விஜயகாந்த்: என்னை பாதுகாக்க எனக்கு தெரியும்?

தாமு · தாமு Fri 27 May 2011 - 8:58

அடிதடியில் மன்னரான, அதிரடி ஹீரோ அல்லவா விஜயகாந்த்!

சென்னை, இந்தியா: அதிரடிக் கருத்துக்களை மேடைகளில் கூறிவரும் விஜயகாந்த், நடைமுறையிலும் அதிரடிகளைச் செய்வார் என்று அவரது கட்சிக்காரர்கள் கூறத் தொடங்கியுள்ளனர். இதன் ஒருபகுதியாக தனக்கு வழங்கப்படும் பொலீஸ் பாதுகாப்பையும் தேவையில்லை என உதறிவிடுவார் என்றும் கருத்துத் தெரிவித்து வருகின்றனர்.

தமிழக சட்டசபையில் எதிர்க்கட்சித் தலைவராகியுள்ளார் விஜயகாந்த். மாநில அரசு எதிர்க்கட்சித் தலைவருக்கு, காவல்துறைப் பாதுகாப்பு, சைரன் பொருத்தப்பட்ட வாகனம் ஆகியவை அரசால் வழங்கப்படுவது மரபு. அவர் சட்டசபைக்கு வந்து பதவியேற்கும்வரை அவை வழங்கப்படாது.

இதனால், முதல்நாள் விஜயகாந்த் சட்டசபைக்கு வந்தபோது காவல்துறைப் பாதுகாப்பு இல்லாமலேயே வந்திருந்தார்.

தே.மு.தி.க. ஆதரவாளர்கள், முதல்நாள் விஜயகாந்த் காவல்துறைப் பாதுகாப்பின்றி வந்ததை வைத்துத்தான், அவர் காவல்துறைப் பாதுகாப்பை உதறிவிடுவார் என்று கூறுகிறார்களா? அல்லது, நிஜமாகவே அப்படியொரு முடிவு விஜயகாந்தால் எடுக்கப்பட்டிருக்கிறதா?

இது நிஜமோ, அது நிஜமோ தெரியாது. ஆனால் அவரது கட்சிக்காரர்கள், இப்படியொரு கதையைக் கூறித் திரிவது நிஜம்!

விறுவிறுப்பு