உன் வார்த்தைகளில்

**கா.ந.கல்யாணசுந்தரம்** · 28/02/2009

என்
மனசு முழுக்க
நிறைந்திருக்கும்
உன்னைத்தான்
பூங்காவில்
உன் தோழிகள்
தேடிக்கொண்டிருக்கிறார்கள்

***

நாளுக்கு நாள்
உன்னுடைய
சகதோழிகளுக்கெல்லாம்
வயது கூடிக்கொண்டேபோகிறது
ஆனால்
உனக்கு மட்டும் தான் .......
அழகு கூடிக்கொண்டே போகிறது

***

நேற்று
விடாது
பெய்தது.......
மழை
உன்
வாயாடி பேச்சை
நினைவுபடுத்தியபடியே

***

இவ்வுலகின்
அதிஅற்புதமான
கவிதை...
என்
தோளில் சாய்ந்து
சிரித்து கொண்டிருக்கிறது

***

பிறந்த குழந்தையின்
பிஞ்சு விரல்களின்
மென்மையை
தீண்டாமலேயே அறிந்திருக்கிறேன்....
உன் வார்த்தைகளில்

***

உன்
அழுகையைக்கூட
அதிசயித்தே
பார்க்கும்
என் காதல்

.........மாமதயானை.

செய்தாலி · செய்தாலி Tue Mar 08, 2011 2:08 pm

என் மனைவிக்காக நான் எழுத நினைத்த சில வரிகளை நீங்கள் முந்திக்கொண்டு எழுதிவிடீர்கள் தோழரே
பராவா இல்லை என்று மனதை தேத்திக்கொள்ளும் அதேநேரம் உங்கள் மேல் சிறு போராமையும்கூட

ஒரு வரியை குறிப்பிட்டு சொல்ல மனம் வரவில்லை தேவதையை சுமக்கும் அழகிய உயிருள்ள வரிகள் பாராட்டுக்கள்