நகைச்சுவைக் கதைகள்

இரவல்

பிரபல நகைச்சுவை எழுத்தாளர் மார்க் ட்வைன்ஒருவரிடம் புத்தகம் ஒன்றை இரவல்
கேட்டார்.

அதற்கு அந்த நண்பர்,''என் அறையில் படிப்பதாக இருந்தால்
தருகிறேன்,''என்றார்.மார்க் ட்வைன் பேசாமல் திரும்பி விட்டார்.

சில நாட்கள்
கழித்து அதே நண்பர் மார்க் ட்வைனிடம்,''உங்கள் தோட்டத்துக் கடப்பாறையை ஒரு நாள்
இரவல் கொடுங்கள்,''என்று கேட்டார்.

மார்க் ட்வைன் அமைதியாகச் சொன்னார்,''என்
தோட்டத்தில் தோண்டுவதாக இருந்தால்
கொடுக்கிறேன்.''

-----------------------

யாரிடம் கேட்பது?

நீண்ட தூரம் புகை வண்டியில் பயணம் செய்து வந்து இறங்கிய கணவனை வரவேற்க
வந்திருந்தாள் அவன் மனைவி.

அவனைப் பார்த்ததும் அவள்,''என்ன, இவ்வளவு சோர்வாக
இருக்கிறீர்கள்?''என்று கேட்டாள்.

கணவன்,''அதை ஏன் கேட்கிறாய்?நீண்ட தூர
பயணம்.மேலும் எனக்குக் கிடைத்த இருக்கை புகை வண்டி செல்லும் திசைக்கு எதிரில் வேறு
அமைந்திருந்ததால்,ஒரே தலைவலி.''என்றான்.

அவள் உடனேயே,''அப்படியானால் நீங்கள்
யாரிடமாவது கேட்டு இடத்தை மாற்றிக் கொண்டிருக்கலாமே?''என்று
கேட்டாள்.

அவனும்,''நானும் அப்படித்தான் நினைத்தேன்.ஆனால் என் முன்
இருக்கைகளில் யாருமே இல்லையே!நான் யாரிடம்
கேட்பது?''என்றான்.

---------------

உடல் நலமில்லை என்று ஒருவர் ஒரு டாக்டரிடம் சொன்னார்.அவரை நன்கு
பரிசோதித்தபின் டாக்டர் மூன்று நிறங்களில் மாத்திரைகளைக் கொடுத்து சொன்னார்,''காலை
உணவுக்குப்பின் சிவப்பு மாத்திரையை சாப்பிட்டுவிட்டு இரண்டு கிளாஸ் தண்ணீர் குடிக்க
வேண்டும்.மதிய உணவுக்குப்பின் மஞ்சள் நிற மாத்திரையை சாப்பிட்டு விட்டு இரண்டு
கிளாஸ் தண்ணீர் குடிக்க வேண்டும்.இரவு படுக்குமுன் பச்சை நிற மாத்திரையை சாப்பிட்டு
விட்டு இரண்டு கிளாஸ் தண்ணீர் குடிக்க வேண்டும்.''

''எனக்கு என்ன
வியாதி,டாக்டர்?''என்று நோயாளி கேட்டார்.

டாக்டர் சொன்னார்,''நீ தேவையான
அளவுக்கு தண்ணீர் குடிப்பதில்லை.''



மெயிலில் வந்தவை

நல்ல கதைகள் முகைதீன்.

நல்ல பகிர்வு. நன்றிகள் நண்பரே.