முருகா முருகா !!!

**பிஜிராமன்** · **பிஜிராமன்** Tue Jan 03, 2012 10:14 am

முருகா முருகா ஓம் முருகா - உன்
அருளினைப் பெற வரோம் முருகா

அமிர்தம் தடவிய அற்புதக் கனிநீ
அறுவடை செய்த அன்றைய நெல்நீ
அழகிய சொற்கள் அருளும் குருநீ
அழிவினில் காக்கும் அன்புடை இறைநீ

ஆர்வங் கொண்டவன் ஆட்சி புரிபவன்
ஆபரணம் பூண்டான் ஆகாயம் போன்றான்
ஆட்டம் இடுபவன் ஆட்டி வைப்பவன்
ஆறுதல் கூறியே ஆசுவாசம் செய்பவன்

இனிய குணத்தான் ஈர்க்கும் முகத்தான்
இன்பன் கொடுப்பான் இல்லறம் காப்பான்
இழிநிலை அழிப்பான் ஈந்திடும் கரத்தான்
இதமாய் சிரிப்பான் இந்நிலை அருள்வான்

ஈச்சம்பழத் தோனேயுனை ஈன்றவன் ஈச்சுவரன்
ஈங்கமணத் தோனேயுனை ஈன்றவள் ஈச்சுவரி
ஈதலுன் தொழிலாம் ஈகையுன் குணமாம்
ஈரேழு லோகமும்உன் ஈர்ப்பால் இயங்குதே

உன்நாமம் உச்சரிக்க உள்ளங் குளிரிந்திடும்
உந்திச் சென்றிட உன்சக்தி உதவிடும்
உச்சந் தலையேறி உட்காருங் கனத்தையும்
உருவி எறிந்திடும் உன்னதக் கடவுள்நீ

ஊஞ்சல் ஆடிடும் உள்ளத்தை ஒழிப்பாய்
ஊரார் நலம்பெற உற்றதைச் செய்வாய்
ஊக்கம் தந்துநீ உற்சாகம் காண்பாய்
ஊரார் மனம்நீங்கா உறைவிடம் கொண்டாய்

முருகா முருகா இரண்டுக்கு செல்ல
குறிப்பு:

ஈச்சம் பழம் : பேரீச்சம் பழம்
ஈங்கம்: சந்தன மரம்

suskumarsus · suskumarsus Tue Jan 03, 2012 10:19 am

நல்ல பாடல் ,அருமை, முருகா முருகா

**பிஜிராமன்** · **பிஜிராமன்** Tue Jan 03, 2012 10:21 am

suskumarsus wrote:நல்ல பாடல் ,அருமை, முருகா முருகா

மிக்க நன்றிகள் குமார் அவர்களே....... புன்னகை

சதாசிவம் · சதாசிவம் Tue Jan 03, 2012 10:24 am

கவிதை அருமை ராமன்
அழகான ஓசை நயமும், மோனையும் கவிக்கு அழகு சேர்த்தன.

தொடருங்கள்.
சூப்பருங்க

இந்த பதிவைத் துவங்கியவர் நன்றி கூறியுள்ளார் சதாசிவம்

**ஹிஷாலீ** · **ஹிஷாலீ** Tue Jan 03, 2012 10:25 am

அழகிய முருகன் பாட்டு வாழ்த்துக்கள் பிஜி.

**பிஜிராமன்** · **பிஜிராமன்** Tue Jan 03, 2012 10:38 am

சதாசிவம் wrote:கவிதை அருமை ராமன்
அழகான ஓசை நயமும், மோனையும் கவிக்கு அழகு சேர்த்தன.

தொடருங்கள்.

மிக்க நன்றிகள் ஐயா........... புன்னகை

இன்னும் எ முதல் ஔ வரை உள்ளன.......சற்று நேரம் சென்று பதிவெண் ஐயா.....

**பிஜிராமன்** · **பிஜிராமன்** Tue Jan 03, 2012 10:39 am

ஹிஷாலீ wrote:அழகிய முருகன் பாட்டு வாழ்த்துக்கள் பிஜி.

மிக்க நன்றிகள் ஹிஷாலி..... புன்னகை

**உமா** · **உமா** Tue Jan 03, 2012 3:14 pm

இதை படித்து இங்கே பின்னூட்டம் போடுவதை விட, பிரதி எடுத்து முருகனை பிராதிக்கும் போதெல்லாம் இதனை துதிக்கலாம் போல. அன்பு மலர்

kitcha · kitcha Tue Jan 03, 2012 3:16 pm

இந்த பாடலின் தொடக்கம் தான் அந்த இரண்டாவதா.
மிக அருமையாக உள்ளது ராமன்(சாமி) மகிழ்ச்சி

**பிஜிராமன்** · **பிஜிராமன்** Tue Jan 03, 2012 3:23 pm

உமா wrote:இதை படித்து இங்கே பின்னூட்டம் போடுவதை விட, பிரதி எடுத்து முருகனை பிராதிக்கும் போதெல்லாம் இதனை துதிக்கலாம் போல.

மிக்க நன்றிகள் அக்கா............இதை என் மன நிறைவிற்காக எழுதினேன் அக்கா.......மத்தபடி முருகனை நினைத்தாலே போதும்.........அருள் கிட்டும்....

முருகனை துதித்திட துதித்திட துன்பம் களையும்
முருகனை நினைத்திட நினைத்திட நிம்மதி கிடைக்கும்

Sponsored content · Sponsored content

முருகா முருகா !!!

முருகா முருகா !!!

Re: முருகா முருகா !!!

Re: முருகா முருகா !!!

Re: முருகா முருகா !!!

Re: முருகா முருகா !!!

Re: முருகா முருகா !!!

Re: முருகா முருகா !!!

Re: முருகா முருகா !!!

Re: முருகா முருகா !!!

Re: முருகா முருகா !!!

Re: முருகா முருகா !!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக