காயமடைந்த பேட்ஸ்மெனுக்கு ரன்னர் கிடையாதா?- கவாஸ்கர் தாக்கு

ராமகிருஷ்ணன் · 18/06/2011

ஒருநாள் கிரிக்கெட் போட்டிகளின் போது பேட்ஸ்மென் காயமடைந்தால் அவருக்குப் பதிலாக ஓடுவதற்கு ரன்னர் கிடையாது என்று ஐ.சி.சி. புதிய விதி வகுத்துள்ளதை சுனில் கவாஸ்கர் வன்மையாகக் கண்டித்துள்ளார்.

"பேட்ஸ்மென்களுக்கு ரன்னர் கிடையாது என்றால் பந்து வீச்சாளர்களுக்கு பவுண்டரி அருகில் தண்ணீரோ, குளிர்பானமோ வைப்பதையும் தடை செய்ய வேண்டும். விதி என்றால் இருசாராருக்கும் ஒருமித்ததாக இருக்கவேண்டும். பந்து வீச்சாளர்களுக்கு மட்டும் ஏன் சக்தி பானம் வைக்கப்படுவது அனுமத்க்கப்படுகிறது" என்றி செய்தி சானல் ஒன்றில் கவாஸ்கர் கிண்டல் செய்துள்ளார்.

மேலும் குளிர்பான இடைவேளை, காயமடைந்த ஃபீல்டிங் வீரர்களுக்கு பதிலி வீரர்கள் ஆகியவற்றையும் தடை செய்ய வேண்டியதுதானே என்கிறார் சுனில்.

ஐ.சி.சி.யின் இந்த முட்டாள் தனமான முடிவால் பேட்டிங் அணியே பாதிக்கப்படும் என்று சாடியுள்ளார் சுனில் கவாஸ்கர்.