வயிற்றில் இருக்கும் குழந்தைக்கும் நினைவாற்றல்

**சிவா** · **சிவா** Sun Mar 13, 2011 11:49 am

தாயின் வயிற்றில் இருந்த போதே வீரக்கதைகளை கேட்டு வீரனாக திகழ்ந்தவர்களின் வரலாறு இந்திய புராண கதைகளில் உள்ளன. அவ்வாறு தாயின் வயிற்றில் இருக்கும் போதே குழந்தைகளால் அனைத்தையும் உணர முடியும் என தற்போதைய விஞ்ஞான காலத்தில் நிரூபிக்கப்பட்டுள்ளது. பாரீசில் உள்ள டெஸ்கார்ட்ஸ் பல்கலைக்கழக விஞ்ஞானிகள் நடத்திய ஆராய்ச்சியில் எட்டு மாத கர்ப்பிணிகள் 50 பேருக்கு `ஹெட்போன்' மூலமாக பாடல்கள் இசைக்கப்பட்டன. ஒவ்வொரு கர்ப்பிணிக்கும் வெவ்வேறு பாடல்கள் ஒதுக்கப்பட்டன.

இதைத் தொடர்ந்து, 50 பேருக்கும் குழந்தைகள் பிறந்த ஒரு மாதத்தில் அந்த குழந்தைகளுக்கு பாடல்கள் இசைத்து காட்டப்பட்டன. அப்போது, ஒவ்வொரு குழந்தையும் தனது தாயின் வயிற்றில் இருந்த போது கேட்ட பாடலை இசைத்த போது சற்று சுறுசுறுப்பாகின. அதன் இதயத் துடிப்பும் நிமிடத்துக்கு 12 முறை அதிகரித்தது. அதே நேரத்தில், வேறு தாய்க்கு இசைக்கப்பட்ட பாடலை இசைத்த போது அமைதியாக இருந்தன.