சென்னை ஐகோர்ட் தலைமை நீதிபதி ஆகிறார் தஹில்ரமணி
 சிவனாசான்

கரையே இல்லாத ஆறு
 சிவனாசான்

மனைவியை கைவிட்ட 8 என்ஆர்ஐ.க்களின் பாஸ்போர்ட் ரத்து
 சிவனாசான்

இந்திய ரூபாயின் மதிப்பு கடும் வீழ்ச்சி
 சிவனாசான்

என் அப்பா.
 சிவனாசான்

முதியோர் காதல்
 சிவனாசான்

இது ஆரம்பம் தான் : ராகுல் பேச்சுக்கு சிவசேனா புகழாரம்
 சிவனாசான்

முத்தான 3000 பதிவுகள் கடந்த சிவனாசான் ஐயாவை வாழ்த்தலாம் வாருங்கள் ...
 சிவனாசான்

கனவென்ற ஒரு கிராமத்து பயணம்!
 sandhiya m

கல்லூரிக் குடும்பம் -காதலுண்டு காதலர் இல்லை
 Dr.S.Soundarapandian

தமிழ்நாட்டில் தாவரங்கள் (216)
 Dr.S.Soundarapandian

நாட்டில் முதல்முறையாக சிம்கார்டு இல்லாத செல்லிடப்பேசி சேவை: 25-ஆம் தேதி பிஎஸ்என்எல் அறிமுகம்
 T.N.Balasubramanian

இதிலென்ன இருக்கு பேசுவோம் - 2 !
 seltoday

புத்தகங்கள் தேவை !
 ரா.ரமேஷ்குமார்

தமிழில் பெயர் மாற்றம் செய்ய!
 PKishanthini

நாவல் தேவை
 SK

சைபர் கிரைம் விழிப்புணர்வு.
 SK

நம்பிக்கையில்லா தீர்மானம்: பா.ஜ.,வுக்கு தைரியம் எப்படி?
 SK

அவளுக்கு அறியாத வயசு ...!!
 சிவனாசான்

துயரங்களும் தூண்களாகுமே !
 சிவனாசான்

மனிதர்களை மட்டுமல்ல மொபைல்களை காப்பற்ற வருகிறது ஏர்பேக்!!
 சிவனாசான்

லிப்டு கால்கட்டு ...!!
 சிவனாசான்

போராட்டம்...
 சிவனாசான்

84 நாடுகளுக்கு பயணம் செய்த மோடி; ரூ.1,484 கோடி செலவு
 SK

நரை கூறிய அறிவுரை
 Mr.theni

வீர யுக நாயகன் ----ரமேஷ்குமாருக்கு பிறந்த தின வாழ்த்துகள்.
 ரா.ரமேஷ்குமார்

வீரயுக நாயகன் வேள் பாரி - 92 -சு.வெங்கடேசன் - சரித்திர தொடர்
 ரா.ரமேஷ்குமார்

முட்டையை மறுக்கும் இந்தியர்கள்
 SK

செய்யத் தகாத 16.
 SK

ஒரு குட்டி கதை: முயற்சி வெற்றி தரும்...
 சிவனாசான்

புத்தகங்கள் வேண்டும் இருந்தால் பகிரவும்
 சிவனாசான்

புற்றுநோய்: ரூ.32,200 கோடி இழப்பீடு வழங்க பிரபல குழந்தைகள் பவுடர் நிறுவனத்துக்கு உத்தரவு
 சிவனாசான்

தமிழ் நேசன் !?
 சிவனாசான்

குறியீடுகள், குறி ஈடுகள் மற்றும் நாம்
 சிவனாசான்

எது மென்மை
 சிவனாசான்

காடும் காடர்களும்
 சிவனாசான்

கட்சி மாநாட்டில் சைவ சாப்பாடுதானாம் ...!!
 சிவனாசான்

இன்றைய செய்தித் தலைப்புகள் - சில….
 சிவனாசான்

நான் தேனி.
 சிவனாசான்

துன்பத்தோடு அனுபவம் வருகிறது…!!
 சிவனாசான்

வந்தியத்தேவன் வாள் - மென்னூல் வேண்டும்
 valav

TNPSC தேர்விற்கு பயிற்சி செய்ய உதவும் வகையில், பாட புத்தகத்தில் இருந்து எடுக்கப்பட்ட ஒரு வரி வினா விடைகள் (book back question and answers)
 thiru907

TNPSC மற்றும் RRB தேர்விற்கு பயிற்சி செய்ய உதவும் வகையில், Ramana Coaching Center வெளியிட்ட
 thiru907

உன்னை அடிச்சிக்கவே முடியாது
 T.N.Balasubramanian

இணைய உலகில் லீக்ஸ் ...பலவகை.
 T.N.Balasubramanian

விளம்பர படத்தில் நடிக்க பிரியா வாரியருக்கு ரூ.1 கோடி
 சிவனாசான்

கோழியும் மனிதனும்
 சிவனாசான்

அனைவருக்கும் இனிய வணக்கம்
 சிவனாசான்

கோவையில் தனியார் கல்லூரியில் பயிற்சியின் போது பயிற்சியாளர் தள்ளியதால் மாணவி உயிரிழப்பு
 சிவனாசான்

urupinar arimugam
 ரா.ரமேஷ்குமார்

காமாட்சியம்மன் விளக்கு
 சாமி

மீண்டும் காவேரி
 SK

வரகில் நிறைந்துள்ள சத்துகள்!
 SK

பூக்கும் நீரூற்று! - கவிதை
 SK

கற்களை சேகரிக்கும் கவர்ச்சி நடிகை
 SK

சந்தேகம்
 சிவனாசான்

பொது அறிவு தகவல்
 சிவனாசான்

மின் இணைப்புக்கு ரூ.5 ஆயிரம் லஞ்சம்: மின் அதிகாரி கைது
 சிவனாசான்

மொக்க ஜோக்ஸ்
 Dr.S.Soundarapandian

மின்னூல்கள் தரவிறக்கம்

























Admins Online

இறைவன் பாதங்கள் படிந்த திருக்கச்சூர் திருக்கோயில்

View previous topic View next topic Go down

இறைவன் பாதங்கள் படிந்த திருக்கச்சூர் திருக்கோயில்

Post by சிவா on Sat Mar 29, 2014 11:07 pm

தொண்டை நாட்டில் உள்ள திருத்தலங்களில் திருக்கச்சூர் சிறப்பான இடத்தைப் பெற்று விளங்குகிறது. சென்னை - செங்கற்பட்டுச் சாலையில் சிங்கபெருமாள் கோயிலுக்கு மேற்கே ஸ்ரீபெரும்புதூர் செல்லும் சாலையில் 2 கி.மீ. சென்றால் இத்திருக்கோயிலை அடையலாம்.

சிறப்புகள்: திருக்கச்சூர் திருத்தலம் பலவகையில் சிறப்புப் பெற்ற தலமாக விளங்குகிறது. பாற்கடலை தேவர்களும் - அசுரர்களும் கடையும்பொழுது அமுதம் திரண்டு வருவதற்காகத் திருமால் கச்சப (ஆமை) வடிவில் இருந்து சிவபெருமானை வழிபட்டதாகத் தல வரலாறு கூறுகிறது. இப்புராண வரலாற்றை எடுத்துக்காட்டும் வகையில் இக்கோயில் தியாகராஜர் சன்னிதி முன்னர் உள்ள மண்டபத்தூண் ஒன்றில் சிற்பமாக அமைக்கப்பட்டுள்ளதைக் காணலாம்.

ஆலயக்கோயில்: இறைவன் எழுந்தருளியுள்ள கோயில்களைப் பற்றி திருநாவுக்கரசர் பெருமான் தமது திருஅடைவுத் திருத்தாண்டகத்தில் குறிப்பிடும்போது கரக்கோயில், ஞாழற்கோயில், கொகுழக் கோயில், இளங்கோயில், மணிக்கோயில், ஆலக்கோயில் என்ற பல வகையான கோயில்களைக் குறிப்பிடுகிறார். இத்தலம் "ஆலக்கோயில்' எனச் சிறப்பித்து அழைக்கப்படுகிறது. சுந்தரர் பெருமான் தமது திருப்பதிகத்தில் ஒவ்வொரு பாடலின் இறுதியிலும் "கச்சூர் ஆலக்கோயில் அம்மானே' என்றே போற்றுவதைக் காணலாம். கல்வெட்டுகளிலும் "திருஆலக்கோயில் உடையார் நாயனார்' என்றே குறிப்பிடுகிறது.

வரலாற்றுச்சிறப்பு: இக்கோயிலில் 80க்கும் மேற்பட்ட கல்வெட்டுகள் காணப்படுகின்றன. இக்கோயிலுக்கு அளிக்கப்பெற்ற கொடைகள், அமைக்கப்பட்ட நந்தவனங்கள், அளிக்கப்பெற்ற திருமேனிகள் போன்ற பல வரலாற்றுச் செய்திகளைக் கல்வெட்டுகள் அளிக்கின்றன. முதலாம் குலோத்துங்க சோழன், இரண்டாம் ராஜராஜன், மூன்றாம் குலோத்துங்க சோழன், சுந்தரபாண்டியன், வீரபாண்டியன், சம்புவராயர்கள், விருப்பண்ண உடையார், நரசிங்கராயர் போன்ற மன்னர்கள் காலக் கல்வெட்டுகள் காணப்படுகின்றன. கல்வெட்டுகளில் இவ்வூர் "ஜெயங்கொண்ட சோழ மண்டலத்துக்களத்தூர் கோட்டத்துச் செங்குன்ற நாட்டு நித்தவிநோத நல்லூர் என்னும் திருக்கச்சூர்' என்று குறிப்பிடப்படுகிறது.

உபயவிடங்கர்: தொண்டை நாட்டில் தியாகராஜர் சன்னிதிக்கும் வழிபாட்டிற்கும் சிறப்புப் பெற்ற தலங்களாக - திருவொற்றியூர், திருவான்மியூர், திருக்கச்சூர் திருக்கோயில்கள் விளங்குகின்றன. இந்த மூன்று தலங்களிலும் தேவர்களும் - முனிவர்களும் விடங்கப் பெருமானான - சோமாஸ்கந்த மூர்த்தியான - தியாகராஜரைத் தரிசிக்க வேண்டினார்கள். இறைவன் தரிசனம் அளித்தார். இம்மூன்று தலங்களும் "உபயவிடங்கத்தலங்கள்' என்ற சிறப்புடன் வழிபடப் பெறுகின்றன. திருக்கச்சூரில் தியாகராஜர் "அமுதத்தியாகர்' என்ற சிறப்புப் பெயருடன் விளங்க அவருக்கான வழிபாடுகள் சிறப்பாக நடைபெறுகின்றன.

விருந்திட்ட ஈசன்: தானத்தில் சிறந்தது அன்னதானம் ஆகும். இறைவனது அடியார்களுக்கு அன்னம் அளிப்பது மிகவும் சிறபபானதாகும். நமது சமய வரலாற்றில் இறையடியார்களுக்கு அன்னம் படைத்துச் சிறப்புப் பெற்றவர்களில் திருமங்கையாழ்வார், இளையான்குடி மாறநாயனார், அமர்நீதி நாயனார், அப்பூதி அடிகள், மூர்க்க நாயனார், கலிகம்ப நாயனார், இடங்கழி நாயனார், வள்ளலார் பெருமான் போன்றோர் குறிப்பிடத்தக்கவர்கள்.

தனது அடியார்கள் பசியால் துன்பப்பட்டபொழுது இறைவன் தானே அவர்களுக்காக உணவு பெற்று வழங்கியதும் உண்டு. திருச்சிக்கு அருகே உள்ள திருப்பைஞ்ஞீலி கோயிலில் திருநாவுக்கரசருக்காகக் கட்டமுது பெற்று அளித்தார். சுந்தரர் பெருமானுக்குச் சீர்காழிக்கு அருகில் உள்ள திருக்குருகாவூர் திருத்தலத்திலும், திருக்கச்சூர் திருத்தலத்திலும் உணவு பெற்று வழங்கியதைத் திருமுறைகள் எடுத்துக் கூறுகின்றன.

சுந்தரர் பெருமான் திருக்கழுங்குனறம் கோயிலை வழிபட்டுப் பின்னர் திருக்கச்சூர் திருத்தலம் வருகிறார். இறைவனை வணங்கிய பின்னர் இறைவன் கருணை வேண்டிப் பசியால் அங்கே அமர்ந்திருக்க, இறைவன் தனது அடியாருக்காக வீடு தோறும் சென்று உணவு பெற்றுச் சுந்தரரின் பசியைப் போக்கினார். இறைவனது இந்த அருட்செயலைச் சுந்தரர் பெருமான் தமது திருப்பதிகப் பாடல்களில் போற்றுவதைக் காணலாம்.

முதுவாய் ஓரி கதற முதுகாட்டு
எரிகொண்டால் முயல்வானே
மதுவார் கொன்றைப் புதுவி சூடும்
மலையான் மகள் தன் மணவாளா
கதுவாய்த் தலையில் பலநீ கொள்ளக்
கண்டால் அடியார் கவலாரே
அதுவே ஆமாறு இதுவோ கச்சூர்
ஆலயக்கோயில் அம்மானே
- 7ம் திருமுறை, பாடல் 1

இந்நிகழ்ச்சி பெரியபுராணத்தில் ஏயர்கோன் கலிக்காம நாயனார் புராணத்திலும் விரிவாகக் கூறிப்படுகிறது.

இதனால் இங்கு எழுந்தருளி அருள்புரியம் இறைவனை இரந்திட்ட ஈசன், விருந்திட்ட ஈசன் என்றெல்லாம் போற்றுகின்றனர். தனி சன்னிதியும் இக்கோயிலில் .ள்ளது. சுந்தரர் பெருமானுக்காக இறைவனது திருவடிகள் படிந்த திருக்கச்சூர் திருத்தலம் வழிபாட்டுச் சிறப்புடையதாகும்.

இறை அடியார்களின் பசியைப் போக்க இன்று பலதிருக்கோயில்களில் அன்னதானம் சிறப்பாக நடைபெற்று வருகிறது.

இத்தலத்தில் எழுந்தருளி அருள்புரியம் இறைவி அஞ்சனாட்சி அம்மன் என அழைக்கப்பட்டுச் சிறப்பாக வழிபாடு நடைபெறுகிறது. மேலும் இக்கோயிலில் அம்மன் சன்னதிக்கு அருகில் ஸ்ரீசக்கரம் ஸ்தாபிக்கப்பட்டுச் சிறப்பு வழிபாடுகள் நடைபெறுகின்றன. இத்தலத்தின் தல மரமாக ஆலமரம் விளங்குகிறது.

திருக்கோயிலின் அமைப்பு
: கிழக்கு நோக்கிய திருக்கோயில் எதிரே விநாயகர் கோயிலும், கச்சூர் ஏரியும் அமைந்துள்ளது. கோபுரம் இல்லாத நுழைவாயில், கோபுரம் எழுப்புவதற்கு இறை அன்பர்கள் முயற்சி எடுக்கலாம். நுழைந்தவுடன் கொடிமரம், பலிபீடம், நந்தி மண்டபம் அமைந்துள்ளது. தெற்குப் பகுதியில் அமைந்துள்ள தியாகராஜ மண்டபம் வழியே இறைவன் சன்னதிக்குள் நுழைகிறோம். எதிரில் தெற்கு நோக்கி அம்பாள் சன்னதி அமைந்துள்ளது. இறைவன் சன்னதியில் முன்புறம் சாளரம் (ஜன்னல்) அமைந்துள்ளது. இதன் வழியே இறைவனைத் தரிசித்தல் சிறப்பு. இறைவன் எழுந்தருளியுள்ள கருவறை விமானம் கஜபிருஷ்ட (தூங்கானை மாடம்) வடிவில் அமைந்துள்ளது.

ஞானவிநாயகர்: இரண்டாவது திருச்சுற்றில் தென்மேற்கில் ஞானவிநாயகர் சன்னிதி அழகிய சிற்பங்களுடன் காட்சி அளிக்கிறது. விமானத்தில் பூதகணங்கள் வாழைப்பழம் - பலாப்பழத்தைத் தாங்கிய நிலையில் அழகிய சுதைச் சிற்பங்கள் உள்ளன. தூண்களில் விநாயகர், கஜசம்கார மூர்த்தி, இராசிசக்கரம் போன்ற பல அழகிய சிற்பங்களுடன் இச்சன்னிதி விளங்குகிறது. இச்சன்னதியின் முன்மண்டப விதானத்தின் (கூரை) பக்கங்களில் சுந்தரர் வரலாற்றுடன் தொடர்புடைய நிகழ்ச்சிகள் தொடர் சிற்பமாகக் காட்சி அளிக்கிறது. சுந்தரர் வரலாற்றுடன் இத்தலம் தொடர்பு கொண்டு விளங்குவதால் இச்சிற்பங்கள் இங்கே இடம் பெற்றிருக்க வேண்டும். திருக்கச்சூர் ஞானவிநாயகர் சன்னிதி தனிச்சிறப்புடன் விளங்குகிறது.

