வெட்டியான்

**தமிழ்நேசன்1981** · 21/11/2010

எரிப்பதா
புதைப்பதா
வெட்டியானின்
குல வழக்கம்?

எரிப்பதும் வழக்கமில்லை
புதைப்பதும் வழக்கமில்லை
எந்த குலத்திற்கும்;
செத்தவன்
எந்த உறவாய் இருந்தாலும்
வெட்டியானை தவிர..!

எரியூட்ட விறகையும்,
புதைக்க மண்ணையும்
மட்டுமே
வெட்டிப்போட்டுப்
பழகியதால்
வெட்டியானாகிப்போனவன்!

லாபம் ஏதும்
இல்லாத வேலை
என்பதால்தான்
இவன் செய்யும் வேலை
வெட்டிவேலை
என்றானதோ!

துண்டிலே விழும்
சில்லரைகளில்
தொடங்குவதால்
அவன் வரவு செலவு திட்டம்
முழுவதும்
துண்டுகளாலேயே
நிரப்பப்படுகிறது!

அவன் மீது
இரக்கம் வந்துவிடக்கூடாது
என்பதற்காகவும்தான்
கண்கள் மூடப்படுகிறதோ
பிணங்களுக்கு!

‘திரும்பிப்பார்க்காமல்
செல்லுங்கள்’
அரைஞாண்கயிறின்
வெள்ளி வரை
அறுத்துப்பெற்ற பிறகு
திரும்பிப்பார்க்க
என்ன இருக்கிறது?

சாதிக்கொரு
சுடுகாடு வைத்தவன்
ஏன்
எல்லா சுடுகாட்டுக்கும்
ஒரே சாதியில்
வெட்டியானை மட்டும்
வைத்தான்?

இந்த தீண்டத்தகாதவனின்
தீண்டலில்தான்
மோட்சம் பெறுகின்றன
பிணங்கள்!

சந்து பொந்தெல்லாம்
மின்விளக்குகள் கட்டி
மனைவியை
துணைக்கழைத்துக்கொண்டு
சிறுநீர் கழிக்க சென்றவனிடம்
இரவெல்லாம்
பிணத்தோடு பிணமாக
பயமின்றி படுத்துறங்கியவன்
எப்படி அடிமையானான்?

‘கருப்பன் வந்திருக்கின்றான்’
என இருந்த இடத்திலிருந்தே
கத்தி தெரிவிக்கின்றன
செத்துப்போனவனின்
பேரக்குழந்தைகள்!
‘இந்த வருசம்
எதுவும் கிடையாது
எனத் தெரிந்தும்
வந்து நிற்கிறான் பாரு’
முறுக்கிக்கொள்கிறாள்
கிழவி!

தீபாவளிக்கும்
பொங்கலுக்கும்
தப்பை தட்டி
பிச்சையெடுத்துக்
கொண்டிருக்கிறான்
வெட்டியான்
தான் செய்த
வேலைகளுக்கான
கூலியை!

வெட்டியானின் உயிரை
எடுத்துத் தொலைக்கிற
எந்த ஒரு பிணமும்
அவன் உடலுக்கு கூட
அவன் வேலைப் பார்த்த
சுடுகாட்டில்
சாதிப் பார்க்காமல்,
எடுத்துத் தருவதேயில்லை
தன் அருகாமையை..!
-யோவ்

**தமிழ்நேசன்1981** · 21/11/2010

இந்த தீண்டத்தகாதவனின்
தீண்டலில்தான்
மோட்சம் பெறுகின்றன
பிணங்கள் !
-தமிழ்நேசன்

முஹைதீன் · முஹைதீன் Sun Aug 05, 2012 12:12 am

அருமையான வரிகள் தமிழ்நேசன் அருமையிருக்கு

இந்த தீண்டத்தகாதவனின்
தீண்டலில்தான்
மோட்சம் பெறுகின்றன
பிணங்கள்!

காளைவேந்தன் · காளைவேந்தன் Sat Sep 29, 2012 1:27 pm

தமிழ்நேசன்1981 wrote:

சந்து பொந்தெல்லாம்
மின்விளக்குகள் கட்டி
மனைவியை
துணைக்கழைத்துக்கொண்டு
சிறுநீர் கழிக்க சென்றவனிடம்
இரவெல்லாம்
பிணத்தோடு பிணமாக
பயமின்றி படுத்துறங்கியவன்
எப்படி அடிமையானான்?

கோபுரங்கள் வானுயர
குழியில் இட்ட கருங்கற்கள்தானோ
இவர்கள்....!!??
வலி நிறைந்த வரிகள்.. பகிர்விற்கு நன்றிகள் நண்பரே...

**கரூர் கவியன்பன்** · 23/09/2012

வீடு வரை உறவு
வீதி வரை மனைவி
காடு வரை பிள்ளை
"கடைசி வரை வெட்டியான்.."
என்று சமூகம் மறந்துதான் போனதோ

இன்று தான் மின்சார சுடுகாடு வந்த்ருச்சே

பூவன் · பூவன் Sat Sep 29, 2012 2:07 pm

KARUR KAVIYANBAN wrote:வீடு வரை உறவு
வீதி வரை மனைவி
காடு வரை பிள்ளை
"கடைசி வரை வெட்டியான்.."
என்று சமூகம் மறந்துதான் போனதோ

இன்று தான் மின்சார சுடுகாடு வந்த்ருச்சே

ஆன மின்சாரம் இல்லையே ,,,,,,

யினியவன் · யினியவன் Sat Sep 29, 2012 2:09 pm

பியூஸ் போன உடலுக்கு மின்சாரம்
இருந்தால் என்ன இல்லேன்னா என்ன?

balakarthik · balakarthik Sat Sep 29, 2012 2:11 pm

pooven wrote:ஆன மின்சாரம் இல்லையே ,,,,,,

மக்கள் புழுங்கி வெந்து சாவுரதுனால தனியா எதுக்கு இதுக்கு மிசாரமுனு வேட்டிவசிருப்ப்பன்களோ மின்சாரத்துறை வெட்டியான்கள்

யினியவன் · யினியவன் Sat Sep 29, 2012 2:12 pm

balakarthik wrote:மக்கள் புழுங்கி வெந்து சாவுரதுனால தனியா எதுக்கு இதுக்கு மிசாரமுனு வேட்டிவசிருப்ப்பன்களோ மின்சாரத்துறை வெட்டியான்கள்

கட்டேல போன உசிரு வந்து பில்லு கட்டவா போவுது?

பூவன் · பூவன் Sat Sep 29, 2012 2:12 pm

யினியவன் wrote:பியூஸ் போன உடலுக்கு மின்சாரம்
இருந்தால் என்ன இல்லேன்னா என்ன?

பியூஸ் போன உடலை
மியுசியம் வைக்க முடியாது
மின்சாரத்தில் தான் வைக்க முடியும் ....

Sponsored content · Sponsored content

வெட்டியான்

வெட்டியான்

Re: வெட்டியான்

Re: வெட்டியான்

Re: வெட்டியான்

Re: வெட்டியான்

www.karurkaviyanban.blogspot.in

Re: வெட்டியான்

Re: வெட்டியான்

Re: வெட்டியான்

Re: வெட்டியான்

Re: வெட்டியான்

Re: வெட்டியான்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக