சுற்றுலா பயணிகளை கவர கடலுக்குள் சொகுசு ஓட்டல்

DERAR BABU · DERAR BABU Fri 30 Nov 2012 - 22:29

சுற்றுலா பயணிகளை கவரும் விதமாக 'பிஜி' நாட்டிலுள்ள தனியார் தீவில் கடலுக்கு அடியில் சொகுசு ஓட்டல் ஒன்று உருவாக இருக்கிறது. இது கடலுக்குள் 40 அடி ஆழத்தில் சிறப்பு கண்ணாடி கூண்டுகளை கொண்டு அமைக்கப்படுகிறது.

மொத்தம் 25 அறைகள் இருக்கும். அங்கு சிற்றுண்டி விடுதியுடன், உடற்பயிற்சி கூடம், திருமணம் நடத்தும் சிறிய ஆலயம் உள்ளிட்ட வசதிகள் இருக்கும். இந்த சொகுசு ஓட்டலுக்குள் லிப்டு மூலம் செல்ல வேண்டும்.

இதன் மேல் பகுதியில் (தண்ணீருக்கு மேல்) 51 அறைகள் கொண்ட ஓட்டலும் அமைந்திருக்கும். இந்த கடலுக்குள் இருக்கும் சொகுசு ஓட்டலில் தங்க ஒரு வாரத்துக்கு ரூ.7 லட்சம் (15 ஆயிரம் டாலர்) கட்டணம் நிர்ணயிக்க இருக்கிறார்கள்.

இந்த ஓட்டலில் அனைத்து பாதுகாப்பு அம்சங்களும் இடம்பெற்றிருக்கும் என கூறும் இந்த நிர்வாகிகள் இத்திட்டம் அமலுக்கு வர பல வருடம் ஆகலாம் என்கிறார்கள். அதற்காக நிதி ஆதாரம் திரண்டு விட்டால் 2 ஆண்டுகளில் கட்டி முடித்து விடுவோம் என கூறுகிறார்கள்.......

மாலைமலர்