இச்சுற்றில் தொடர்ந்து முருகன் சன்னிதி, விருந்திட்ட ஈசன் சன்னிதி, பைரவர் சன்னிதி ஆகியவை அமைந்துள்ளன.

மலைமேல் மருந்து:
இவ்வூரில் கோயிலுக்கு அருகே உள்ள சிறிய குன்றின் மீது மருந்தீசர் கோயில் அமைந்துள்ளது. இம்மலையை ஒளஷதகிரி எனவும், இறைவனை ஒளஷதீசுவரர் எனவும் அழைக்கின்றனர். இறைவியை அந்தக நிவாரணி, இருள் நீக்கித்தாயார் எனவும் அழைத்துப் போற்றுகின்றனர். இக்குன்றில் மருத்துவ குணம் உடைய மூலிகைகள் இருப்பதாகக் கூறுகின்றனர். மேற்கு நோக்கிய இறைவன் சன்னிதி. வாயில் முன் மண்டபத் தூண்களில் விநாயகர், பட்டினத்தார், வள்ளலார், தண்டபாணி, அப்பர், சம்பந்தர், சுந்தரர் ஆகியோரது சிற்ப வடிவங்கள் காணப்படுகின்றன. தூண் ஒன்றில் சுந்தரரை நோக்கியவாறு கையில் அமுதுடன் காட்சி தரும் இறைவனது சிற்பம் சிறப்பானது.

இறைவன் சன்னிதிக்கு வடக்குப் புறத்தில் சண்டிகேசுவரர் சன்னிதி உள்ளது. இதில் நான்கு முகம் உடைய சதுர்முக சண்டிகேசுவரர் வடிவத்தை வழிபடுவது மிகவும் சிறப்பானது.

இக்கோயிலில் உள்ள கொடிமரத்தின் அருகிலிருந்து மக்கள் பக்தியுடன் மண் சேகரித்து எடுத்துச் செல்கின்றனர். இது மருத்துவக் குணம் உடையதாகக் கருதப்படுகிறது. நோய் வாய்ப்பட்டவர்களும் இக்கோயிலுக்கு வந்து வழிபட்டுச் செல்கின்றனர். இக்கோயிலில் எழுந்தருளிய இறைவனை "மலைமேல் மருந்தே' எனச் சுந்தரர் பெருமான் போற்றுகின்றார்.

மாலை மதியே மலைமேல் மருந்தே
மறவேன் அடியேன் வயல் சூழ்ந்த
ஆலைக் கழனிப் பழனக் கச்சூர்
ஆலக்கோயில் அம்மானே
பாடல் - 5

விழாக்கள்: இக்கோயிலில் மாதந்தோறும் விழாக்கள் நடைபெற்றாலும் சித்திரை மாதம் நடைபெறும் பிரம்மோற்சவம் சிறப்பானது. தியாகராஜரை "தொட்டில் பல்லக்கில்' வீதி உலா எடுத்து வருவது சிறப்பு அம்சமாக விளங்குகிறது.
பல சிறப்புகள் கொண்டதும் இறைவன் திருவடிகள் பட்ட திருத்தலமாகிய திருக்கச்சூர் ஆலக்கோயில் இறைவனை வழிபடுவோம்! நலமடைவோம்!!

- கி. ஸ்ரீதரன்
avatar
சிவா
நிறுவனர்

நிறுவனர்

நிகழ்நிலை
இணையாநிலை

பதிவுகள் : 84415
மதிப்பீடுகள் : 10530

View user profile http://www.sivastar.net

Back to top Go down

View previous topic View next topic Back to top


Permissions in this forum:
You cannot reply to topics in this forum