""என்கவுன்டர்' செய்வதுவருத்தமில்லை!

""என்கவுன்டர்' செய்வதுவருத்தமில்லை!


என்கவுன்டர்' ஸ்பெஷ லிஸ்ட் வெள்ளத்துரை: சொந்த ஊர், தூத்துக்குடி மாவட்டம், வல்லநாடு. போலீஸ் மேலாண்மை மற்றும் வரலாற்றில், முதுகலைப் பட்டமும், எம்.எட்., - பிஎச்.டி.,யும் படித்திருக்கிறேன்.
ஸ்ரீ வைகுண்டத்தில், ஸ்ரீ குமரகுருபாதர் சுவாமிகள் கலைக் கல்லூரியில், விரிவுரையாளராக சேர்ந்தேன். ஈடுபாடு இல்லாததால், மூன்று ஆண்டிற்கு மேல், பணிபுரிய முடியவில்லை.
கடந்த, 1994ல், எஸ்.ஐ., செலக்ஷனுக்கு சென்றேன். 1997ல், புதுக்கோட்டையில் உள்ள, கீரனூருக்கு பணி ஆணை கிடைத்தது. 1999ல், பதவி உயர்வு கிடைத்து, திருச்சி, பாலக்கரைக்கு, எஸ்.ஐ., ஆகச் சென்றேன்.அங்கு, கோசிஜன் என்ற ரவுடி, திருச்சி லால்குடி மாஜிஸ்திரேட் முன்பே, கூண்டில் நின்றிருந்தவர்களின் கழுத்தை அறுத்து கொன்றான். அவனை, நாங்கள் மடக்க, எங்களையும் தாக்கினான். தற்காப்புக்காக, அவனை சுட நேரிட்டது. இது, என் முதல், "என்கவுன்டர்!'சென்னை, அயோத்தியா குப்பம், வீரமணியின் அடாவடியால், அவனையும், என்கவுன்டர் செய்ய நேரிட்டது. அப்போது, என் மனநிலையை, மருத்துவ பரிசோதனை செய்து, "நார்மல்' என, சான்று அளித்தனர்.மற்றவர்கள் பாராட்டினாலும், வீட்டில் எதிர்மறை தான். என் மனைவிக்கும், மகளுக்கும் பிடிக்காது. மகள், மெடிக்கல் காலேஜ், மூன்றாவது ஆண்டு படிக்கிறாள். "உயிரை காப்பாத்துறது, எவ்வளவு கஷ்டம்ன்னு தெரியுமா... சர்வ சாதாரணமா கொன்னுடுறீங்க' என்கிறாள். மனைவி ராணி ரஞ்சிதமோ, பயந்த குணம் கொண்டவள்.என்கவுன்டர் சரி தான். அதற்காக, நான் வருந்தியதில்லை. எஸ்.ஐ., ஆல்வின் சுதன், என்ன தவறு செஞ்சார்ன்னு, ரவுடிகள் கொன்னாங்க? 4,000 பேர் நிம்மதியை, நாலு பேர் கெடுக்குறாங்கன்னா, அந்த நாலு கிருமிகளை அழிப்பது தவறில்லை.

போலீசுன்னா, வால்டர் தேவாரம் சார் மாதிரி இருக்கணும்னு விரும்புவேன். என்கவுன்டர் ஆபரேஷன் முடிச்சதும், ஏதாவது அம்மன் கோவிலுக்கு போவேன். இப்போ, மதுரை மீனாட்சி அம்மன் கோவிலுக்கு போறேன்.

-தினமலர்

// 4,000 பேர் நிம்மதியை, நாலு பேர் கெடுக்குறாங்கன்னா, அந்த நாலு கிருமிகளை அழிப்பது தவறில்லை. //

சரிதானே..

அரசியல் பகை தீர்க்க இந்த அதிகாரிகளை பயன்படுத்தாம இருக்கும் வரை - சரிதான்.

தவறு செய்பவர்களுக்கு தான் தண்டனை எல்லாம் சரி பட்டு வரும்...போலிஸ்காரர் ஒருவரையே கொலை செய்கிறவர்கள் சாதரண மக்களுக்கு எவ்வளவு இடையூறாக இருப்பார்கள் என்கவுன்டர் என்பது சரியான ஒன்று தான் இது போன்றவர்களுக்கு...