காஷ்மீரை மறந்து உங்களைப் பற்றி கவலைப்படுங்கள்: இந்தியா

நியூயார்க், செப்.30: காஷ்மீர் விவகாரத்தை மறந்து உள்நாட்டு தீவிரவாதம் குறித்துகவலைப்படுங்கள் என்று இந்திய வெளியுறவு அமைச்சர் எஸ்.எம். கிருஷ்ணாபாகிஸ்தானை கடுமையாகக் கண்டித்துள்ளார்.

ஐ.நா. பொது சபைக்கூட்டத்தில் பாகிஸ்தான் வெளியுறவு அமைச்சர் குரேஷி பேசும்போது, காஷ்மீர்மக்கள் தங்களின் எதிர்காலத்தை நிர்ணயிக்க அவர்களுக்கு சுயநிர்ணய உரிமைவழங்கப்பட வேண்டும், இந்த விவகாரத்தில் ஐ.நா. சபை தலையிட வேண்டும் என்றுகேட்டுக் கொண்டார்.

இந்தக் குற்றச்சாட்டுக்கு இந்திய வெளியுறவு அமைச்சர் எஸ்.எம். கிருஷ்ணா காட்டமாக பதிலளித்தார். பாகிஸ்தானில் தீவிரவாதம் வேரூன்றி வளர்ந்து வருகிறது. அங்கு அண்மையில்பெய்த கனமழையால் நாடு முழுவதும் வெள்ள பாதிப்புகள் அதிகரித்துள்ளன. இந்தப்பிரச்னைகளை பாகிஸ்தான் அரசால் சமாளிக்க முடியவில்லை. தங்களது ஆட்சியின்குறைகளை மறைக்க அந்த நாட்டு அரசு, காஷ்மீர் விவகாரத்தை அடிக்கடி எழுப்பிவருகிறது.

முதலில் காஷ்மீர் விவகாரத்தை மறந்து, உங்கள் நாட்டுப் பிரச்னைகள் குறித்து கவலைப்படுங்கள் என்று எஸ்.எம்.கிருஷ்ணா கூறினார். நியூயார்க்கில் குரேஷியை சந்திக்காமல் நாடு திரும்புவது குறித்து எஸ்.எம்.கிருஷ்ணாவிடம் கேட்டபோது, இதனை பெரிய பின்னடைவாகக் கருதவில்லை என்றுகூறினார். எனது பாகிஸ்தான் பயணத்தின்போது, தில்லி வருமாறு குரேஷிக்கு அழைப்பு விடுத்தேன். அதற்கு இதுவரை எந்த பதிலும் இல்லை.


ஐ.நா. சபை பொதுக்கூட்டத்தில் பங்கேற்க இந்திய வெளியுறவுச் செயலர் நிருபமா ராவும் என்னுடன் வந்துள்ளார். ஆனால், குரேஷி, தங்கள் நாட்டின் வெளியுறவுச் செயலரை அழைத்து வராமல் தனியாக வந்துள்ளார். பேச்சுவார்த்தைக்கு பாகிஸ்தான் தயாராக இல்லை என்பதற்கு இதுவே உதாரணம் என்று அவர் மேலும் கூறினார். காஷ்மீர் விவகாரத்தை எழுப்புவதால்தான் பேச்சுவார்த்தைக்கு இந்தியா ஆர்வம்காட்டுவதில்லை என்று குரேஷி கூறியிருப்பது குறித்து கேட்டபோது, அதனைகிருஷ்ணா திட்டவட்டமாக மறுத்தார். காஷ்மீர் விவகாரம் குறித்துஇந்தியா பயப்படவில்லை. இது குறித்து ஐ.நா. சபையில் குரேஷி பேசினார்.

அதற்கு இந்திய தரப்பில் தகுந்த பதில் அளிக்கப்பட்டு விட்டது என்று அவர்கூறினார். அர்த்தமுள்ள பேச்சுவார்த்தையை துவங்க இந்தியாவுக்குபல்வேறு ஆலோசனைகளை கூறியதாகவும், அதற்கு இதுவரை பதில் இல்லை என்றகுரேஷியின் குற்றச்சாட்டையும் கிருஷ்ணா மறுத்தார். பேச்சுவார்த்தை தொடர்பாக பாகிஸ்தான் தரப்பில் இருந்து எந்த ஆலோசனையும் வரவில்லை என்று அவர் தெரிவித்தார்.

மிகத் திறமையாகப் பேசியுள்ளார் திரு எஸ்.எம்.கிருஷ்ணா! இதுபோன்று தக்க நேரத்தில் பதிலடி கொடுத்தால் வாயை மூடிக்கொண்டிருப்பார்கள்!

சிவா wrote:மிகத் திறமையாகப் பேசியுள்ளார் திரு எஸ்.எம்.கிருஷ்ணா! இதுபோன்று தக்க நேரத்தில் பதிலடி கொடுத்தால் வாயை மூடிக்கொண்டிருப்பார்கள்!

ஐ சப்போர்ட் யூ சிவா.......

மிக நல்ல தகவல். ஐ நா சபையில் இந்தியர்களின் பேச்சு எப்போதுமே புதுமையாகவும் பொருள் பொதிந்ததாகவும் இருந்து வருகிறது. மனிதநேயத்தின் அடிப்படையில் அணுகுமுறை என்பதால்.

கா.ந.கல்யாணசுந்தரம்.