கொலையுண்டதாக கருதி விவசாயிக்கு இறுதி சடங்கு; உயிரோடு திரும்பி வந்ததால் மனைவி, உறவினர்கள் அதிர்ச்சி

நகரி, நவ. 7-

அனந்தபுரம் மாவட்டம் பூலக்குண்டா பகுதியில் கடந்த மாதம் ஒருவர் கொலை செய்யப்பட்டு பிணமாக கிடந்தார். அவரது முகம் சிதைக்கப்பட்டு இருந்தது. உடல் எரிக்கப்பட்டு இருந்தது. கொலையுண்டவர் அதே ஊரைச் சேர்ந்த விவசாயி திக்தேவ் சாமி என கருதப்பட்டது. அவரது உடைகளை வைத்து இறந்தவர் தனது கணவர் தான் என்று திக்தேவ்சாமி மனைவியும், சகோதரரும் உறுதி செய்தனர்.

இதையடுத்து உடல் அவர்களிடம் ஒப்படைக்கப்பட்டது. இறுதி சடங்குகள் முடிந்து பிணம் புதைக்கப்பட்டது. இந்த நிலையில் திக்தேவ் சாமி நேற்று உயிருடன் வீட்டுக்கு வந்தார். அவரை பார்த்ததும் மனைவியும், உறவினர்களும் அலறி ஓடினர். திக்தேவ்சாமி தான் பேயாக வந்து உள்ளார் என்று கருதி பயந்தனர்.

ஆனால் உண்மையில் திக்தேவ்சாமி கொலை செய்யப்படவில்லை. கடன் தொல்லை காரணமாக யாரிடமும் சொல்லாமல் வேலை தேடி பெங்களூர் ஓடிவிட்டார். அங்கு பணம் சம்பாதித்து விட்டு ஊருக்கு திரும்ப வேண்டும் என்று நினைத்து இருந்தார். இந்த நிலையில் வேலை தேடி பெங்களூர் சென்ற அதே கிராமத்தை சேர்ந்த சிலர் திக்தேவ் சாமியை பார்த்தனர்.

நீ கொலை செய்யப்பட்டதாக நினைத்து யாரோ ஒருவர் பிணத்துக்கு உன் மனைவி, இறுதி சடங்கு நடத்தி சோகத்தில் உள்ளார் என்று கூறினார். இதனால் பதறிப்போன திக்தேவ் சாமி ஊருக்கு திரும்பியுள்ளார். இந்த தகவலை கேட்ட பிறகுதான் திக்தேவ்சாமியின் மனைவி நிம்மதி அடைந்தார். ஆனால் போலீசாரின் நிம்மதிதான் பறிபோய் விட்டது. திக்தேவ்சாமி உயிருடன் வந்ததால் ஏற்கனவே கொலை செய்யப்பட்டவர் யார்? என்று தெரியாமல் குழம்பி போய் உள்ளனர்.

அவரது மனைவி மிகவும் பாக்கிய சாலி....

உயிருடன் வந்தவரின் குடும்பத்தார் மகிழ்ச்சியுடன் இருக்கிறார்கள் ...இறந்தவரின் குடும்பம் அவர் எங்கிருக்கிறார் என்றே தெரியாமல் இருக்கிறார்கள் என்ன கொடுமை இது