சட்டம் உன் கையில் !

சட்டம் உன் கையில் !

வாழ்க்கை, ஒரு நதி போல சலசலப்பு இல்லாமல் அமைதியாக, இனிமையாக பயணிக்க வேண்டும் என்பதுதான் அனைவரின் விருப்பம், வேண்டுதல். ஆனால், எதிர்பாராத வகையில் சுனாமியாக பிரச்னைகள் சுழன்றடிக்காமலும் இருப்பதில்லைதானே!

ரத்த உறவுகளிடமிருந்து, பாச - நேசமாக இருந்திட்ட நட்புறவுகளிடமிருந்து, உயிர் என நினைத்திருந்த கணவனிடமிருந்து, முகம் தெரியாத மூன்றாம் நபர்களிடம் இருந்து என... ஏதேதோ யூகிக்க முடியாத திசைகளில் இருந்தெல்லாம்கூட பிரச்னைகள் சுழன்று வரலாம். ஆனால், அவற்றில் சிக்கி காணாமல் போகாமல், நம்பிக்கையுடனும் சட்டத்தின் துணையுடனும் எதிர்கொண்டு நியாயத் தீர்ப்பு பெற்ற நம்பிக்கை நாயகிகள்... நாம் பயணிக்கும் வழி நெடுகிலும் உண்டு.

மற்றவர்களின் மனதில் நம்பிக்கை விதையை விதைத்த அத்தகைய ஆல விதைகளின் நிஜப் போராட்டங்களை... மற்றவர்கள் உத்வேகம் பெறவும், பாதிக்கப்பட்டவர்களுக்கு வழிகாட்டவும் நம் தோள் தொட்டுச் சொல்ல வருகிறார்... சென்னை உயர் நீதிமன்றத்தில் 30 ஆண்டுகளுக்கும் மேலாக வழக்கறிஞ ராக பணிபுரிந்து வரும் சுதா ராமலிங்கம்!

இவர்... தமிழகத்தையே உலுக்கிப் போட்ட பல வழக்குகளில் வாதாடி, போராடி நீதி வாங்கித் தந்தவர். அனைவருக்கும் பெரும் அதிர்ச்சி தந்த பிரேமானந்தா சாமியாரின் மீது வழக்குப் பதிவு செய்து பாலியல் துன்புறுத்தலுக்கு ஆளான பெண்களுக்கு நிவாரணமும், உச்சகட்டமாக, அவருக்கு இரட்டை ஆயுள் தண்டனையும் வாங்கிக் கொடுத்தவர். பெண்களை ஆபாச படம் எடுத்து பேரதிர்ச்சி கொடுத்த டாக்டர் பிரகாஷ§க்கு தண்டனை பெற்றுத் தந்தவர். இப்படி சுதா ராமலிங்கம் பதித்த அழியாத சட்டத் தடம் நிறைய... நிறைய!

பெரியார், அண்ணா, கருணாநிதி என மூன்று பெரும் தலைவர்களின் முன்னிலையில் திருமணம் செய்த முன்னாள் எம்.பி. ஒருவர், தன்னை நம்பி வந்த மனைவிக்கு செய்த கொடுமைகள் பலப்பல. அரசியல் பலம் வாய்ந்தவர் என்பதற்காக அவரின் கொடுமைகளைக் கண்டு பயந்து நடுங்காமல், துணிந்து சட்டத்தை நம்பிப் போராடி ஜெயித்தார் அந்தப் பெண். கல்லை¬யும் கரைக்கும் அவருடைய கதையில் இருந்து சட்டப் போராட்டத்தை துவக்குவோம்.

- ஆர்டர்... ஆர்டர்...

நன்றி விகடன்