பெண்களின் உடல் எடை , ஆரோக்கியம் ,குழந்தை பேறு 

பெண்களின் உடல் எடை ,ஆரோக்கியம் குழந்தை பேறு பெற எவ்வளவு அவசியம் என்பது பெற்றோர் அறிய வேண்டிய ஒன்று .திருமணம் ஆனா பின் எல்லாம் சரியாகும் என்று நினைப்பது தவறு .உடல் எடை அளவுக்கு அதிகமாகவோ ,குறைவாகவோ இருப்பின் அவர்களுடைய ஹார்மோன் அளவுகள் மாறி கருப்பை ,கரு முட்டை உருவாவது , கரு ஆரோக்கியமாக வளர்வது என்று அனைத்தும் பாதிக்கப் படும் .இதை திருமணமான பின் உடனே சரி செய்வது கடினம் .வயதுக்கு வந்தவுடனே இவற்றை எல்லாம் சிகிச்சை மூலம் சரி செய்து சந்தோஷமான வாழ்வை பெறலாமே .
இது பெற்றோர் கடமை .
பெண்களின் உடல் மனம் பிரச்சனை காரணமாக குழந்தை உண்டாவது தாமதம் ஆகலாம்.

பெண் உடலுறவிற்கு பயந்து ஆணின் உறுப்பு உள்ளே செல்லாத வண்ணம் கால்களை இறுக்கி வைத்தும் அடி வயிற்றை எக்கிப் பிடித்தும் பயத்தால் உறவில் இடு பட மறுக்கலாம்.
உடலுறவு பற்றிய விவரம் தெரியாததால் சரியான உறவை தெரிந்து பழகி செய்ய ஆரம்பிக்கும் பொழுதே 2 -3 வருடங்கள் ஓடி இருப்பதை பல தம்பதிகளில் நாங்கள் பார்த்திருக்கிறோம் .
பல பெண்கள் ஆண் உறுப்பை பார்த்து பயந்து தன் உறுப்பில் உள்ளே செலுத்தும் பொது தனக்கு ஏதோ நேர்ந்து விடுமோ ? என்றும் தன் உறுப்பின் தோல் கிழிந்து ரத்தம் வருமோ என்று பல கதைகளை தன் தோழிகள் சொல்லக்கேட்டு உறவில் ஈடு படுவதை தவிர்க்கின்றனர் .
சில பெண்களுக்கு கன்னித்திரை என்னும் hymen லேசாக இல்லாமல் தடித்து தசை நார் போல் இருக்கும் . இவர்கள் தான் என்ன முயன்றாலும் ஆண் உறுப்பு உள்ளே செல்லும் போது மரண வேதனையை அனுபவிப்பர் . 

இந்த பெண்களுக்கு தக்க சோதனைக்குப் பின் அறுவை சிகிச்சை செய்து குணம் பெறலாம் .பெண் தனக்கு என்ன பிரச்னை இருந்தாலும் அதை பெண் மருத்துவரிடம் காண்பித்து ஆலோசனை பெறலாம் .
எல்லா குறைபாடுகளும் தீர்க்க சிகிச்சை முறைகள் உள்ளன.


பெண் சார்ந்த விஷயங்கள் -

பெண் எடை அளவுக்கு அதிகமாகவோ குறைவாகவோ இருப்பின் கருமுட்டை உருவாக்கும் ஆரோக்கியம் குறைந்து இருக்கும்.மாத விலக்கு முறையாக மாதம் ஒருமுறை வர வேண்டும் . பெண் உறுப்பில் வெள்ளை படுவது அளவுக்கு அதிகமாகவோ குறைவாகவோ ,அரிப்பு,துர்நாற்றம் ,மஞ்சள் நிறமாக ,உள்ளாடை கறை படிய ,அரித்து ஓட்டை ஆகும் படி , படை ,சிரங்கு போல் தோல் மாறி  இருந்தால் உடனே பெண் மருத்துவரை அணுகவும் .

கரு முட்டை உண்டாவதில் ,கருப்பை உள்ளே இருக்கும் மெத்தை போன்ற படலம் அதிகமாக அல்லது லேசாக வளர்வது ,கருமுட்டை சரியாக வெளிப்படாமல் கட்டி போல் இருப்பது ,கருக்குழாய் அடைப்பு ,ஹார்மோன் மாற்றம் ,அதிக உதிரப்போக்கு போன்ற பல பிரச்சனைகள் பெண் கரு உண்டாவதை தடுக்கும். 

பெண் ஒல்லியாக இருப்பது அழகா ? ஆபத்தா ?

பயனுள்ள தகவல்

நல்ல பதிவு டாக்டர் நன்றி