அதிநவீன ராக்கெட் லாஞ்சர் வெடித்து இருவர் பலி : நாகை நகரம் தப்பியது

நாகப்பட்டினம் : நாகையில் அனாமதேய ராக்கெட் லாஞ்சரில் தாமிரத்தை வெட்டிஎடுக்க முயன்ற வெல்டர் உட்பட இருவர், உடல் சிதறி இறந்தனர்; அதிர்ஷ்டவசமாகநாகை நகரம் மற்றும் கடலோர குடியிருப்பு பகுதிகள் தப்பின.நாகை,அக்கரைப்பேட்டை பகுதியைச் சேர்ந்த ஒரு விசைப்படகு இரண்டு நாட்களுக்குமுன், மீன் பிடித்து விட்டு திரும்பும் போது வலையில் சிக்கிய ராக்கெட்லாஞ்சரை மீனவர்கள், கீச்சாங்குப்பம் மீன் ஏலக்கூடப் பகுதியில் இறக்கிபோட்டனர். இதுகுறித்து வருவாய் துறை, உளவுத்துறை மற்றும் போலீசாருக்குஎந்த தகவலும் தெரியப்படுத்தவில்லை. 250 கிலோ எடையுள்ள அதிநவீன ராக்கெட்லாஞ்சரில் இருந்து தாமிரத்தை வெட்டி எடுப்பதற்காக அப்பகுதியைச் சேர்ந்தசிலர், நேற்று மதியம் வெல்டர் ஒருவரை அழைத்து வந்து வெல்டிங்இயந்திரத்தால் வெட்ட முயற்சித்தனர். அப்போது சீறிப் பாய்ந்த ராக்கெட்லாஞ்சர், மீன் இறங்கு தளத்தை தகர்த்துக் கொண்டு கடல் பகுதிக்கு சென்றது;எங்கு விழுந்தது என்று தெரியவில்லை.
ராக்கெட் லாஞ்சர் வெடித்து கிளம்பியதில், சிக்கல் கிராமத்தைச் சேர்ந்தவெல்டர் பக்கிரி(35), கீச்சாங்குப்பம் திருமுருகன்(20) இருவரும் உடல்சிதறி இறந்தனர். அக்கரைப்பேட்டை கோபால்(23) படுகாயங்களுடன் நாகை அரசுமருத்துவமனையில் சிகிச்சை பெற்று வருகிறார். உடல் சிதறிய திருமுருகன் உடல்அருகிலேயே கிடந்ததால், உடன் அடையாளம் காணப்பட்டது. வெல்டர் பக்கிரியின்உடல் பாகங்கள் சிதறி கடலில் விழுந்ததால், அடையாளம் காண முடியவில்லை.வெடித்து கிளம்பிய அதிநவீன ராக்கெட் லாஞ்சர் அதிர்ஷ்டவசமாக நகர்புறம்அல்லது கடலோர குடியிருப்பு பகுதியில் திரும்பாமல் கடல் பகுதிக்குள் சீறிப்பாய்ந்து சென்றது. குடியிருப்பு பகுதிக்குள் நுழைந்திருந்தால் பெரும்அசம்பாவிதம் ஏற்பட்டிருக்கும். இரண்டு தினங்களாக கிடந்த அதிநவீன ராக்கெட்பற்றிய தகவலை கிராம பஞ்சாயத்தார், வருவாய் துறையினர் மற்றும் போலீசாருக்குதெரிவிக்கவில்லை. அப்பகுதி இளைஞர்கள் சிலர் வி.ஏ.ஓ.,வுக்கு தகவல்தெரிவித்ததாகக் கூறுகின்றனர்.
இளைஞர்கள் கூறியது போல் தகவல் தெரிந்திருந்தால், வருவாய் துறையினர்அதிநவீன ராக்கெட் லாஞ்சரை தங்கள் பொறுப்பில் எடுத்துக் கொள்ளாமல்அலட்சியம் காட்டியது குழப்பமாக உள்ளது. அதிநவீன ராக்கெட் லாஞ்சர்,விடுதலைப் புலிகளுக்கு சொந்தமானதா அல்லது இந்திய, இலங்கை கடற்படையினருக்குசொந்தமானதா என்பதும் உடனடியாக தெரியவில்லை. இந்திய, இலங்கைகடற்படையினருக்கு சொந்தமானதாக இருந்து காணாமல் போயிருந்தால், அது குறித்துவழக்கு பதிவு செய்யப்பட்டுள்ளதா என்று கியூ பிரிவு போலீசார் விசாரித்துவருகின்றனர். சம்பவத்தை நேரில் பார்த்த மீனவர்கள் கூறுகையில், "மதியம்2.45 மணிக்கு வெடிச் சத்தம் ஒரு கிலோ மீட்டர் சுற்றளவுக்கு கேட்டது.வீடுகள் அனைத்தும் குலுங்கின. கடல் பகுதிக்குள் வெண் புகையோடு வெடித்துகிளம்பிய ராக்கெட் லாஞ்சர் குறைந்தது 30 கிலோ மீட்டர் தூரத்திற்குஅப்பாற்பட்டு விழுந்திருக்கும். அப்பகுதியில் ஏதேனும் படகுகள் மீன்பிடித்துக் கொண்டிருந்தால் அவர்களின் நிலைமை மோசமாக இருந்திருக்கும்'என்றனர்.