மனநோயாளி - ஒரு சிறு சிறுகதை

Rangarajan Sundaravadivel · Rangarajan Sundaravadivel Thu 7 Nov 2013 - 13:31

மருத்துவர் என்னைப் பார்த்துச் சொன்னார், "நீ மன நோயாளி. உன்னை விரைவில் மருத்துவமனையில் சேர்க்க வேண்டும்" என்றார். "ஆனால் நான் இப்பொழுது தான் மிக சந்தோஷமாக இருக்கிறேன்", என்றேன் நான்.

"அதனால் தான் உன்னைக் குணப்படுத்த வேண்டுமென்கிறேன். யாரும் இந்த அளவுக்கு சந்தோஷமாக இருக்க முடியாது"

"மகிழ்ச்சி ஒரு நோயா?", நான் சிரித்தேன்.

"ஆம், ஆனால் கவலைப்படாதே. நான் உன்னைக் குணப்படுத்தி விடுவேன்".

"மகிழ்ச்சியே என்னுடைய நோயாக இருக்கும் போது நான் எப்படிக் கவலைப்பட முடியும்? நீங்கள் மகிழ்ச்சியை நோய் என்று அழைப்பது எனக்கு நகைச்சுவையாகத் தோன்றுகிறது."

"அது நோய்தான். பெரும்பான்மையான மக்களிடம் அது இல்லை".

அவர் சொல்லி முடித்தவுடன் என் மகிழ்ச்சியைத் துரத்துவதற்காக என்னை இருளுக்கு இழுத்துச் சென்றார்கள் இருவர்.