மங்கள்யான் செயற்கைகோள் செய்திகள்

**ayyasamy ram** · **ayyasamy ram** Mon Oct 21, 2013 12:36 am

First topic message reminder :

பெங்களூரு:

செவ்வாய் கிரக ஆய்வுக்காக இஸ்ரோ நிறுவனம்
மங்கள்யான் என்ற செயற்கை கோளை அனுப்ப
உள்ளது.

இந்த செயற்கை கோள் விண்ணில் ஏவப்படும்
தேதி நேற்று அறிவிக்கப்படும் என்று கூறப்பட்டது.
ஆனால், தேதி அறிவிக்கப்படவில்லை.

இந்நிலையில், மங்கள்யான் செயற்கை கோளை
ஏவுவது தாமதமாகலாம் என்று இஸ்ரோ அறிவித்துள்ளது.

தென்பசிபிக் கடல் பகுதியில் ஏற்பட்டுள்ள மோசமான
வானிலையே இதற்கு காரணம் என்றும், வரும் 22ம் தேதி,
செயற்கை கோள் ஏவப்படும் தேதி அறிவிக்கப்படும்
என்றும் இஸ்ரோ தெரிவித்துள்ளது.

வரும் 28 அல்லது நவம்பர் 19ம் தேதி மங்கள்யான்
ஏவப்படலாம் என தகவல்கள் தெரிவிக்கின்றன.
முன்னதாக, செவ்வாயக்கு செயற்கை கோள்
அனுப்புவதை தாமதப்படுத்த வேண்டும் என அ
மெரிக்க விண்வெளி நிறுவனமான நாசா கூறியிருந்தது.
ஆனால், எந்த காரணத்தை முன்னிட்டும் தாமதிக்க
முடியாது என இஸ்ரோ அறிவித்திருந்தது
குறிப்பிடத்தக்கது.
-
===========
நன்றி: தினமலர்

soplangi · soplangi Wed Sep 03, 2014 10:00 am

செப்டம்பர் 24-ல் செவ்வாய் கிரகத்தை அடைகிறது மங்கள்யான்

பெங்களூர்: செவ்வாய் கிரகத்துக்கு இந்தியாவின் சார்பில் அனுப்பப்பட்டுள்ள மங்கள்யான் விண்கலம் 300 நாள் பயணத்தை முடித்துள்ளது. திட்டமிட்டபடி வரும் 24ம் தேதி அது செவ்வாய் கிரகத்தை அடையும் என இஸ்ரோ தெரிவித்துள்ளது.

450 கோடியிலான மங்கள்யான் திட்டம் கடந்த ஆண்டு நவம்பர் 5-ம் தேதி ஸ்ரீஹரிகோட்டாவில் இருந்து பிஎஸ்எல்வி ராக்கெட் மூலம் ஏவப்பட்டது. மொத்தம் 68 கோடி கி.மீ. தூர பயணத்தில் தற்போது 62.2 கோடி கி.மீ. பயணத்தை அது முடித்துள்ளது. நீள்வட்டப் பாதையில் பயணிக்கும் மங்கள்யான், பூமியில் இருந்து 19.9 கோடி கி.மீ. தூரத்தில் தற்போது உள்ளது.

பூமிக்கும், செவ்வாய் கிரகத்துக்கும் இடையேயான சராசரி தொலைவு 22.5 கோடி கி.மீ. ஆகும்.

-- தினகரன்

**தமிழ்நேசன்1981** · 21/11/2010

JourneyToMars - மங்கள்யான் செயற்கைகோள் செய்திகள் - Page 9 103459460

**M.M.SENTHIL** · **M.M.SENTHIL** Wed Sep 03, 2014 2:42 pm

JourneyToMars - மங்கள்யான் செயற்கைகோள் செய்திகள் - Page 9 1571444738

பாலாஜி · பாலாஜி Wed Sep 03, 2014 3:34 pm

**M.Saranya** · **M.Saranya** Wed Sep 03, 2014 3:38 pm

மிக சிறந்த பதிவு

soplangi · soplangi Mon Sep 15, 2014 3:27 pm

செவ்வாயை நெருங்குகிறது மங்கள்யான்: இஸ்ரோ விஞ்ஞானிகளிடம் பரபரப்பு

JourneyToMars - மங்கள்யான் செயற்கைகோள் செய்திகள் - Page 9 Tamil_News_large_1070936

செவ்வாய் கிரகத்தை ஆய்வு செய்ய இஸ்ரோவால் ஏவப்பட்ட மங்கள்யான் விண்கலம் செவ்வாய் கிரகத்தை நெருங்கி உள்ளதால், ஆய்வுக்குழு விஞ்ஞானிகள் ஆய்வுக்கு தயாராகி வருகின்றனர். வரும் 24ம் தேதி, மங்கள்யான் செவ்வாய் கிரகத்தின் சுற்றுப்பாதையை அடையும் என்று எதிர்பார்க்கப்படுகிறது.

விண்வௌி ஆய்வில் இந்தியா பல சாதனைகளை தொடர்ந்து நிகழ்த்தி வருகிறது. பல விண்கலங்களை விண்ணிற்கு வெற்றிகரமாக ஏவி, சர்வதேச நாடுகளுக்கு இணையாக விண்வௌியில் ஆதிக்கம் செலுத்தி வரும் இந்தியா, சந்திராயன்செயற்கைக்கோளை நிலவுக்கு ஏவி, தனது விண்வௌி தொழில்நுட்ப திறமையை உலகிற்கு பறைசாற்றியது. இதன் தொடர்ச்சியாக, செவ்வாய் கிரகத்தை ஆய்வு செய்ய மங்கள்யான் என்ற செயற்கைக்கோளை இந்தியாவின் விண்வௌி ஆய்வு நிறுவனமான இஸ்ரோ ஏவி உள்ளது.

இந்திய விஞ்ஞானிகள் சாதனை:

செவ்வாய் கிரகத்தை ஆய்வு செய்வதற்காக மங்கள்யான் செயற்கைக்கோளை கடந்த ஆண்டு நவம்பர் மாதம் 5ம் தேதி இஸ்ரோ ஏவியது. கிட்டத்தட்ட 300 நாட்கள் பயண தொலைவு கொண்ட செவ்வாயை, மங்கள்யான் விண்கலம் தற்போது செவ்வாயை நெருங்கிக் கொண்டிருக்கிறது. அனேகமாக, வரும் 24ம் தேதி, செவ்வாயின் சுற்றுப்பாதையில் நுழையும் என்று எதிர்பார்க்கப்படுகிறது. செவ்வாய்க்கு அமெரிக்கா, ரஷ்யா மற்றும் ஐரோப்பிய விண்வௌி நிறுவனம் ஆகியவை ஆய்வு செயற்கைக்கோளை அனுப்பி உள்ளன. ஆனால், அவை அனைத்தும் முதல் முயற்சியில் செவ்வாயை சென்றடையவில்லை. இந்நிலையில், இஸ்ரோ அனுப்பி உள்ள மங்கள்யான் விண்கலம் முதல் முயற்சியிலேயே சரியான பாதையில் பயணித்து செவ்வாயை நெருங்கி உள்ளது மிகப் பெரிய சாதனையாக கருதப்படுகிறது.

