"வெறும், "ஷோ' தானா...!' - பயணியின் கமென்ட்

balakarthik · balakarthik Sat Dec 11, 2010 12:54 pm

சென்னை சென்ட்ரலில் செய்யப்பட்டுள்ள கூடுதல் பாதுகாப்பு ஏற்பாடுகளை, ரயில்வே எஸ்.பி., மவுரியா மற்றும் உயரதிகாரிகள் பார்வையிட்டனர். பயணிகளின் உடைமைகள், "மெட்டல் டிடெக்டர், ஸ்கேனர்' கருவிகள் மூலம் சோதனையிடப்படுவதை, பத்திரிகையாளர்கள் படம் பிடித்தனர். மவுரியா கூறும்போது, "ஒரு பயணியைக் கூட விடாமல், சோதனை செய்த பிறகே உள்ளே அனுமதிப்போம். உடைமைகள், சூட்கேஸ்கள், "ஸ்கேன்' செய்யப்படும். ரயில்வே ஊழியர்கள், உள்ளே கடை வைத்திருப்போர், ஐ.டி., கார்டு இருந்தால் மட்டும் அனுமதிக்கப்படுவர்' என்றார். அவர் சென்ற பின், தாமதமாக வந்த ஒரு கேமராமேன், "ஸ்கேனர் கருவியில் சோதிப்பதைப் படமெடுக்க வேண்டும்' என, போலீசாரிடம் கூறினார். அதற்கு போலீசார், "சூட்கேஸ்களை வைத்த மாதிரி படமெடுக்கலாம். "ஸ்கேன்' செய்வது போல் படமெடுக்க முடியாது. "ஸ்கேனர்' இரண்டு நாட்களாக ரிப்பேராக உள்ளது' என்றனர். இதைப் பார்த்த பயணி ஒருவர், "அப்ப இவ்ளோ நேரம் அதிகாரிகள் முன், "ஸ்கேன்' செய்ததெல்லாம் வெறும், "÷ஷா' தானா...' என, தனக்குத் தானே சொல்லியபடி, அங்கிருந்து நகர்ந்தார்.

நன்றி தினமலர்