கவிஞர் வைரமுத்து எழுதிய உயிரை உருக்கும் பாடல்

**சிவா** · **சிவா** Sun Oct 10, 2010 4:16 pm

சீனுராமசாமி டைரக்ட் செய்துள்ள `தென்மேற்கு பருவ காற்று' படம், தாய்-மகன் பாசத்தை கருவாக கொண்ட படம். இந்த படத்தில் தாயாக சரண்யாவும், மகனாக புதுமுகம் விஜய் சேதுபதியும் நடித்து இருக்கிறார்கள். படத்தில், பெற்ற தாயை நினைத்து மகன் உருகிப்பாடுவது போல் ஒரு பாடல் இடம்பெறுகிறது.

இந்த பாடலை, கவிஞர் வைரமுத்து எழுதியிருக்கிறார். உயிரை உருக்கும் அந்த பாடல் வரிகள் வருமாறு:-

கள்ளிக்காட்டில் பெறந்த தாயே
என்னக் கல்லொடச்சு வளத்த நீயே
முள்ளுக்காட்டில் மொளச்ச தாயே
என்ன முள்ளுத் தைக்க விடல நீயே
காடைக்கும் காட்டுக்குருவிக்கும்
எண்டம் புதருக்குள் எடமுண்டு
கோடைக்கும் அடிக்கும் குளிருக்கும்
தாயி ஒதுங்கத்தான் எடமுண்டா?
கரட்டு மேட்டையே மாத்துனா
அவ கல்லப் புழிஞ்சு கஞ்சி ஊத்துனா...

உழவு காட்டுல வெதவெதப்பா
ஓணான் கரட்டுல கூழ்குடிப்பா
ஆவாரங் குழையில கைதொடப்பா பாவமப்பா
வேலி முள்ளில் அவ வெறகெடுப்பா
நாழி அரிசிவச்சு ஒலை எரிப்பா
பிள்ள உண்டமிச்சம் உண்டு உசுர்வளப்பா தியாகப்பா
கிழக்கு விடியுமுன்ன முழிக்கிறா
அவ ஒலக்க புடிச்சுத்தான் பெறக்குறா
மண்ணக் கிண்டித்தான் பொழைக்கிறா
ஒடல் மக்கிப்போகு மட்டும் ஒழைக்கிறா

தங்கம் தனித்தங்கம் மாசு இல்ல
தாய்ப்பால் ஒண்ணில் மட்டும் தூசு இல்ல
தாய்வழிச் சொந்தம் போலப் பாசமில்ல நேசமில்ல
ஆறு இல்லா ஊரில் கிணறு இருக்கு
கோவில் இல்லா ஊரில் தாயிருக்கு
தாயில்லா ஊரில் நிழல் இருக்கா
அன்பில் நெசம் இருக்கா?

சொந்தம் நூறு சொந்தம் இருக்குதே
பெத்த தாயி போல ஒண்ணு நெலைக்குதா?
சாமி நூறு சாமி இருக்குதே
அட தாயி ரெண்டு தாயி இருக்குதா?

என்.ஆர்.ரஹ்நந்தன் இசையில், பாடகர்கள் உன்னிமேனன், விஜய் பிரகாஷ் ஆகிய இருவரும் பாடினார்கள். ஜோதம் மீடியா ஒர்க்ஸ் சார்பில் கேப்டன் ஷிபு ஐசக் இந்த படத்தை தயாரித்துள்ளார்.

அப்புகுட்டி · அப்புகுட்டி Sun Oct 10, 2010 4:18 pm

மிகவும் அருமையாக உள்ளது பகிர்வுக்கு அன்பு நன்றிகள்

கார்த்திக் · கார்த்திக் Sun Oct 10, 2010 4:20 pm

வைரமுத்து வரிகள் எவ்ளோ படித்தாலும் சலிக்காது

அருமை பகிர்வுக்கு நன்றி அண்ணா

balakarthik · balakarthik Sun Oct 10, 2010 4:23 pm

வைரனுதுவின் தாயைப்பற்றிய பாடல்கள் எப்பவுமே சொரப்பாக இருக்கும் இதுவும் அப்படியே மிக உருக்கமான பாடல் இசையுடன் கேட்க ஆவலாக உள்ளேன் இசை வரட்டும் கேக்கலாம் பகிர்வுக்கு நன்றி

Sponsored content · Sponsored content

கவிஞர் வைரமுத்து எழுதிய உயிரை உருக்கும் பாடல்

கவிஞர் வைரமுத்து எழுதிய உயிரை உருக்கும் பாடல்

Re: கவிஞர் வைரமுத்து எழுதிய உயிரை உருக்கும் பாடல்

Re: கவிஞர் வைரமுத்து எழுதிய உயிரை உருக்கும் பாடல்

Re: கவிஞர் வைரமுத்து எழுதிய உயிரை உருக்கும் பாடல்

Re: கவிஞர் வைரமுத்து எழுதிய உயிரை உருக்கும் பாடல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக