உலகளவில் வெளியுறவு கொள்கைகள் பற்றி சிந்திக்கும் முக்கிய நபர்கள் 100 பேரின் பெயர்களை, அமெரிக்காவின் 'பாரின் பாலிசி' இதழ் வெளியிட்டுள்ளது. இதில், பீகாரின் மோசமான நிலையை மாற்றிய, முதல்வர் நிதிஷ்குமாரின் பெயர் இடம்பெற்றுள்ளது. அமெரிக்காவில் 'பாரின் பாலிசி' என்ற இதழ், மாதம் இருமுறை வெளியாகிறது. இந்த இதழ், உலகளவில் வெளியுறவு கொள்கைகள் பற்றி சிந்தித்து கருத்துகள் வெளியிட்டு வரும் 100 பேரை தேர்ந்தெடுத்துள்ளது. அவர்களின் பெயர்கள், கருத்துகள் அடங்கிய இதழ் டிசம்பர் மாதம் வெளியாக உள்ளது. இந்த இதழில் பீகார் முதல்வர் நிதிஷ்குமாரின் பெயரும் இடம்பெற்றுள்ளது.

பீகாரில் சட்டம் ஒழுங்கு சீர்குலைந்து மோசமான நிலையில் இருந்த போது, கடந்த 2005ம் ஆண்டு தேர்தலில் வெற்றி பெற்று முதல்வரானார் நிதிஷ்குமார். ஊழல் மலிந்த நிர்வாகத்தை மாற்றி அதிரடி நடவடிக்கைகள் எடுத்தார். அத்துடன், கல்வி, சுகாதாரம் உள்பட பல துறைகள் மேம்பட திட்டங்கள் அறிவித்தார். அதன்மூலம் பீகார் வளர்ச்சி அடைந்து வருகிறது. நிதிஷ்குமாரின் செயல்பாடுகள் கொள்கைகள் உலகளவில் பலரையும் வியப்படைய வைத்துள்ளது. இந்நிலையில், பாரின் பாலிசி இதழ், நிதிஷ் பெயரை சேர்த்து கவுரவித்துள்ளது. இந்த இதழில் நிதிஷ் பெயர் 77வது இடத்தில் இடம்பெற்றுள்ளது.

முதல் இடத்தில் மியான்மர் எதிர்க்கட்சி தலைவர் ஆங்சாங் சூகி, அடுத்த நிலையில் மியான்மர் ராணுவ ஆட்சியாளர் தீன் செயின் ஆகியோர் பெயர்கள் இடம்பெற்றுள்ளன. மூன்றாவது இடத்தை அமெரிக்க முன்னாள் அதிபர் பில் கிளின்டனும் அவரது மனைவியும் அமெரிக்க அமைச்சருமான ஹிலாரி கிளின்டனும் பகிர்ந்து கொண்டுள்ளனர். தவிர சல்மான் ருஷ்டி, தலிபான்களை எதிர்த்து பெண் கல்விக்கு போராடி வரும் பாகிஸ்தான் சிறுமி மலாலா ஆகியோரின் பெயர்களும் இந்த பட்டியலில் இடம்பெற்றுள்ளது. மேலும், இந்தியாவின் பொருளாதார நிபுணர் ரகுராம் ராஜன் (80வது இடம்), எழுத்தாளர் பங்கஜ் மிஸ்ரா (86வது இடம்) ஆகியோர் பெயர்களும் சேர்க்கப்பட்டுள்ளன. அமெரிக்க அதிபர் ஒபாமா 7வது இடத்தில் இருக்கிறார். பாகிஸ்தான் சிறுமி 6வது இடத்தை பிடித்துள்ளார் என்பது குறிப்பிடத்தக்கது. தினகரன்

நமக்கும் இப்படி ஒரு முதல்வர் கிடைக்க வேண்டும் என்று விரும்புகிறேன்!

நடக்குமா?

இருப்பவனெல்லாம் குடிகாரனும், கொளைக்காரனுமாக உள்ளானே!

நம்ம தமிழ் நாட்டுல இப்படி ஒரு முதல்வர் வரும் நாள் பொன்னாள்....விரைவில் எதிர்பார்ப்போம்.

நடக்குமா?

அதை நடக்க வைப்பது மக்களாகிய நம் விரலில் தான் உள்ளது அண்ணா

நடக்கும் ..பொறுத்திருந்து பார்ப்போம்..