கட்டுப்பாட்டு அறையில் பரபரப்பு:

மங்கள்யான் விண்கலம் செவ்வாயை நெருங்குவதால், பெங்களூரில் உள்ள இஸ்ரோ ஆய்வு மையத்தில் விஞ்ஞானிகள் பரபரப்படைந்துள்ளனர். மங்கள்யான் செயற்கைக்கோளை செவ்வாய் கிரகத்தின் சுற்றுவட்டப்பாதையில் செலுத்த வேண்டிய சவாலான பணி இஸ்ரோ விஞ்ஞானிகளுக்கு காத்திருக்கிறது. இந்நிலையில், பெங்களூருவில் உள்ள கட்டுப்பாட்டு அறையில் இருந்து மங்கள்யான் செயற்கைக்கோளுக்கு நூற்றுக்கும் மேற்பட்ட கட்டளைகள் அனுப்பப்பட்டு வருகின்றன.

முதல் நாடு:

செவ்வாய் கிரகத்தின் சுற்றுவட்டப்பாதையில் மங்கள்யான் செயற்கைக்கோள் வெற்றிகரமாக செலுத்தப்பட்டால், தனது முதல் முயற்சியில் செவ்வாய் கிரக சுற்றுப்பாதையில் செயற்கைக்கோளை அனுப்பிய முதல் நாடு என்ற பெருமையை இந்தியா பெறும் என இஸ்ரோ விஞ்ஞானி கோடீஸ்வர் ராவ் தெரிவித்துள்ளார்.

-- தினமலர்

soplangi · soplangi Mon Sep 22, 2014 6:20 pm

செவ்வாயை நெருங்குகிறது மங்கள்யான்: விண்வௌியில் இந்தியா புதிய சாதனை

செவ்வாய் கிரகத்தை ஆய்வு செய்வதற்காக இஸ்ரோவால் கடந்த ஆண்டு ஏவப்பட்ட மங்கள்யான் விண்கலம், தனது நீண்ட பயணத்தின் நிறைவாக, செவ்வாய் கிரகத்தின் வான்வௌிக்குள் நுழைந்துள்ளது. இந்த விண்கலம், நாளை மறுநாள் செவ்வாயின் நீள் வட்டப்பாதையில் நிலை நிறுத்தப்பட உள்ளது. இன்று நடந்த டெஸ்ட்பயர் வெற்றிகரமாக முடிந்துள்ளது.

சிவப்பு கிரகமான செவ்வாயை ஆய்வு செய்வதற்காக, இந்தியாவின் விண்வௌி ஆய்வு நிறுவனமான இஸ்ரோ, மங்கள்யான் என்ற விண்கலத்தை கடந்த ஆண்டு நவம்பர் மாதம் 5ம் தேதி ஏவியது. கடினமான, நீண்ட பயணத்திற்கு பின்னர், மங்கள்யான் தற்போது செவ்வாயின் மிக நெருக்கத்தை எட்டி உள்ளது. மங்கள்யான் விண்கலத்தை, ஒரு பெரிய ராக்கெட்டும், எட்டு உந்துவிசை சிறிய மோட்டார்களும் உள்ளன. இந்த மோட்டார்கள் தற்போது செயல்படாத நிலையில் வைக்கப்பட்டுள்ளன.

4 நொடி டெஸ்ட்:

மங்கள்யான் செவ்வாயை நெருங்கி உள்ள நிலையில், அந்த கலத்தை செவ்வாயின் சுற்றுப்பாதையில் செலுத்த வேண்டும். அதற்காக இந்த மோட்டார்களை இயக்க வேண்டும். அந்த பணியில் பெங்களூரு கட்டுப்பாட்டு அறையில் உள்ள பொறியாளர்கள் ஈடுபட்டுள்ளனர். உந்துவிசை மோட்டார்கள் சரியாக வேலை செய்கின்றனவா என்பதை கண்டறிய, நான்கு நொடிகளுக்கு மட்டும் அவை இயக்கப்பட்டன. இந்த முயற்சி வெற்றி பெற்றால், செவ்வாய் கிரகத்திற்கு முதன் முதலாக வெற்றிகரமாக விண்கலத்தை ஏவிய நாடு என்ற பெருமையை இந்தியா பெறும் என்பது குறிப்பிடத்தக்கது.

ஏற்பாடுகள் தயார்:

இது குறித்து இஸ்ரோ தலைவர் ராதாகிருஷ்ணன் கூறுகையில், 'ராக்கெட் மோட்டார்களை இயக்க 4 நொடி டெஸ்ட் பயர் செய்யப்படும். இதன் மூலம், மங்கள்யான் தனது பாதையில் இருந்து கீழ்நோக்கி வரும். சரியான பாதையில் மங்கள்யானை நிலை நிறுத்த தேவையான ஏற்பாடுகளை செய்துள்ளோம்,' என்றார்.

-- தினமலர்

soplangi · soplangi Tue Sep 23, 2014 3:01 pm

JourneyToMars - மங்கள்யான் செயற்கைகோள் செய்திகள் - Page 9 Gallerye_235215282_1076622

செவ்வாய் கிரகத்திற்கு இந்தியா முதன்முதலாக ஏவிய மங்கள்யான் செயற்கைக்கோள், 300 நாட்களாக 5 கோடி கி.மீ., தூரம் பயணம் செய்து, நாளை (செப்.24) செவ்வாயின் சுற்று வட்டப்பாதைக்குள் வெற்றிகரமாக நுழைகிறது.

பூமியிலிருந்து செவ்வாய்க்கு குறைந்தபட்ச தூரம், அதிகபட்ச தூரம் என உண்டு. சூரியனை இரண்டு கிரகங்களும் வெவ்வேறு பாதையில் சுற்றுவதால் இந்த வித்தியாசம் ஏற்படுகிறது. செவ்வாய்க்கு குறைந்தபட்ச தூரம் 5 கோடி கி.மீ., அதிகபட்ச தூரம் 40 கோடி கி.மீ., குறைந்தபட்ச தூரத்தில் செவ்வாய் வருவதை கணித்து, செயற்கைக்கோள் ஏவப்பட்டது. தற்போது தவறவிட்டால் 2016ம் ஆண்டுதான் மீண்டும் இந்த வாய்ப்பு கிடைக்கும்.இதுவரை செவ்வாய்க்கு அனுப்பிய விண்கலங்கள் 50 சதவீதம் மட்டுமே வெற்றியடைந்துள்ளன. அமெரிக்கா, ரஷ்யா, ஐரோப்பிய விண்வெளி அமைப்பு ஆகியவை மட்டுமே செவ்வாய்க்கு விண்கலத்தை வெற்றிகரமாக அனுப்பியுள்ளன. பிரிட்டன், பிரான்ஸ், சீனா, ஜப்பான் மேற்கொண்ட முயற்சிகள் தோல்வியில் முடிந்தன. மங்கள்யான் திட்டம் முழு வெற்றியடைந்தால் செவ்வாய்க்கு செயற்கைக்கோள் அனுப்பிய நான்காவது நாடாக இந்தியா இருக்கும். மங்கள்யான், ஆறு மாதங்களில் 60 முறை செவ்வாய் கிரகத்தை சுற்றி வந்து ஆராய்ச்சி மேற்கொள்ளும். முழுவதும் சூரிய சக்தியில் செயல்படும் மங்கள்யானில், இந்தியாவிலேயே தயாரிக்கப்பட்ட ஐந்து உபகரணங்கள் பொருத்தப்பட்டுள்ளன.

-- தினமலர்

**M.Saranya** · **M.Saranya** Tue Sep 23, 2014 3:57 pm

நல்ல பகிர்வு
நன்றி

**T.N.Balasubramanian** · **T.N.Balasubramanian** Tue Sep 23, 2014 4:22 pm

தேர்தல் முடிவுகள் தரும் பரபரப்பு போல் உள்ளது .
வாழ்த்துவோம் , வெற்றி என்ற சொல் வருமென
நம்புகிறேன் .
ரமணியன்

Sponsored content · Sponsored content

மங்கள்யான் செயற்கைகோள் செய்திகள்