இப்படியும் ஓர் இச்சை ஆண்களுக்கு தேவைதானா?

பெண்களுக்கு எதிரான வகையில் ஆப்கானிஸ்தானில் அறிமுகப் படுத்தப்பட்டுள்ள புதிய சட்டம் குறித்து பல்வேறு சர்ச்சைகள் உருவாகியுள்ளன.

கணவனது பாலியல் இச்சையை பூர்த்தி செய்யாத மனைவியை பட்டினி போடக் கூடிய வகையில் ஆப்கானிஸ்தானில் சட்டம் அறிமுகப்படுத்தப்பட்டுள்ளது.

ஆப்கானிஸ்தானின் ஜனாதிபதி ஹமீட் கர்சாயினால் அறிவிக்கப்பட்ட இந்த சட்ட மூலம் அண்மையில் வர்த்தமானியில் பிரசூரிக்கப்பட்டு சட்டமாக அமுல்படுத்தப்பட்டுள்ளது.

இதற்கு முன்னர் இதே போன்றதொரு சட்டத்தை ஜனாதிபதி அறிமுகப்படுத்திய போதிலும் மனித உரிமை ஆர்வலர்களின் கடும் எதிர்ப்பைத் தொடர்ந்து அந்த சட்டம் வாபஸ் பெற்றுக் கொள்ளப்பட்டது.

எவ்வாறெனினும், புதிதாக அறிமுகப்படுத்தப்பட்டுள்ள சட்டமும் பெண்களை அடிமைப் படுத்தும் வகையில் அமைந்துள்ளதென மனித உரிமை ஆர்வலர்கள் சுட்டிக்காட்டியுள்ளனர்.

எதிர்வரும் வாரம் நடைபெறவுள்ள ஆப்கானிஸ்தான் ஜனாதிபதித் தேர்தலில் வெற்றி பெறும் நோக்கில் ஜனாதிபதி இந்த சட்டத்தை அறிமுகப்படுத்தியுள்ளார் என விமர்சகர்கள் குறிப்பிட்டுள்ளனர்.

ஜனாதிபதி ஹமீட் கர்ஸாய் ஷியா முஸ்லிம்களின் ஆதரவினைப் பெற்றுக் கொள்வதற்காக ஆப்கானிஸ்தான் பெண்களை விற்பனை செய்துள்ளதாக சுட்டிக்காட்டியுள்ளனர்.

ஷியா சட்டத்தின் பிரகாரம் மனைவிமார் குறைந்தபட்சம் நான்கு நாட்களுக்கு ஓரு தடவையேனும் கணவனது பாலியல் இச்சையை தீர்க்க வேண்டும் என குறிப்பிடப்பட்டுள்ளது.

எனினும், இந்த சட்டமூலம் பெண்கள் உரிமைகளை கடுமையாக பாதிப்பதாக மேற்குலக நாடுகள் குற்றம் சுமத்தியுள்ளன.

புதிய சட்டத்தின் மூலம் பாலியல் இச்சையை பூர்த்தி செய்யாத மனைவியருக்கு கணவன்மார் உணவு வழங்காதிருக்க முடியும் எனத் தெரிவிக்கப்படுகிறது.

இந்த சட்டம் அடிப்படை பெண் உரிமையை மீறும் வகையில் அமைந்துள்ளதென மனித உரிமை கண்காணிப்பகம் உள்ளிட்ட அமைப்புக்கள் சுட்டிக்காட்டியுள்ளன.

உக்காந்தே யோசிபாங்கலோ

என்னப்பா இது வர வர எதுஎதுக்குல்லாம் சட்டம் கொண்டு வராங்க.