"இறந்த கால" நினைவுகள்

**M.M.SENTHIL** · **M.M.SENTHIL** Mon Nov 25, 2013 11:47 pm

First topic message reminder :

வானத்து நிலவை
கண் சிமிட்டும் நட்சத்திரத்தை
காட்டிக் கொண்டே குழந்தைக்கு
சோறுட்டியதொரு காலம் !

ஆரிய மாவில் கலி சமைத்து
எருமைதயிர் அதில் ஊற்றி
வயிறு புடைக்க அதை உண்டு
தென்னை மரத்தடியில்
கயிற்று கட்டிலில் கிடந்ததொரு காலம் !

கல்யாணமோ, கருமாதியோ
ஆட்டுக்கெடா வெட்டி
அருமையான சாராயம் துணைகொண்டு
சொந்தங்கள் புடை சூழ
இன்பத்தையும், துன்பத்தையும்
பகிர்ந்து கொண்டதொரு காலம்!

பக்கத்து வீட்டு பசுமாடு கன்று ஈன்றாள்
தன் வீட்டு பிள்ளை பிரசவிச்சதைபோல்
மகிழ்ச்சியோடு சீம்பால் தந்து
பத்து வீட்டு பங்காளியும்
சேர்ந்து தின்றதொரு காலம் !

மின்சாரம் இல்லையெனினும்
பௌர்ணமி நாளில் வரும்
முனியப்பன் பண்டிகைக்கு
ஊர் கூடி தேரிழுத்ததொரு காலம்!

சாயும் நாற்காலியில்
சற்றே கண்ணயர்ந்த பொழுதில்
பட்டென வந்து மறைந்தது
கிராமத்தில் நான் வாழ்ந்த
"இறந்த கால" நினைவுகள்!

வயக்காட்டில் கிடைத்த
வருமானத்தில் படிக்க வைத்தேன்
ஒரே ஒரு செல்ல மகனை,
அந்த வயக்காட்டையும்
கூறு போட்டு விற்று விட்டு
என்னை நகரத்திற்கு
கொண்டு வந்தான் அவன்!

கிராமத்து காற்றில் வாழ்ந்தவன்
பட்டணத்து விசிறி காற்றை
சுவாசிக்கிறேன் - காற்றிலும் சூடு!

என் வயல்காடெல்லாம்
வரண்டுபோய் மனைகளாக மாறியது போலவே
என் மனமும் வறண்டு போய்
இறக்கும் காலத்தை எதிர் நோக்குகிறேன்!

**M.M.SENTHIL** · **M.M.SENTHIL** Tue Nov 26, 2013 12:08 pm

ராஜா wrote:
M.M.SENTHIL wrote:Re: ஈகரை தமிழ் களஞ்சியத்தை எவ்வாறு அறிந்தீர்கள்? என்ற பதிவில் தல ராஜாவின் பின்னுட்டம்
புகைப்படத்தில் தான் டெர்ரரா இருக்கீங்க ஆனால் மென்மையான மனதுடைய ஆள் போல தெரிகிறது உங்களின் எழுத்துக்கள்.
இதுவும் உங்க கமென்ட் தான் தல.
நான் நீங்க அடிப்பிங்க என்று சொல்லவில்லையே ..... நான் அங்க வந்து உங்க மேல கைய வச்சு "டேய் ஓடிவாங்கடா நம்ம நாட்டாமையை யாரோ அடிச்சிட்டான்" என்று ஊரே திரண்டு வந்து என்னை நசுக்கிட்டா நான் என்ன பண்ணுறது

நான் வேண்டுமென்றால் தீர்ப்பை மாத்தி சொல்லிவிடுகிறேன்.

**ராஜா** · **ராஜா** Tue Nov 26, 2013 12:25 pm

M.M.SENTHIL wrote:நான் வேண்டுமென்றால் தீர்ப்பை மாத்தி சொல்லிவிடுகிறேன்.

இது தான் நம்ம செந்தில் .... அப்படியே ரெண்டு நாட்டுகொழியும் கொடுத்துட சொல்லுங்க , அதுக்கப்புறம் பாருங்க என்ன வேகமா ஓடிவரோம்னு

**ஜாஹீதாபானு** · **ஜாஹீதாபானு** Tue Nov 26, 2013 2:02 pm

ஊர் நினைவு வருகிறது . மிக அருமை

**krishnaamma** · **krishnaamma** Tue Nov 26, 2013 2:42 pm

ரொம்ப நல்லா இருக்கு செந்தில் புன்னகை

ஒரு பெருமூச்சுடன் படித்தேன் ............ஹும்............. புன்னகை

**M.M.SENTHIL** · **M.M.SENTHIL** Tue Nov 26, 2013 5:51 pm

krishnaamma wrote:ரொம்ப நல்லா இருக்கு செந்தில் ஒரு பெருமூச்சுடன் படித்தேன் ............ஹும்.............

ரொம்ப நன்றிம்மா. கிராம வாழ்க்கை வாழ்ந்தோருக்கு நகர வாழ்க்கை நரக வாழ்க்கையே.

Sponsored content · Sponsored content

"இறந்த கால" நினைவுகள்

"இறந்த கால" நினைவுகள்

Re: "இறந்த கால" நினைவுகள்

Re: "இறந்த கால" நினைவுகள்

Re: "இறந்த கால" நினைவுகள்

Re: "இறந்த கால" நினைவுகள்

Re: "இறந்த கால" நினைவுகள்

Re: "இறந்த கால" நினைவுகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக