ஜூன் மாதம் எப்படி?

**krishnaamma** · **krishnaamma** Tue Jun 04, 2013 9:27 pm

மேஷம்: புதன், சுக்ரன், குரு ராசிக்கு மூன்றாம் இடத்தில் சேர்ந்துள்ளதால் செயல்களில் தாமதம் இருக்கும். உத்தியோகத்தில் புதிய பொறுப்புகள் கிடைக்கும். தொழிலில் முன்னேற்றம் உண்டு. கூட்டு வியாபாரத்தில் லாபம் அடைவர். பண வசதிகள் ஏற்படும். புனித ஸ்தலங்களுக்கு செல்லும் வாய்ப்பு உண்டாகும். கலைஞர்களுக்கு சக கலைஞர்களின் உதவி கிடைக்கும். பங்குச் சந்தையில் முதலீடு செய்வீர்கள்.
பரிகாரம்: சனி பகவானுக்கு சனிதோறும் எள் அன்னம் நிவேதனம் செய்து வழிபடவும்.
சந்திராஷ்டமம்: 20.06.13 இரவு 1.35 - 23.06.2013 அதிகாலை 4.14 வரை.

**krishnaamma** · **krishnaamma** Tue Jun 04, 2013 9:27 pm

ரிஷபம்: ஜென்ம ராசியில் அங்காரகன், சூரியன் சஞ்சரிப்பதால் நல்ல சேதி தேடி வரும். பண வரவுகளில் திருப்தி இருக்கும். அலுவலகத்தில் அனைவரிடமும் சுமுகமாக இருப்பது நல்லது. தொழிலில் பணிகள் அதிகரிக்கும். ஆன்மிகப் பயணத்துக்கு திட்டமிடுவீர்கள். கலைஞர்களுக்கு புதிய வாய்ப்புகள் கிடைக்கும். பங்குச் சந்தையில் ஓரளவு லாபமுண்டு.
பரிகாரம்: வியாழன்தோறும் குரு பகவானுக்கு வில்வமாலை சூட்டி வழிபடவும்.
சந்திராஷ்டமம்: 23.06.2013 அதிகாலை 4.15 - 25.06.2013 காலை 6.34 வரை

**krishnaamma** · **krishnaamma** Tue Jun 04, 2013 9:28 pm

மிதுனம்: புதன், சுக்ரன், சேர்ந்து ஜென்ம ராசியில் சஞ்சரிப்பதால் உங்கள் செயல்களில் பலன் உண்டு. பண வரவுகள் மகிழ்ச்சி தரும். சொந்தத் தொழிலில் புதிய வாடிக்கையாளர்களால் மகிழ்ச்சி ஏற்படும். உத்தியோகத்தில் கவனமுடன் இருப்பது நல்லது. குலதெய்வ வழிபாடு செய்வீர்கள். கூட்டுத் தொழிலில் லாபம் இருக்கும்.. கலைத்துறையினர் புதிய வாய்ப்புகள் பெறுவீர். பங்கு வர்த்தகம் திருப்தி தரும்.
பரிகாரம்: முருகப் பெருமானை செவ்வாய்தோறும் நெய் தீபமிட்டு வழிபடவும்.
சந்திராஷ்டமம்: 25.06.2013 காலை 6.34 - 27.06.2013 காலை 9.36 வரை

**krishnaamma** · **krishnaamma** Tue Jun 04, 2013 9:28 pm

கடகம்: விரய ஸ்தானத்தில் புதன், குரு, சுக்ரன் சேர்ந்திருப்பதால் பண வரவுகள் இருந்தாலும் செலவுகள் இருக்கும். கூட்டுத் தொழில் சுமாராக இருக்கும். உத்தியோகத்தில் புதிய பொறுப்புகள் வரும். கலைஞர்களுக்கு சக நண்பர்களின் உதவி கிடைக்கும். புதிய நபரால் தொழிலில் முன்னேற்றம் உண்டாகும். பங்கு வியாபாரத்தில் முயற்சி தேவை.
பரிகாரம்: துர்கைக்கு வெள்ளிதோறும் குங்கும அர்ச்சனை செய்து வழிபடவும்.
சந்திராஷ்டமம்: 27.06.2013 கலை 9.37 - 29.06.2013 பகல் 2.08 வரை

**krishnaamma** · **krishnaamma** Tue Jun 04, 2013 9:28 pm

சிம்மம்: ஜீவன ஸ்தானத்தில் ராசிநாதன் சூரியன், அங்காரகனுட் சேர்ந்திருப்பதால், வெற்றி உண்டு. பதினோராம் இடத்தில் சுக்ரன், புதன், குரு இருப்பதால் தனவரவில் தாமதங்கள் ஏற்படும். உத்தியோகத்தில் சக நண்பர்களின் ஒத்துழைப்பு உண்டு. குடும்பத்தில் மங்கல நிகழ்ச்சிகள் நடக்கும். தொழிலில் வருமானம் இருக்கும்.
பரிகாரம்: புதன்தோறும் சீனிவாச பெருமாளுக்கு துளசி மாலை சூட்டி வழிபடவும்.
சந்திராஷ்டமம்: 2.06.2013 பகல் 6.06 - 4.06.2013 பகல் 1.06 வரை. 29.06.2013 பகல் 2.09 - 1.7.2013 இரவு 8.51 வரை.

**krishnaamma** · **krishnaamma** Tue Jun 04, 2013 9:28 pm

கன்னி: ஜீவன ஸ்தானத்தில் ராசிநாதன் புதன் சுக்ரனுடன் சேர்ந்து சஞ்சரிப்பதால் செய்யும் காரியங்களில் பலனுண்டு. கூட்டுத் தொழிலில் கவனம் தேவை. அலுவலகத்தில் வேலை பளு கூடும். தொழிலில் புதிய ஒப்பந்தங்கள் கையெழுத்தாகும். பங்குச் சந்தையில் ஆலோசனைத் தேவை. பெண்கள் விலையுயர்ந்த பொருட்களைக் கவனமாகக் கையாள வேண்டும்.
பரிகாரம்: மகாலட்சுமிக்கு திங்கள் தோறும் மலர் மாலை அணிவித்து வழிபடவும்.
சந்திராஷ்டமம்: 4.06.2013 பகல் 1.07 - 6.6.2013 இரவு 10.33 வரை.

**krishnaamma** · **krishnaamma** Tue Jun 04, 2013 9:28 pm

துலாம்: ராசிநாதன் சுக்ரன் ஒன்பதாம் இடத்துக்கு வருவதால் சில காரியங்கள் வெற்றி உண்டு. எட்டாமிடத்தில் அங்காரகன் சூரியனுடன் சேர்ந்திருப்பதால் எதிர்பாராத வருமானம் இருக்கும். உத்தியோகத்தில் சக ஊழியர்களுடன் நட்புறவு அவசியம். குடும்பப் பிரச்னைகளைப் பெண்கள் சரி செய்வர். கலைத் தொழிலில் இருப்பவர்களுக்கு நிதானம் அவசியம். கூட்டுத் தொழில் வியாபாரத்தில் லாபமுண்டு. பணப்பொறுப்புகளில் கவனம் தேவை.
பரிகாரம்: பெருமாளுக்கு புதன்தோறும் துளசி மாலை சாற்றி வழிபடவும்.
சந்திராஷ்டமம்: 6.6.2013 இரவு 10.34 - 9.06.2013 காலை 9.46 வரை.

**krishnaamma** · **krishnaamma** Tue Jun 04, 2013 9:29 pm

விருச்சிகம்: ராசிநாதன் அங்காரகன் ஏழாமிடத்தில் சூரியனுடன் சேர்ந்து சஞ்சரிப்பதால் எதிர்பார்த்த பணவரவுகள் இருக்கும். தொழிலில் முன்னேற்றம் உண்டு. உத்தியோகத்தில் சிலருக்கு பொறுப்பான பதவி கிடைக்கும். கூட்டுத் தொழிலை விரிவாக்க திட்டுமிடுவீர்கள். புதிய பொருட்கள் வாங்குவீர்கள். சிலர் மகான்களின் தரிசனம் பெறுவர். கலைஞருக்கு புதிய ஒப்பந்தம் கிடைக்கும். பங்கு வர்த்தகத்தில் நல்ல லாபமுண்டு. செலவுகள் கட்டுக்குள் இருக்கும். அரசு தொடர்பான செயல்கள் சுலபமாக நடக்கும்.
பரிகாரம்: பெருமாளுக்கு சனிதோறும் நெய் தீபமிட்டு வழிபடவும்.
சந்திராஷ்டமம்: 9.6.2013 9.49 - 11.6.2013 இரவு 9.29 வரை.

**krishnaamma** · **krishnaamma** Tue Jun 04, 2013 9:29 pm

தனுசு: பாக்கியாதிபதி சூரியன், அங்காரகனுடன் இணைந்து ஆறாம் இடத்தில் இருப்பதால், எதிர்பார்த்த உதவிகள் அனைத்தும் கிடைக்கும். உத்தியோகம் செய்பவர்களுக்கு பதவி உயர்வு உண்டு. தொழிலில் பணப்புழக்கம் கூடும். கூட்டுத் தொழிலில் லாபம் அதிகரிக்கும். குலதெய்வ வழிபாடு செய்யத் திட்டமிடுவீர்கள். கலைஞர்களுக்கு நல்ல சந்தர்ப்பங்கள் கூடி வரும். பங்குச் சந்தையில் முன்னேற்றம் இருக்கும். திட்டமிட்டுச் செய்யும் காரியங்களில் நினைத்த வெற்றியை அடைவீர்கள்.
பரிகாரம்: மகாலட்சுமிக்கு வெள்ளிதோறும் செந்தாமரை மலர் சூட்டி வழிபடவும்.
சந்திராஷ்டமம்: 1.6.2013 இரவு 9.30 - 14.06.2013 காலை 7.57 வரை.

**krishnaamma** · **krishnaamma** Tue Jun 04, 2013 9:29 pm

மகரம்: புதன், குரு, சுக்ரன் இணைந்து ஆறாம் இடத்தில் சஞ்சரிப்பதால் சிலவற்றில் மட்டுமே முன்னேறம் உண்டு. தொழிலில் நிதானம் தேவை. உத்தியோகத்தில் உள்ளவர்கள் அதிக பொறுப்புகளை ஏற்கும் நிலை உண்டாகும். பெண்கள் தங்கள் பணிகளில் கவனமுடன் இருப்பது நல்லது. கலைஞர்கள் பழைய பணிகளில் ஆதாயம் பெறும். பங்குச் சந்தையில் முன்னேற்றம் பெற தினசரி நிலவரங்களைக் கவனிக்க வேண்டும். கூட்டு வியாபாரத்தில் விழிப்புணர்வுடன் செயல்படவும்.
பரிகாரம்: முருகப் பெருமானுக்கு செவ்வாய்தோறும் அர்ச்சனை செய்து வழிபடவும்.
சந்திராஷ்டமம்: 14.06.13 காலை 7.58 - 16.6.2013 மாலை 4.04 வரை.

Sponsored content · Sponsored content

ஜூன் மாதம் எப்படி?

ஜூன் மாதம் எப்படி?

Re: ஜூன் மாதம் எப்படி?

Re: ஜூன் மாதம் எப்படி?

Re: ஜூன் மாதம் எப்படி?

Re: ஜூன் மாதம் எப்படி?

Re: ஜூன் மாதம் எப்படி?

Re: ஜூன் மாதம் எப்படி?

Re: ஜூன் மாதம் எப்படி?

Re: ஜூன் மாதம் எப்படி?

Re: ஜூன் மாதம் எப்படி?

Re: ஜூன் மாதம் எப்படி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக