முடிக்கப்படாத வங்கிக்கணக்கு பட்டியலில் முதல் ஜனாதிபதி

thavamani · thavamani Fri Jul 06, 2012 4:59 pm

பாட்னா: நாட்டின் முதல் ஜனாதிபதியான டாக்டர் ராஜேந்திர பிரசாத், துவங்கிய வங்கி கணக்கு, அவர் இறந்து, 50 ஆண்டுகள் ஆன பின்னும், தொடர்ந்து செயல்பாட்டில் இருப்பதாகவும், அவரது கணக்கில், 1,813 ரூபாய் இருப்பதாகவும் ஆச்சர்ய தகவல் வெளியாகியுள்ளது.

நாட்டின் முதல் ஜனாதிபதியாக இருந்த பெருமை உடையவர், டாக்டர் ராஜேந்திர பிரசாத். பீகார் மாநிலத்தை சேர்ந்தவர். இவர், 1952லிருந்து, 1962 வரை, தொடர்ந்து 2 முறை, ஜனாதிபதியாக பதவி வகித்தார். கடந்த 1963ல் காலமானார். இறப்பதற்கு சில மாதங்களுக்கு முன், பாட்னாவில், கண்காட்சி சாலையில் உள்ள, பஞ்சாப் நேஷனல் வங்கி கிளையில், பிரசாத், சேமிப்பு கணக்கை துவக்கினார். இதில், 500 ரூபாய் டிபாசிட் செய்தார். சில மாதங்களுக்கு பின், அவர் இறந்து விட்டார். ஆனாலும், அவரது நினைவாக, அவர் துவங்கிய இந்த வங்கி கணக்கை, தொடர்ந்து செயல்பாட்டில் வைத்திருப்பதாக, வங்கியின் மேலாளர் எஸ்.எல்.குப்தா கூறியுள்ளார். அவர் மேலும் கூறுகையில், "பொதுவாக ஒருவர் இறந்து விட்டால், அவரது வங்கி கணக்கில் உள்ள தொகை, அவரது வாரிசுகளுக்கு வழங்கப்படும். ஆனால், ராஜேந்திர பிரசாத்தின் வங்கி கணக்கிற்கு, யாரும் உரிமை கோரவில்லை. எனவே, அவரது நினைவாக, அவரின் வங்கி கணக்கை தொடர்ந்து செயல்பாட்டில் வைத்திருக்கிறோம். இதற்கான வட்டியும், அவரது கணக்கில் சேமிக்கப்பட்டு வருகிறது. தற்போது அவரது கணக்கில், 1,818 ரூபாய் உள்ளது, என்றார்

யினியவன் · யினியவன் Fri Jul 06, 2012 5:15 pm

இன்று அரசியலில் உள்ள போலிகள் இதைப் பார்த்து வெட்கி தலை குனிய வேண்டும்.

இந்தக் கேடிகளும் அவர்களின் சுவிஸ் கணக்குகளும் அதிலுள்ள அபரிமிதமான கோடிகளும் செயல்பாட்டில் இருக்கும் கணக்குகள் தான் என்பது நமக்கு வேதனையே அன்றி இவர்களுக்க அல்லவே அல்ல.

முடிக்கப்படாத வங்கிக்கணக்கு பட்டியலில் முதல் ஜனாதிபதி

முடிக்கப்படாத வங்கிக்கணக்கு பட்டியலில் முதல் ஜனாதிபதி

Re: முடிக்கப்படாத வங்கிக்கணக்கு பட்டியலில் முதல் ஜனாதிபதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக